SpaceX ਦੇ ਸਭ ਤੋਂ ਪਾਵਰਫੁੱਲ ਰਾਕੇਟ ਦੀ ਸਫ਼ਲ ਟੈਸਟਿੰਗ ! ਪਾਣੀ ''ਚ ਲੈਂਡ ਹੁੰਦਿਆਂ ਹੀ ਹੋ ਗਿਆ Blast

ਇੰਟਰਨੈਸ਼ਨਲ ਡੈਸਕ- ਦੁਨੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਐਲਨ ਮਸਕ ਦੀ ਸਪੇਸ ਕੰਪਨੀ 'ਸਪੇਸਐਕਸ' ਨੇ ਆਪਣੇ ਸਭ ਤੋਂ ਵੱਡੇ ਅਤੇ ਸ਼ਕਤੀਸ਼ਾਲੀ ਮੈਗਾ ਰਾਕੇਟ 'ਸਟਾਰਸ਼ਿਪ ਵੀ3' ਦੀ 12ਵੀਂ ਟੈਸਟ ਫਲਾਈਟ ਸਫ਼ਲਤਾਪੂਰਵਕ ਪੂਰੀ ਕਰ ਲਈ ਹੈ। ਅਮਰੀਕਾ ਦੇ ਟੈਕਸਾਸ ਤੋਂ ਲਾਂਚ ਹੋਣ ਤੋਂ ਬਾਅਦ, ਇਸ ਰਾਕੇਟ ਨੇ ਧਰਤੀ ਦਾ ਚੱਕਰ ਲਗਾਇਆ ਅਤੇ ਹਿੰਦ ਮਹਾਸਾਗਰ 'ਚ ਤੈਅ ਕੀਤੇ ਗਏ ਪੁਆਇੰਟ 'ਤੇ ਸਫ਼ਲ ਲੈਂਡਿੰਗ ਕੀਤੀ। ਹਾਲਾਂਕਿ, ਪਾਣੀ ਨਾਲ ਟਕਰਾਉਣ ਤੋਂ ਤੁਰੰਤ ਬਾਅਦ ਰਾਕੇਟ 'ਚ ਜ਼ਬਰਦਸਤ ਧਮਾਕਾ ਹੋ ਗਿਆ ਅਤੇ ਉਹ ਅੱਗ ਦੇ ਗੋਲ਼ੇ 'ਚ ਬਦਲ ਗਿਆ।

ਹਾਲਾਂਕਿ ਸਪੇਸਐਕਸ ਮੁਤਾਬਕ, ਇਹ ਧਮਾਕਾ ਕੋਈ ਹਾਦਸਾ ਨਹੀਂ ਸੀ, ਸਗੋਂ ਮਿਸ਼ਨ ਦੀ ਯੋਜਨਾ ਦਾ ਹੀ ਹਿੱਸਾ ਸੀ। ਕੰਪਨੀ ਦਾ ਮਕਸਦ ਇਸ ਟੈਸਟ ਫਲਾਈਟ ਰਾਹੀਂ ਰਾਕੇਟ ਦੀ ਰੀ-ਐਂਟਰੀ ਅਤੇ ਕੰਟਰੋਲਡ ਲੈਂਡਿੰਗ ਦੀ ਜਾਂਚ ਕਰਨਾ ਸੀ। ਕਿਉਂਕਿ ਇਸ ਵਾਰ ਰਾਕੇਟ ਦੇ ਇਸ ਹਿੱਸੇ ਨੂੰ ਦੁਬਾਰਾ ਸੁਰੱਖਿਅਤ ਵਾਪਸ ਲਿਆਉਣ ਦੀ ਕੋਈ ਯੋਜਨਾ ਨਹੀਂ ਸੀ, ਇਸ ਲਈ ਪਾਣੀ 'ਚ ਡਿੱਗਣ ਤੋਂ ਬਾਅਦ ਇਸ ਦਾ ਨਸ਼ਟ ਹੋਣਾ ਤੈਅ ਸੀ।

