ਜਦੋਂ ਡੋਨਾਲਡ ਟਰੰਪ ਨੂੰ ਦੇਖ ਗੁੱਸੇ ਨਾਲ ਲਾਲ ਹੋ ਗਈ ਗ੍ਰੇਟਾ, ਵੀਡੀਓ ਵਾਇਰਲ
09/24/2019 5:04:50 PM
![](https://static.jagbani.com/multimedia/2019_9image_17_01_323862876untitled.jpg)
ਨਿਊਯਾਰਕ— ਅਮਰੀਕਾ ਦੇ ਨਿਊਯਾਰਕ 'ਚ ਸੋਮਵਾਰ ਨੂੰ ਯੂਨਾਈਟਡ ਨੇਸ਼ਨਸ ਦੇ ਹੈੱਡਕੁਆਰਟਰ 'ਤੇ ਕਲਾਈਮੇਟ ਸੰਮੇਲਨ ਦਾ ਆਯੋਜਨ ਹੋਇਆ। ਇਸ ਪ੍ਰੋਗਰਾਮ 'ਚ ਸਵੀਡਨ ਦੀ ਗ੍ਰੇਟਾ ਥਨਬਰਗ ਨੇ ਭਾਰਤ ਸਣੇ ਯੂਰਪ ਤੇ ਅਮਰੀਕਾ ਦੇ ਕਈ ਨੌਜਵਾਨਾਂ ਦਾ ਦਿੱਲ ਜਿੱਤ ਲਿਆ। ਗ੍ਰੇਟਾ ਦੇ ਭਾਸ਼ਣ ਤੋਂ ਅਲੱਗ ਹੁਣ ਉਨ੍ਹਾਂ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਗ੍ਰੇਟਾ ਗੁੱਸੇ ਨਾਲ ਟਰੰਪ ਵੱਲ ਘੂਰਦੀ ਨਜ਼ਰ ਆ ਰਹੀ ਹੈ।
I love this. 🎶Hello Greta my old Friend🎵pic.twitter.com/puBvEqc5vy
— Chris Rose (@ArchRose90) September 24, 2019
16 ਸਾਲ ਦੀ ਗ੍ਰੇਟਾ ਅੱਜ ਸਾਰੇ ਨੌਜਵਾਨਾਂ ਲਈ ਆਦਰਸ਼ ਬਣ ਗਈ ਹੈ। ਉਹ ਪਿਛਲੇ ਕਰੀਬ ਡੇਢ ਸਾਲ ਤੋਂ ਵਾਤਾਵਰਣ ਨੂੰ ਬਚਾਉਣ ਲਈ ਮੁਹਿੰਮ ਚਲਾ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਜੋ ਵੀਡੀਓ ਵਾਇਰਲ ਹੋਈ ਹੈ, ਉਸ 'ਚ ਗ੍ਰੇਟਾ ਯੂ.ਐੱਨ. ਦੀ ਲਾਬੀ 'ਚ ਦੁਨੀਆ ਭਰ ਦੇ ਨੇਤਾਵਾਂ ਦਾ ਆਉਣ ਦਾ ਇੰਤਜ਼ਾਰ ਕਰ ਰਹੀ ਹੈ। ਉਨ੍ਹਾਂ ਦੇ ਚਿਹਰੇ 'ਤੇ ਉਤਸੁਕਤਾ ਝਲਕ ਰਹੀ ਸੀ ਪਰ ਉਨ੍ਹਾਂ ਦੇ ਚਿਹਰੇ ਦੇ ਭਾਵ ਉਸ ਵੇਲੇ ਬਦਲ ਗਏ ਜਦੋਂ ਰਾਸ਼ਟਰਪਤੀ ਟਰੰਪ ਸਾਹਮਣੇ ਆਉਂਦੇ ਹਨ। ਇਸ ਵੇਲੇ ਗ੍ਰੇਟਾ ਕੁਝ ਸਮੇਂ ਲਈ ਰੁਕ ਜਾਂਦੀ ਹੈ। ਉਸ ਦੀਆਂ ਅੱਖਾਂ 'ਚ ਗੁੱਸਾ ਝਲਕ ਰਿਹਾ ਹੈ। ਗ੍ਰੇਟਾ ਦੀ ਗੁੱਸੇ 'ਚ ਲਾਲ ਚਿਹਰੇ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਯੂਜ਼ਰਸ ਕਹਿ ਰਹੇ ਹਨ ਕਿ ਉਨ੍ਹਾਂ ਨੇ ਆਪਣੀਆਂ ਅੱਖਾਂ ਨਾਲ ਬਿਨਾਂ ਬੋਲੇ ਸਭ ਕੁਝ ਕਹਿ ਦਿੱਤਾ ਹੈ।