ਕਤਰ 'ਚ ਮੌਤ ਦੇ ਮੂੰਹ 'ਚੋਂ ਨਿਕਲਿਆ ਭਾਰਤੀ ਨੌਜਵਾਨ; ਬ੍ਰੇਨ ਸਟ੍ਰੋਕ ਤੋਂ ਬਾਅਦ ਸੁਰੱਖਿਅਤ ਪਰਤਿਆ ਘਰ

ਦੋਹਾ (ਏ.ਐੱਨ.ਆਈ.): ਪੱਛਮੀ ਏਸ਼ੀਆ (ਮਿਡਲ ਈਸਟ) ਵਿੱਚ ਜਾਰੀ ਭਿਆਨਕ ਜੰਗ ਦੌਰਾਨ ਇਕ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਮੁਤਾਬਕ ਇੱਕ ਭਾਰਤੀ ਨੌਜਵਾਨ ਪਰਮਿੰਦਰ ਕਤਰ ਤੋਂ ਸੁਰੱਖਿਅਤ ਵਾਪਸ ਪਰਤ ਆਇਆ ਹੈ। ਇੱਥੇ ਦੱਸ ਦਈਏ ਕਿ ਈਰਾਨ-ਇਜ਼ਰਾਈਲ ਵਿਚਾਲੇ ਜਾਰੀ ਜੰਗ ਕਾਰਨ ਸੈਂਕੜੇ ਲੋਕ ਖਾੜੀ ਦੇਸ਼ਾਂ ਵਿਚ ਫਸੇ ਹੋਏ ਹਨ।

ਕੈਨੇਡਾ ਜਾਂਦੇ ਹੋਏ ਰਸਤੇ 'ਚ ਫਸਿਆ

ਪਰਮਿੰਦਰ ਕੈਨੇਡਾ ਜਾ ਰਿਹਾ ਸੀ, ਪਰ ਖੇਤਰ ਵਿੱਚ ਚੱਲ ਰਹੀ ਜੰਗ ਕਾਰਨ ਉਸ ਦੀ ਯਾਤਰਾ ਵਿੱਚ ਵਿਘਨ ਪੈ ਗਿਆ ਅਤੇ ਉਹ ਕਤਰ ਵਿੱਚ ਫਸ ਗਿਆ। ਇੱਕ ਅਣਜਾਣ ਦੇਸ਼ ਵਿੱਚ ਰਹਿਣ ਦੌਰਾਨ ਹੀ ਉਸ ਨੂੰ ਗੰਭੀਰ ਮੈਡੀਕਲ ਐਮਰਜੈਂਸੀ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਸ ਨੂੰ ਬ੍ਰੇਨ ਸਟ੍ਰੋਕ ਆ ਗਿਆ। ਅਚਾਨਕ ਬ੍ਰੇਨ ਸਟ੍ਰੋਕ ਆਉਣ ਕਾਰਨ ਉਸ ਦੀ ਜਾਨ ਖ਼ਤਰੇ ਵਿੱਚ ਪੈ ਗਈ। ਇੱਕ ਅਣਜਾਣ ਦੇਸ਼ ਵਿੱਚ ਜਾਨਲੇਵਾ ਖ਼ਤਰੇ ਦੇ ਬਾਵਜੂਦ ਮਾਨਵਤਾ ਦੀ ਮਿਸਾਲ ਪੇਸ਼ ਕਰਦੇ ਹੋਏ ਕਈ ਲੋਕ ਉਸ ਦੀ ਮਦਦ ਲਈ ਅੱਗੇ ਆਏ। ਹਾਲਾਂਕਿ ਭਾਰਤੀ ਦੂਤਾਵਾਸ, ਕਤਰ ਸਰਕਾਰ ਅਤੇ ਵੱਖ-ਵੱਖ ਸਿੱਖ ਜਥੇਬੰਦੀਆਂ ਦੀ ਮਦਦ ਸਦਕਾ ਉਹ ਹੁਣ ਸੁਰੱਖਿਅਤ ਭਾਰਤ ਪਰਤ ਆਇਆ ਹੈ। ਇਨ੍ਹਾਂ ਜੱਥੇਬੰਦੀਆਂ ਅਤੇ ਸਰਕਾਰਾਂ ਦੀ ਮਦਦ ਨੇ ਮਾਨਵਤਾ ਦੀ ਮਿਸਾਲ ਕਾਇਮ ਕੀਤੀ ਹੈ।

