ਵਾਸ਼ਿੰਗਟਨ- ਆਮਰੀਕਾ ਦੀ ਫਸਟ ਲੇਡੀ ਮੇਲਾਨੀਆ ਟਰੰਪ ਦਾ 18 ਸਾਲ ਪੁਰਾਣਾ ਇਕ ਫੋਟੋਸ਼ੂਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਫੋਟੋ ਵਿਚ ਮੇਲਾਨੀਆ ਇਕ ਫਾਇਰਮੈਨ ਨੂੰ 'ਕਿੱਸ' ਕਰਦੀ ਦਿਖਾਈ ਦੇ ਰਹੀ ਹੈ। ਵਿਆਹ ਤੋਂ ਪਹਿਲਾਂ ਮੇਲਾਨੀਆ ਮਾਡਲਿੰਗ ਦੇ ਪੇਸ਼ੇ ਵਿਚ ਸੀ ਤੇ ਉਹਨਾਂ ਨੇ ਇਹ ਫੋਟੋਸ਼ੂਟ ਸਾਲ 2002 ਵਿਚ ਨਿਊਯਾਰਕ ਪੋਸਟ ਦੇ ਲਈ ਕੀਤਾ ਸੀ।

ਮੈਗੇਜ਼ੀਨ ਦਾ ਇਕ ਕਵਰ ਉਸ ਵੇਲੇ 9/11 ਹਮਲੇ ਦੇ ਹੀਰੋ ਦੀ ਭੂਮਿਕਾ ਨਿਭਾਉਣ ਵਾਲੇ ਫਾਇਰਮੈਨ ਨੂੰ ਸਮਰਪਿਤ ਸੀ। ਨਿਊਯਾਰਕ ਪੋਸਟ ਨੇ ਹੁਣ ਇਕ ਵਾਰ ਫਿਰ 18 ਸਾਲ ਪੁਰਾਣੇ ਆਪਣੇ ਇਸ ਮੈਗੇਜ਼ੀਨ ਕਵਰ ਨੂੰ ਸ਼ੇਅਰ ਕੀਤਾ ਹੈ। ਇਸ ਫੋਟੋਸ਼ੂਟ ਦੌਰਾਨ ਮੇਲਾਨੀਆ ਦਾ ਵਿਆਹ ਨਹੀਂ ਹੋਇਆ ਸੀ ਤੇ ਉਹ ਡੋਨਾਲਡ ਟਰੰਪ ਨੂੰ ਡੇਟ ਕਰ ਰਹੀ ਸੀ, ਜੋ ਉਸ ਵੇਲੇ ਇਕ ਰੀਅਲ ਅਸਟੇਟ ਡਿਵਲੈਪਰ ਦੇ ਤੌਰ 'ਤੇ ਕੰਮ ਕਰਦੇ ਸਨ।

ਨਿਊਯਾਰਕ ਪੋਸਟ ਮੁਤਾਬਕ ਪੱਤਰਕਾਰ ਮੈਟ ਹੈਬਰ ਦਾ ਕਹਿਣਾ ਸੀ ਕਿ ਉਹਨਾਂ ਨੂੰ ਉਸ ਵੇਲੇ ਇਸ ਗੱਲ ਦਾ ਬਿਲਕੁੱਲ ਵੀ ਅੰਦਾਜ਼ਾ ਨਹੀਂ ਸੀ ਕਿ ਉਹਨਾਂ ਨੇ ਆਪਣੀ ਮੈਗੇਜ਼ੀਨ ਦੇ ਲਈ ਜਿਸ ਮਾਡਲ ਨੂੰ ਚੁਣਿਆ ਹੈ, ਉਹ ਇਕ ਦਿਨ ਦੁਨੀਆ ਦੀ ਸਭ ਤੋਂ ਪ੍ਰਸਿੱਧ ਮਹਿਲਾ ਬਣ ਜਾਵੇਗੀ।

