ਕੈਨੇਡਾ: ਹਿੰਦੂ ਭਾਈਚਾਰੇ ਨੇ ਬਰੈਂਪਟਨ ਦੇ ਮੇਅਰ ਨੂੰ ਘੇਰਿਆ, ਕਿਹਾ- ਹਟਾਏ ਜਾਣ ਖਾਲਿਸਤਾਨੀਆਂ ਦੇ ਨਫਰਤ ਭਰੇ ਬੈਨਰ

ਓਟਾਵਾ (ਏ.ਐਨ.ਆਈ.): ਕੈਨੇਡਾ ਦੇ ਸ਼ਹਿਰ ਬਰੈਂਪਟਨ ਦੇ ਮੇਅਰ ਪੈਟਰਿਕ ਬ੍ਰਾਊਨ ਨੂੰ ਹਿੰਦੂ ਭਾਈਚਾਰੇ ਦੁਆਰਾ ਇੱਕ ਮੰਦਰ ਵਿੱਚ ਘੇਰਿਆ ਗਿਆ। ਕਿਉਂਕਿ ਉਸ ਨੇ ਭਾਰਤ ਵਿਰੋਧੀ ਅਨਸਰਾਂ ਨੂੰ ਉਨ੍ਹਾਂ ਦੇ "ਖਾਲਿਸਤਾਨ ਜਨਮਤ ਸੰਗ੍ਰਹਿ" ਕਰਵਾਉਣ ਦੀ ਇਜਾਜ਼ਤ ਦਿੱਤੀ ਹੈ।TAG ਟੀਵੀ ਦੀ ਰਿਪੋਰਟ ਵਿੱਚ ਦੱਸਿਆ ਗਿਆ ਕਿ ਹਿੰਦੂ ਭਾਈਚਾਰੇ ਨੇ ਮੇਅਰ ਨੂੰ ਸਾਰੇ ਸ਼ਹਿਰ ਵਿੱਚੋਂ ਹਿੰਦੂਆਂ ਵਿਰੁੱਧ ਲਗਾਏ ਗਏ ਨਫ਼ਰਤ ਭਰੇ ਬੈਨਰ ਹਟਾਉਣ ਲਈ ਕਿਹਾ ਸੀ, ਜਿਸ ਵਿੱਚ ਲਿਖਿਆ ਸੀ "ਸਿੱਖ ਬੱਚਿਆਂ ਨੂੰ ਹਿੰਦੂ ਭੀੜ ਦੁਆਰਾ ਜ਼ਿੰਦਾ ਸਾੜ ਦਿੱਤਾ ਗਿਆ।"

ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਊਨ ਨੂੰ ਜਦੋਂ ਪੁੱਛਿਆ ਗਿਆ ਕੀ ਉਹ ਖਾਲਿਸਤਾਨੀਆਂ ਦੇ ਬੈਨਰ ਹਟਾ ਦੇਣਗੇ? ਤਾਂ ਉਸ ਨੇ ਜਵਾਬ ਦਿੱਤਾ ਕਿ “ਅਸੀਂ ਸਾਰਿਆਂ ਨੂੰ ਪਿਆਰ ਕਰਦੇ ਹਾਂ”।ਬ੍ਰਾਊਨ ਨੂੰ ਚਾਰ ਸੰਘੀ ਸੰਸਦ ਮੈਂਬਰਾਂ, ਤਿੰਨ ਸੂਬਾਈ ਸੰਸਦ ਮੈਂਬਰਾਂ ਅਤੇ ਦੋ ਸਿਟੀ ਕੌਂਸਲਰਾਂ ਦੇ ਸਾਹਮਣੇ ਸ਼ਰਮਿੰਦਾ ਕੀਤਾ ਗਿਆ। ਲਿਬਰਲ ਐਮਪੀ ਚੰਦਰ ਆਰੀਆ ਨੇ ਹਾਜ਼ਰੀਨ ਨੂੰ ਸ਼ਾਂਤ ਹੋਣ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ "ਸਾਡੇ ਵਿੱਚ ਬਹੁਤ ਮਤਭੇਦ ਹਨ ਪਰ ਬ੍ਰਾਊਨ ਮੰਦਰ ਵਿੱਚ ਸਾਡੇ ਮਹਿਮਾਨ ਹਨ"।TAG ਟੀਵੀ ਦੇ ਅਨੁਸਾਰ ਪੈਟਰਿਕ ਬ੍ਰਾਊਨ ਹਿੰਦੂਫੋਬੀਆ ਅਤੇ ਇੰਡੋਫੋਬੀਆ ਬਣਾਉਣ ਲਈ ਇੱਕ ਜਾਣਿਆ ਜਾਂਦਾ ਸਿਆਸਤਦਾਨ ਹੈ।