 ਪੜ੍ਹੋ ਇਹ ਅਹਿਮ ਖ਼ਬਰ- ਈਰਾਨ ਨੂੰ ਲਗਾਤਾਰ ਦੂਜਾ ਵੱਡਾ ਝਟਕਾ, ਇਹ ਹੋਰ ਸੀਨੀਅਰ ਅਧਿਕਾਰੀ ਦੀ ਮੌਤ

ਭਾਰਤੀ ਦੂਤਾਵਾਸ ਅਤੇ ਸਿੱਖ ਜਥੇਬੰਦੀਆਂ ਬਣੀਆਂ ਮਦਦਗਾਰ

ਕਤਰ ਵਿੱਚ ਭਾਰਤੀ ਰਾਜਦੂਤ ਵਿਪੁਲ ਅਤੇ ਪਹਿਲੇ ਸਕੱਤਰ ਈਸ਼ ਸਿੰਘਲ ਨੇ ਸਥਾਨਕ ਅਤੇ ਭਾਈਚਾਰਕ ਸੰਸਥਾਵਾਂ ਨਾਲ ਮਿਲ ਕੇ ਪਰਮਿੰਦਰ ਦੀ ਸਹਾਇਤਾ ਕੀਤੀ। 'ਸਿੰਘ ਸੇਵਾ ਗਰੁੱਪ ਕਤਰ', 'ਇੰਡੀਅਨ ਕਮਿਊਨਿਟੀ ਬੇਨੇਵੋਲੈਂਟ ਫੋਰਮ' ਅਤੇ 'ਪੁਨਰਜਨੀ' ਵਰਗੇ ਸੰਗਠਨਾਂ ਨੇ ਨਾ ਸਿਰਫ਼ ਪਰਮਿੰਦਰ ਦੀ ਨਿਯਮਿਤ ਦੇਖਭਾਲ ਕੀਤੀ, ਸਗੋਂ ਉਸ ਦੇ ਮੈਡੀਕਲ ਖ਼ਰਚਿਆਂ ਅਤੇ ਖਾਣ-ਪੀਣ ਦਾ ਵੀ ਪੂਰਾ ਪ੍ਰਬੰਧ ਕੀਤਾ। ਕਤਰ ਦੇ ਹਮਾਸ ਮੈਡੀਕਲ ਕਾਰਪੋਰੇਸ਼ਨ ਅਤੇ ਕਤਰ ਏਅਰਵੇਜ਼ ਨੇ ਵੀ ਉਸ ਦੀ ਵਤਨ ਵਾਪਸੀ ਨੂੰ ਸੰਭਵ ਬਣਾਉਣ ਵਿੱਚ ਅਹਿਮ ਸਹਿਯੋਗ ਦਿੱਤਾ।

ਮੈਡੀਕਲ ਸਹੂਲਤਾਂ ਅਤੇ ਵਾਪਸੀ 

ਦੋਹਾ ਦੇ ਹਮਾਸ ਮੈਡੀਕਲ ਕਾਰਪੋਰੇਸ਼ਨ ਵਿੱਚ ਪਰਮਿੰਦਰ ਦਾ ਇਲਾਜ ਕੀਤਾ ਗਿਆ ਅਤੇ ਉਸ ਦੀ ਸਿਹਤ ਸਥਿਰ ਹੋਣ ਤੋਂ ਬਾਅਦ ਕਤਰ ਏਅਰਵੇਜ਼ ਰਾਹੀਂ ਉਸ ਦੀ ਵਾਪਸੀ ਦੇ ਪ੍ਰਬੰਧ ਕੀਤੇ ਗਏ। ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਪਰਮਿੰਦਰ ਬੀਤੇ ਦਿਨੀਂ ਸੁਰੱਖਿਅਤ ਆਪਣੇ ਘਰ ਪਹੁੰਚ ਗਿਆ ਹੈ। ਇਹ ਸਫਲਤਾਪੂਰਵਕ ਵਾਪਸੀ ਵਿਦੇਸ਼ਾਂ ਵਿੱਚ ਮੁਸੀਬਤ ਵਿੱਚ ਫਸੇ ਨਾਗਰਿਕਾਂ ਲਈ ਭਾਈਚਾਰਕ ਏਕਤਾ ਅਤੇ ਡਿਪਲੋਮੈਟਿਕ ਸਹਿਯੋਗ ਦੀ ਇੱਕ ਵੱਡੀ ਮਿਸਾਲ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- 'ਭਾਰਤੀ ਏਜੰਟਾਂ ਤੋਂ ਕੈਨੇਡੀਅਨਾਂ ਨੂੰ ਕੋਈ ਖ਼ਤਰਾ ਨਹੀਂ';  RCMP ਅਫਸਰ ਨੇ ਦਿੱਤੀ ਕਲੀਨ ਚਿੱਟ

ਪੀ.ਐਮ. ਮੋਦੀ ਨੇ ਜਤਾਇਆ ਧੰਨਵਾਦ 

ਇਸ ਮਾਮਲੇ ਵਿੱਚ ਭਾਰਤ ਸਰਕਾਰ ਨੇ ਵੀ ਸਰਗਰਮੀ ਦਿਖਾਈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਤਰ ਦੇ ਅਮੀਰ ਸ਼ੇਖ ਤਮੀਮ ਬਿਨ ਹਮਦ ਅਲ ਥਾਨੀ ਨਾਲ ਫ਼ੋਨ 'ਤੇ ਗੱਲਬਾਤ ਕੀਤੀ। ਇਸ ਦੌਰਾਨ ਪੀ.ਐਮ. ਮੋਦੀ ਨੇ ਕਤਰ ਦੇ ਨੇਤਾ ਨੂੰ ਭਾਰਤੀ ਭਾਈਚਾਰੇ ਦੀ ਦੇਖਭਾਲ ਕਰਨ ਅਤੇ ਪਰਮਿੰਦਰ ਵਰਗੇ ਨੌਜਵਾਨਾਂ ਦੀ ਮਦਦ ਕਰਨ ਲਈ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਪ੍ਰਗਟ ਕੀਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।