ਇਟਲੀ ਈਂਧਨ ਪਲਾਂਟ ਧਮਾਕਾ: 4 ਮ੍ਰਿਤਕਾਂ ''ਚੋਂ 1 ਦੀ ਪਛਾਣ, 26 ਗੰਭੀਰ ਜ਼ਖ਼ਮੀ

ਰੋਮ (ਦਲਵੀਰ ਕੈਂਥ)- ਇਟਲੀ ਦੇ ਤੁਸਕਾਨਾ ਸੂਬੇ ਦੇ ਸ਼ਹਿਰ ਫਿਰੈਂਸੇ ਨੇੜੇ ਕੈਲਨਜ਼ਾਨੋ ਵਿਖੇ ਇੱਕ ਗੈਸ ਰਿਫਾਇਨਰੀ (ਈਂਧਨ ਪਲਾਂਟ) ਵਿੱਚ ਅਚਾਨਕ ਜ਼ਬਰਦਸਤ ਧਮਾਕਾ ਹੋਇਆ। ਧਮਾਕੇ ਕਾਰਨ ਹੁਣ ਤੱਕ 4 ਲੋਕਾਂ ਦੀ ਮੌਤ ਤੇ ਗੰਭੀਰ ਜ਼ਖ਼ਮੀਆਂ ਦੀ ਗਿਣਤੀ 26 ਹੋਣ ਦਾ ਦੁੱਖਦਾਇਕ ਸਮਾਚਾਰ ਸਾਹਮਣੇ ਆ ਰਿਹਾ ਹੈ। ਜਦੋਂ ਕਿ ਇਨ੍ਹਾਂ ਲਾਸ਼ਾਂ ਵਿੱਚੋ ਪਹਿਚਾਣ ਸਿਰਫ਼ ਇੱਕ ਲਾਸ਼ ਦੀ ਹੋਈ ਹੈ ਜਦੋਂ ਕਿ ਬਾਕੀ 3 ਲਾਸ਼ਾਂ ਦੀ ਪਹਿਚਾਣ ਨਹੀਂ ਹੋ ਸਕੀ। ਜਿਹੜੀ ਲਾਸ਼ ਦੀ ਪਹਿਚਾਣ ਹੋਈ ਹੈ ਉਹ ਵਿਚੈਂਸੋ ਮਾਰਤੀਨੇਲੀ (51) ਦੀ ਹੈ, ਜਿਹੜਾ ਕਿ ਪਰਾਤੋ ਰਹਿੰਦਾ ਸੀ ਤੇ ਮੂਲ ਰੂਪ ਵਿੱਚ ਨਾਪੋਲੀ ਤੋਂ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-ਇੱਕ ਸਾਲ ਪਹਿਲਾਂ ਕੈਨੇਡਾ ਗਏ ਪੰਜਾਬੀ ਦੀ ਹਾਦਸੇ ਦੌਰਾਨ ਮੌਤ

ਮਰਹੂਮ ਜਿਹੜਾ ਕਿ ਪਲਾਂਟ ਵਿੱਚ ਇੱਕ ਟੈਂਕਰ ਡਰਾਇਵਰ ਵਜੋਂ ਕੰਮ ਕਰਦਾ ਸੀ ਆਪਣੇ ਪਿੱਛੇ ਵਿਧਵਾ ਪਤਨੀ ਤੋਂ ਇਲਾਵਾ 2 ਮਾਸੂਮ ਧੀਆਂ ਨੂੰ ਰੌਂਦੇ ਛੱਡ ਗਿਆ ਹੈ। ਜਿਹੜੇ 4 ਕਾਮੇ ਹੁਣ ਤੱਕ ਵੀ ਲਾਪਤਾ ਹਨ ਉਨ੍ਹਾਂ ਵਿੱਚ ਕਤਾਨੀਆਂ ਤੋਂ ਕਰਮੇਲੋ (57), ਫਾਬੀਓ ਸਿਰੇਲੀ (45) ਮਾਤੇਰਾ ਤੋਂ, ਗੇਰਾਰਡੋ ਪੇਪੇ (45) ਜਰਮਨੀ ਤੋਂ ਅਤੇ ਡੇਵਿਤ ਬਰੋਂਟੀ (49) ਨੋਵਾਰਾ ਤੋਂ ਸ਼ਾਮਲ ਹਨ। ਇਨ੍ਹਾਂ 4 ਕਾਮਿਆਂ ਦੀ ਹੁਣ ਤੱਕ ਕੋਈ ਜਾਣਕਾਰੀ ਨਹੀਂ ਮਿਲ ਰਹੀ। ਇਸ ਹਾਦਸੇ ਨੇ ਹਜ਼ਾਰਾਂ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ ਕਿਉਂਕਿ ਇਸ ਧਮਾਕੇ ਨਾਲ ਲੋਕਾਂ ਦੇ ਘਰਾਂ ਦੀਆਂ ਇਮਾਰਤਾਂ ਤੇ ਉਦਯੋਗਿਕ ਇਮਾਰਤਾਂ ਨੂੰ ਕਾਫ਼ੀ ਨੁਕਸਾਨ ਹੋਇਆ ਹੈ। ਪ੍ਰਸ਼ਾਸ਼ਨ ਨੇ ਚੱਲ ਰਹੇ ਨੇੜਲੇ 15 ਕਾਰੋਬਾਰਾਂ ਨੂੰ ਰੋਕ ਦਿੱਤਾ ਹੈ। ਜਿਹੜੇ ਲੋਕ ਜ਼ਖ਼ਮੀ ਹਾਲਤ ਵਿੱਚ ਜ਼ੇਰੇ ਇਲਾਜ ਹਨ ਉਨ੍ਹਾਂ ਅਨੁਸਾਰ ਇਹ ਧਮਾਕਾ ਇੱਕ ਵੱਡੇ ਫਟੇ ਬੰਬ ਵਾਂਗਰ ਸੀ। ਘਟਨਾ ਨਾਲ ਇਲਾਕੇ ਵਿੱਚ ਫੈਲੀ ਜ਼ਹਿਰੀਲੀ ਗੈਸ ਕਾਰਨ ਲੋਕਾਂ ਨੂੰ ਮਾਸਕ ਵੰਡੇ ਜਾ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।