ਇਹ ਵੀ ਪੜ੍ਹੋ- ਧਰਤੀ 'ਤੇ ਆ ਗਏ Alien ! ਅਮਰੀਕੀ ਰੱਖਿਆ ਮੰਤਰਾਲੇ ਦੀ ਵੀਡੀਓ ਨੇ ਉਡਾ'ਤੇ ਸਭ ਦੇ ਹੋਸ਼

ਉਡਾਣ ਦੌਰਾਨ ਰਾਕੇਟ ਦੇ ਕੁਝ ਇੰਜਣਾਂ ਵਿੱਚ ਤਕਨੀਕੀ ਖ਼ਰਾਬੀ ਵੀ ਆਈ, ਪਰ ਇਸ ਦੇ ਬਾਵਜੂਦ ਰਾਕੇਟ ਨੇ ਆਪਣਾ ਰਸਤਾ ਨਹੀਂ ਭਟਕਿਆ ਅਤੇ ਸਹੀ ਜਗ੍ਹਾ 'ਤੇ ਲੈਂਡ ਕੀਤਾ। ਇਸ ਮਿਸ਼ਨ ਦੌਰਾਨ ਜਹਾਜ਼ ਨੇ 22 ਡਮੀ ਸਟਾਰਲਿੰਕ ਸੈਟੇਲਾਈਟ ਵੀ ਪੁਲਾੜ ਵਿੱਚ ਸਫ਼ਲਤਾਪੂਰਵਕ ਲਾਂਚ ਕੀਤੇ।

ਇਸ ਇਤਿਹਾਸਕ ਕਾਮਯਾਬੀ 'ਤੇ ਖ਼ੁਸ਼ੀ ਜ਼ਾਹਰ ਕਰਦਿਆਂ ਐਲਨ ਮਸਕ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਆਪਣੀ ਟੀਮ ਨੂੰ ਵਧਾਈ ਦਿੱਤੀ ਅਤੇ ਲਿਖਿਆ, "ਤੁਸੀਂ ਮਨੁੱਖਤਾ ਲਈ ਇੱਕ ਵੱਡਾ ਗੋਲ ਕੀਤਾ ਹੈ।" ਜ਼ਿਕਰਯੋਗ ਹੈ ਕਿ ਅਮਰੀਕੀ ਸਪੇਸ ਏਜੰਸੀ ਨਾਸਾ ਆਪਣੇ ਭਵਿੱਖ ਦੇ 'ਆਰਟੇਮਿਸ' ਮਿਸ਼ਨ ਤਹਿਤ ਇਨਸਾਨਾਂ ਨੂੰ ਦੁਬਾਰਾ ਚੰਦਰਮਾ ਅਤੇ ਮੰਗਲ ਗ੍ਰਹਿ 'ਤੇ ਭੇਜਣ ਲਈ ਇਸੇ ਸਟਾਰਸ਼ਿਪ ਰਾਕੇਟ ਦੀ ਵਰਤੋਂ ਕਰਨ ਵਾਲੀ ਹੈ। ਅਜਿਹੇ 'ਚ ਇਸ ਸਫਲ ਟੈਸਟਿੰਗ ਤੋਂ ਬਾਅਦ ਵਿਗਿਆਨੀਆਂ ਦੀਆਂ ਉਮੀਦਾਂ ਨੂੰ ਹੋਰ ਖੰਭ ਲੱਗ ਗਏ ਹਨ।

ਇਹ ਵੀ ਪੜ੍ਹੋ- ਅਮਰੀਕਾ ਨੇ ਇਰਾਨ 'ਤੇ ਮੁੜ ਹਮਲੇ ਦੀ ਖਿੱਚੀ ਤਿਆਰੀ ! UAE, ਸਾਊਦੀ ਤੇ ਕਤਰ ਨੇ...

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e