ਨਿਊਯਾਰਕ ਮੈਗੇਜ਼ੀਨ ਨੇ ਆਪਣੀ ਵੈੱਬਸਾਈਟ 'ਤੇ ਲਿਖਿਆ ਸੀ ਕਿ ਉਸ ਫੋਟੋਸ਼ੂਟ ਦੇ ਲਈ ਜਿਸ ਮਹਿਲਾ ਮਾਡਲ ਨੂੰ ਅਸੀਂ ਚੁਣਿਆ ਸੀ ਉਹ ਸਲੋਵੇਨੀਆ ਦੀ ਰਹਿਣ ਵਾਲੀ ਸੀ, ਉਸ ਦਾ ਨਾਂ ਮੇਲਾਨੀਆ ਨਾਊਜ਼ ਸੀ, ਜੋ ਨਿਊਯਾਰਕ ਦੇ ਇਕ ਰੀਅਲ ਅਸਟੇਟ ਡਿਵਲੈਪਰ ਨੂੰ ਕਈ ਸਾਲਾਂ ਤੋਂ ਡੇਟ ਕਰ ਰਹੀ ਸੀ ਤੇ ਦੋ ਸਾਲ ਪਹਿਲਾਂ ਉਸ ਨਾਲ ਵਿਆਹ ਕਰ ਲਿਆ।

ਮੇਲਾਨੀਆ ਜਿਥੇ ਪਹਿਲਾਂ ਤੋਂ ਹੀ ਮਾਡਲਿੰਗ ਕਰਦੀ ਸੀ, ਉਥੇ ਹੀ ਇਸ ਫੋਟੋਸ਼ੂਟ ਵਿਚ ਦਿਖਿਆ ਨੌਜਵਾਨ ਅਸਲ ਵਿਚ ਇਕ ਫਾਇਰਮੈਨ ਸੀ। ਉਸ ਦਾ ਨਾਂ ਡੈਨੀਅਲ ਸੀ ਤੇ ਉਹ ਅਜੇ ਵੀ ਨਿਊਯਾਰਕ ਵਿਚ ਕੰਮ ਕਰਦਾ ਹੈ।

ਡੈਨੀਅਲ ਨੇ ਦੱਸਿਆ ਕਿ ਫੋਟੋਸ਼ੂਟ ਦੌਰਾਨ ਮੈਨੂੰ ਪੁੱਛਿਆ ਗਿਆ ਸੀ ਕਿ ਕੀ ਉਹ ਜਾਣਦੇ ਹਨ ਕਿ ਇਹ ਮਾਡਲ ਕੌਣ ਹੈ। ਮੈਂ ਕਿਹਾ ਕਿ ਮੈਂ ਕਿਸੇ ਮਾਡਲ ਨੂੰ ਨਹੀਂ ਜਾਣਦਾ। ਫਿਰ ਲੋਕਾਂ ਨੇ ਦੱਸਿਆ ਕਿ ਇਹ ਮੇਲਾਨੀਆ ਹੈ, ਡੋਨਾਲਡ ਟਰੰਪ ਦੀ ਗਰਲਫ੍ਰੈਂਡ।

ਨਿਊਯਾਰਕ ਪੋਸਟ ਵਲੋਂ ਇਹ ਫੋਟੋ ਸ਼ੇਅਰ ਕਰਨ ਤੋਂ ਬਾਅਦ ਤੋਂ ਹੀ ਲੋਕ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਗ੍ਰੇਟ ਕਵਰ, ਗ੍ਰੇਟ ਮਾਡਲ। ਇਕ ਹੋਰ ਯੂਜ਼ਰ ਨੇ ਪੁੱਛਿਆ ਕਿ ਤਾਂ ਤੁਸੀਂ ਉਹਨਾਂ ਨੂੰ ਹੁਣ ਆਪਣੇ ਕਵਰ 'ਤੇ ਕਿਉਂ ਨਹੀਂ ਰੱਖਿਆ, ਹੁਣ ਤਾਂ ਉਹ FLOUS ਹਨ। ਕੁਝ ਦਾ ਕਹਿਣਾ ਹੈ ਕਿ ਮੇਲਾਨੀਆ ਉਸ ਵੇਲੇ ਬਹੁਤ ਮੋਟੀ ਸੀ, ਉਥੇ ਹੀ ਕੁਝ ਉਹਨਾਂ ਦੇ ਫਿਗਰ ਦੀ ਤਾਰੀਫ ਵੀ ਕਰ ਰਹੇ ਹਨ।

ਇਹ ਵੀ ਪੜ੍ਹੋ-

ਅਨੋਖਾ ਦੇਸ਼, ਰੈੱਡ ਲਿਪਸਟਿਕ ਲਾਉਣ ’ਤੇ ਹੋ ਸਕਦੀ ਹੈ ਮੌਤ ਦੀ ਸਜ਼ਾ!

ਸਮੁੰਦਰ ਕਿਨਾਰੇ ਨੌਜਵਾਨਾਂ ਨੂੰ ਮਿਲਿਆ ਖਜ਼ਾਨਾ, ਤਸਵੀਰਾਂ ਵਾਇਰਲ