ਓ ਤੇਰੀ! ਲੈਂਡਿਗ ਦੌਰਾਨ ਟਰੱਕ ਅਤੇ ਖੰਭੇ ਨਾਲ ਟਕਰਾ ਗਿਆ ਜਹਾਜ਼, 221 ਯਾਤਰੀ ਸਨ ਸਵਾਰ

ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਵਿਚ ਇਕ ਵੱਡਾ ਜਹਾਜ਼ ਹਾਦਸਾ ਹੁੰਦੇ-ਹੁੰਦੇ ਟਲ ਗਿਆ। ਜਾਣਕਾਰੀ ਮੁਤਾਬਕ ਮੁਸਾਫ਼ਰਾਂ ਨਾਲ ਭਰਿਆ ਹਵਾਈ ਜ਼ਹਾਜ਼ ਲੈਂਡਿਗ ਦੌਰਾਨ ਸੜਕ ਨੇੜੇ ਮੌਜੂਦ ਟਰੱਕ ਅਤੇ ਬਿਜਲੀ ਦੇ ਖੰਭੇ ਨਾਲ ਟਕਰਾ ਗਿਆ। ਜਹਾਜ਼ ਵਿਚ 221 ਮੁਸਾਫ਼ਰ ਸਵਾਰ ਸਨ। ਟੱਕਰ ਮਗਰੋਂ ਯੂਨਾਈਟਡ ਏਅਰਲਾਈਨਜ਼ ਦੇ ਜਹਾਜ਼ ਨੇ ਟਰੱਕ ਦੀ ਛੱਤ ਭੰਨ ਦਿਤੀ ਅਤੇ ਲਾਈਟ ਪੋਲ ਦੇ ਪਰਖੱਚੇ ਉਡਾਉਂਦਾ ਹੋਇਆ ਨਿਊ ਜਰਸੀ ਦੇ ਨਿਊ ਅਰਕ ਲਿਬਰਟੀ ਇੰਟਰਨੈਸ਼ਨਲ ਏਅਰਪੋਰਟ ’ਤੇ ਲੈਂਡ ਕਰ ਗਿਆ। ਨਿਊ ਜਰਸੀ ਪੁਲਿਸ ਮੁਤਾਬਕ ਲੈਂਡ ਕਰ ਰਹੇ ਜਹਾਜ਼ ਦਾ ਇਕ ਟਾਇਰ ਟਰੱਕ ਨਾਲ ਟਕਰਾਇਆ ਜਦਕਿ ਦੂਜਾ ਲਾਈਟ ਪੋਲ ਵਿਚ ਵੱਜਿਆ। 

ਐਵੀਏਸ਼ਨ ਸੈਕਟਰ ਦੇ ਮਾਹਰਾਂ ਮੁਤਾਬਕ ਹਾਦਸਾ ਵੱਡੇ ਜਾਨੀ ਨੁਕਸਾਨ ਦਾ ਕਾਰਨ ਬਣ ਸਕਦਾ ਸੀ ਪਰ ਖੁਸ਼ਕਿਸਮਤੀ ਨਾਲ ਸਿਰਫ਼ ਟਰੱਕ ਡਰਾਈਵਰ ਹੀ ਮਾਮੂਲੀ ਜ਼ਖ਼ਮੀ ਹੋਇਆ, ਜਿਸ ਨੂੰ ਮੱਲ੍ਹਮ ਪੱਟੀ ਮਗਰੋਂ ਹਸਪਤਾਲ ਤੋਂ ਛੁੱਟੀ ਮਿਲ ਗਈ। ਹਾਈਵੇਅ ਤੋਂ ਲੰਘਦੇ ਟਰੱਕ ਖਹਿ ਕੇ ਲੰਘਦੇ ਜਹਾਜ਼ ਦੀਆਂ ਵੀਡੀਓਜ਼ ਬੇਹੱਦ ਵਾਇਰਲ ਹੋ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਯੂਨਾਈਟਡ ਏਅਰਲਾਈਨਜ਼ ਦੀ ਫਲਾਈਟ ਯੂ.ਏ. 169 ਇਟਲੀ ਤੋਂ ਆਈ, ਜਿਸ ਵਿਚ 221 ਮੁਸਾਫ਼ਰਾਂ ਤੋਂ ਇਲਾਵਾ 10 ਕਰੂ ਮੈਂਬਰ ਵੀ ਸਵਾਰ ਸਨ। ਹਵਾਈ ਅੱਡਾ ਅਥਾਰਟੀ ਨੇ ਪੁਸ਼ਟੀ ਕੀਤੀ ਹੈ ਕਿ ਜਹਾਜ਼ ਵਿੱਚ ਸਵਾਰ ਸਾਰੇ ਲੋਕ ਸੁਰੱਖਿਅਤ ਹਨ ਅਤੇ ਇੱਕ ਵੱਡਾ ਹਾਦਸਾ ਟਲ ਗਿਆ ਹੈ।

🚨🇺🇸#BREAKING | NEWS ⚠️
Update New release of the
Air traffic control audio after
a United Airlines flight number (#UA169) Boeing 767
arriving from 🇮🇹Venice, Italy to Newark liberty airport in New Jersey.