TAG TV ਦੇ ਅਨੁਸਾਰ ਬ੍ਰਾਊਨ ਅਤੇ ਹੋਰ ਸ਼ਹਿਰਾਂ ਦੇ ਮੇਅਰਾਂ ਨੇ ਸਰਕਾਰ ਦੁਆਰਾ ਫੰਡ ਕੀਤੇ ਆਡੀਟੋਰੀਅਮਾਂ ਅਤੇ ਅਖਾੜਿਆਂ ਨੂੰ ਪ੍ਰਗਟਾਵੇ ਦੀ ਆਜ਼ਾਦੀ ਦੇ ਨਾਮ 'ਤੇ ਜਨਮਤ ਸੰਗ੍ਰਹਿ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ ਪਰ ਹਿੰਦੂ ਪ੍ਰਵਾਸੀ ਹੈਰਾਨ ਹਨ ਕਿ ਕੈਨੇਡੀਅਨ ਮਿਊਂਸਪਲ, ਸੂਬਾਈ ਅਤੇ ਸੰਘੀ ਸਰਕਾਰਾਂ ਕਿਵੇਂ ਇਜਾਜ਼ਤ ਦੇ ਸਕਦੀਆਂ ਹਨ। 1983 ਵਿੱਚ ਕੈਨੇਡਾ ਦੇ ਸਭ ਤੋਂ ਵੱਡੇ ਅੱਤਵਾਦ "ਏਅਰ ਇੰਡੀਆ ਬੰਬਾਰੀ" ਤੋਂ ਬਾਅਦ ਪ੍ਰਗਟਾਵੇ ਦੀ ਆਜ਼ਾਦੀ ਦੇ ਨਾਮ 'ਤੇ ਖਾਲਿਸਤਾਨੀ ਵਿਚਾਰਧਾਰਾ ਨੂੰ ਵਧਾਵਾ ਦਿੱਤਾ ਜਾ ਰਿਹਾ ਸੀ।

ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ: ਫਿਲਾਡੇਲਫੀਆ 'ਚ ਬਾਰ ਦੇ ਬਾਹਰ ਗੋਲੀਬਾਰੀ, ਘੱਟੋ-ਘੱਟ 12 ਲੋਕ ਜ਼ਖਮੀ

ਡਾਇਸਪੋਰਾ ਇਹ ਵੀ ਸੋਚਦਾ ਹੈ ਕਿ ਜੇਕਰ ਕਿਊਬਿਕ ਰੈਫਰੈਂਡਮ ਭਾਰਤ ਵਿੱਚ ਹੁੰਦਾ ਹੈ ਤਾਂ ਕੈਨੇਡੀਅਨ ਸਿਆਸਤਦਾਨ ਅਤੇ ਅਧਿਕਾਰੀ ਕਿਵੇਂ ਮਹਿਸੂਸ ਕਰਨਗੇ।ਇਸ ਤੋਂ ਪਹਿਲਾਂ ਅਕਤੂਬਰ 'ਚ ਦੀਵਾਲੀ ਦੇ ਜਸ਼ਨ ਦੌਰਾਨ ਕੈਨੇਡਾ ਦੇ ਸ਼ਹਿਰ ਮਿਸੀਸਾਗਾ 'ਚ 400 ਤੋਂ 500 ਲੋਕਾਂ ਵਿਚਾਲੇ ਝੜਪ ਹੋ ਗਈ ਸੀ।ਹਾਲ ਹੀ ਵਿਚ ਭਾਰਤ ਨੇ ਕੈਨੇਡਾ ਨੂੰ ਓਂਟਾਰੀਓ ਵਿੱਚ 6 ਨਵੰਬਰ ਨੂੰ ਭਾਰਤ ਵਿਰੋਧੀ ਤੱਤਾਂ ਦੁਆਰਾ ਤਥਾਕਥਿਤ "ਖਾਲਿਸਤਾਨ ਰੈਫਰੈਂਡਮ" ਨੂੰ ਰੋਕਣ ਲਈ ਕਿਹਾ ਹੈ। ਕੇਂਦਰ ਨੇ ਕੈਨੇਡੀਅਨ ਸਰਕਾਰ ਨੂੰ ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਵਿਰੁੱਧ ਦਹਿਸ਼ਤ ਅਤੇ ਹਿੰਸਾ ਨੂੰ ਉਤਸ਼ਾਹਿਤ ਕਰਨ ਵਾਲਿਆਂ ਵਿਰੁੱਧ ਕਾਰਵਾਈ ਕਰਨ ਲਈ ਕਿਹਾ ਹੈ।ਇੱਕ ਮੀਡੀਆ ਸਵਾਲ ਦੇ ਜਵਾਬ ਵਿੱਚ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਕਿਹਾ ਕਿ ਵੱਖਵਾਦੀ ਸਮੂਹਾਂ ਦੁਆਰਾ ਕਰਵਾਏ ਗਏ ਜਨਮਤ ਸੰਗ੍ਰਹਿ ਦਾ ਮੁੱਦਾ ਦਿੱਲੀ ਵਿੱਚ ਕੈਨੇਡੀਅਨ ਹਾਈ ਕਮਿਸ਼ਨ ਅਤੇ ਨਾਲ ਹੀ ਕੈਨੇਡੀਅਨ ਅਧਿਕਾਰੀਆਂ ਕੋਲ ਉਠਾਇਆ ਗਿਆ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।