ਡਿਫੈਂਸ ''ਚ ਪਾਕਿਸਤਾਨ ਦੀ ਵੱਡੀ ਛਲਾਂਗ ! ''ਫਤਿਹ-4'' ਕਰੂਜ਼ ਮਿਜ਼ਾਈਲ ਦਾ ਕੀਤਾ ਸਫ਼ਲ ਪ੍ਰੀਖਣ

ਇੰਟਰਨੈਸ਼ਨਲ ਡੈਸਕ- ਪਾਕਿਸਤਾਨ ਨੇ ਸਵਦੇਸ਼ੀ ਵਿਕਸਿਤ ਅਤੇ ਜ਼ਮੀਨ ਤੋਂ ਦਾਗੀ ਜਾਣ ਵਾਲੀ ‘ਫ਼ਤਿਹ-4’ ਕਰੂਜ਼ ਮਿਜ਼ਾਈਲ ਦੇ ਆਧੁਨਿਕ ਮਾਡਲ ਦਾ ਸਫ਼ਲ ਪ੍ਰੀਖਣ ਕਰ ਲਿਆ ਹੈ, ਜੋ 750 KM ਤੱਕ ਦੂਰ ਟੀਚਿਆਂ ਨੂੰ 5 ਮੀਟਰ ਤੱਕ ਦੀ ਸਟੀਕਤਾ ਨਾਲ ਨਿਸ਼ਾਨਾ ਬਣਾਉਣ ’ਚ ਸਮਰੱਥ ਹੈ।

ਪਾਕਿਸਤਾਨੀ ਫ਼ੌਜ ਨੇ ਕਿਹਾ ਕਿ ਆਧੁਨਿਕ ‘ਏਵੀਓਨਿਕਸ’ (ਮਿਜ਼ਾਈਲ ’ਚ ਇਸਤੇਮਾਲ ਹੋਣ ਵਾਲੀਆਂ ਇਲੈਕਟ੍ਰਾਨਿਕ ਪ੍ਰਣਾਲੀਆਂ, ਜਿਵੇਂ ਨੇਵੀਗੇਸ਼ਨ, ਕੰਟਰੋਲ, ਸੰਚਾਰ ਅਤੇ ਮਾਰਗਦਰਸ਼ਨ ਪ੍ਰਣਾਲੀ) ਅਤੇ ਅਤਿ-ਆਧੁਨਿਕ ਨੈਵੀਗੇਸ਼ਨ ਸਿਸਟਮ ਨਾਲ ਲੈਸ ਇਹ ਮਿਜ਼ਾਈਲ ਲੰਬੀ ਦੂਰੀ ਦੇ ਟੀਚਿਆਂ ਨੂੰ ਬਹੁਤ ਜ਼ਿਆਦਾ ਸਟੀਕਤਾ ਨਾਲ ਨਿਸ਼ਾਨਾ ਬਣਾਉਣ ’ਚ ਸਮਰੱਥ ਹੈ। ਇਸ ਤੋਂ ਪਹਿਲਾਂ ਮਈ ’ਚ ਪਾਕਿਸਤਾਨ ਨੇ ਜ਼ਮੀਨ ਤੋਂ ਦਾਗੀ ਜਾਣ ਵਾਲੀ ‘ਫ਼ਤਿਹ-4’ ਕਰੂਜ਼ ਮਿਜ਼ਾਈਲ ਦਾ ਸਫ਼ਲ ਪ੍ਰੀਖਣ ਕੀਤਾ ਸੀ।