When on the approach to runway 29 when it crashed into a truck and a… pic.twitter.com/feWF8g7Nod

— Todd Paron🇺🇸🇬🇷🎧👽 (@tparon) May 4, 2026

ਪੜ੍ਹੋ ਇਹ ਅਹਿਮ ਖ਼ਬਰ- ਮੰਨ ਗਿਆ ਪਾਕਿਸਤਾਨ ! ਭਾਰਤੀ ਫੌਜ ਦੇ ਅੱਤਵਾਦ ਖ਼ਿਲਾਫ਼ 'ਆਪਰੇਸ਼ਨ ਸਿੰਦੂਰ' 'ਤੇ ਵੱਡਾ ਕਬੂਲਨਾਮਾ

ਉਧਰ, ਏਅਰਪੋਰਟ ਪ੍ਰਬੰਧਕਾਂ ਨੇ ਦੱਸਿਆ ਕਿ ਜਹਾਜ਼ ਨੇ ਰਨਵੇਨ 29 ’ਤੇ ਲੈਂਡ ਕਰ ਰਿਹਾ ਸੀ ਜਦੋਂ ਅਜੀਬੋ ਗਰੀਬ ਘਟਨਾਕ੍ਰਮ ਵਾਪਰਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਟਲੀ ਤੋਂ ਰੋਜ਼ਾਨਾ ਆਉਂਦੀ ਇਹ ਫਲਾਈਟ ਆਮ ਤੌਰ ’ਤੇ 11 ਹਜ਼ਾਰ ਫੁੱਟ ਜਾਂ 10 ਹਜ਼ਾਰ ਫੁੱਟ ਲੰਮੇ ਰਨਵੇਅ ’ਤੇ ਲੈਂਡ ਕਰਦੀ ਸੀ ਪਰ ਰਨਵੇਅ 29 ਦੀ ਲੰਬਾਈ ਸਿਰਫ਼ 6,725 ਫੁੱਟ ਹੈ। ਇਕ ਵੱਡੇ ਜਹਾਜ਼ ਲਈ ਰਨਵੇਅ ਦੀ ਲੰਬਾਈ 6 ਹਜ਼ਾਰ ਫੁੱਟ ਤੋਂ ਵੱਧ ਹੋਣੀ ਚਾਹੀਦੀ ਹੈ ਪਰ ਹਾਈਵੇਅ ਬਿਲਕੁਲ ਨੇੜੇ ਹੋਣ ਕਰ ਕੇ ਪਾਇਲਟ ਲਈ ਜਹਾਜ਼ ਕੁਝ ਉਚਾਈ ’ਤੇ ਰੱਖਣਾ ਲਾਜ਼ਮੀ ਸੀ। 

ਨੈਸ਼ਨਲ ਟ੍ਰਾਂਸਪੋਰਟੇਸ਼ਨ ਸੇਫ਼ਟੀ ਬੋਰਡ ਦੇ ਸਾਬਕਾ ਮੁਖੀ ਅਤੇ ਸੇਵਾ ਮੁਕਤ ਪਾਇਲਟ ਰੌਬਰਟ ਸਮਵਾਲਟ ਦਾ ਕਹਿਣਾ ਹੈ ਕਿ ਰਨਵੇਅ ਛੋਟਾ ਹੋਣ ਕਰ ਕੇ ਪਾਇਲਟ ਨੇ ਜਹਾਜ਼ ਨੂੰ ਸਮਾਂ ਰਹਿੰਦੇ ਰੋਕਣਾ ਚਾਹੁੰਦੇ ਸਨ ਅਤੇ ਇਸੇ ਕਰ ਕੇ ਜਹਾਜ਼ ਨੂੰ ਪਹਿਲਾਂ ਹੀ ਨੀਵਾਂ ਲਿਆਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਪਰ ਹਾਈਵੇਅ ਦਾ ਖ਼ਿਆਲ ਸੰਭਾਵਤ ਤੌਰ ’ਤੇ ਦਿਮਾਗ ਵਿਚੋਂ ਨਿਕਲ ਗਿਆ। ਉਧਰ ਫ਼ੈਡਰਲ ਐਵੀਏਸ਼ਨ ਐਡਮਨਿਸਟ੍ਰੇਸ਼ਨ ਵੱਲੋਂ ਮਾਮਲੇ ਦੀ ਪੜਤਾਲ ਕੀਤੀ ਜਾ ਰਹੀ ਹੈ ਅਤੇ ਹਵਾਈ ਜਹਾਜ਼ ਦੇ ਮੁਸਾਫ਼ਰ ਆਪਣਾ ਤਜਰਬਾ ਸਾਂਝਾ ਕਰ ਰਹੇ ਹਨ ਜਿਨ੍ਹਾਂ ਨੂੰ ਟੱਕਰ ਦੌਰਾਨ ਝਟਕਾ ਮਹਿਸੂਸ ਹੋਇਆ। ਜ਼ਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਕੈਲੇਫੋਰਨੀਆ ਵਿਚ ਲੈਂਡ ਕਰ ਰਹੇ ਯੂਨਾਈਟਡ ਏਅਰਲਾਈਨਜ਼ ਦੇ ਜਹਾਜ਼ ਨਾਲ 4 ਹਜ਼ਾਰ ਫੁੱਟ ਦੀ ਉਚਾਈ ’ਤੇ ਇਕ ਡਰੋਨ ਟਕਰਾਇਆ ਪਰ ਪਾਇਲਟ ਸੁਰੱਖਿਅਤ ਲੈਂਡਿੰਗ ਕਰਵਾਉਣ ਵਿਚ ਸਫ਼ਲ ਰਹੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।