ਹੈਂ ! 5 ਮਿੰਟ ਦੇ ਸ਼ਾਵਰ ਦਾ ਬਿੱਲ 1.3 ਲੱਖ , ਪੂਰਾ ਮਾਮਲਾ ਕਰ ਦੇਵੇਗਾ ਹੈਰਾਨ
Wednesday, Aug 19, 2026 - 11:25 AM (IST)
ਇੰਟਰਨੈਸ਼ਨਲ ਡੈਸਕ: ਆਸਟ੍ਰੇਲੀਆ ਵਿੱਚ ਰਹਿਣ ਵਾਲੀ ਇੱਕ ਭਾਰਤੀ ਮਹਿਲਾ ਨਾਲ ਇੱਕ ਅਜਿਹੀ ਹੈਰਾਨੀਜਨਕ ਘਟਨਾ ਵਾਪਰੀ ਹੈ, ਜਿਸ ਦੀ ਉਸ ਨੇ ਕਦੇ ਕਲਪਨਾ ਵੀ ਨਹੀਂ ਕੀਤੀ ਸੀ। ਵਾਮਿਕਾ ਨਾਮਕ ਇਸ ਮਹਿਲਾ ਨੇ ਦਾਅਵਾ ਕੀਤਾ ਹੈ ਕਿ ਮਹਿਜ਼ ਪੰਜ ਮਿੰਟ ਗਰਮ ਪਾਣੀ ਨਾਲ ਨਹਾਉਣ ਤੋਂ ਬਾਅਦ ਉਸ ਦੇ ਅਪਾਰਟਮੈਂਟ ਦਾ ਫਾਇਰ ਅਲਾਰਮ ਵੱਜ ਗਿਆ, ਜਿਸ ਕਾਰਨ ਉਸ ਨੂੰ 1,800 ਅਸਟ੍ਰੇਲੀਆਈ ਡਾਲਰ (ਲਗਭਗ 1.3 ਲੱਖ ਭਾਰਤੀ ਰੁਪਏ) ਦਾ ਭਾਰੀ ਜੁਰਮਾਨਾ ਲਗਾਇਆ ਗਿਆ ਹੈ।
ਵਾਮਿਕਾ ਨੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸਾਂਝੀ ਕਰਕੇ ਆਪਣੀ ਹੱਡਬੀਤੀ ਦੱਸੀ ਹੈ। ਉਸ ਅਨੁਸਾਰ ਬਾਹਰ ਕਾਫੀ ਠੰਡ ਸੀ, ਇਸ ਲਈ ਉਸ ਨੇ ਨਹਾਉਂਦੇ ਸਮੇਂ ਬਾਥਰੂਮ ਦਾ ਐਗਜ਼ੌਸਟ ਫੈਨ ਚਾਲੂ ਨਹੀਂ ਕੀਤਾ ਸੀ। ਪੰਜ ਮਿੰਟ ਦੇ ਸ਼ਾਵਰ ਦੌਰਾਨ ਬਾਥਰੂਮ ਵਿੱਚ ਗਰਮ ਪਾਣੀ ਦੀ ਭਾਫ਼ ਇਕੱਠੀ ਹੋ ਗਈ, ਜਿਸ ਨੇ ਅਪਾਰਟਮੈਂਟ ਦੇ ਫਾਇਰ ਅਲਾਰਮ ਨੂੰ ਸਰਗਰਮ ਕਰ ਦਿੱਤਾ। ਵਾਮਿਕਾ ਨੇ ਦੱਸਿਆ ਕਿ ਜਦੋਂ ਅਲਾਰਮ ਵੱਜਿਆ ਤਾਂ ਪਹਿਲਾਂ ਉਸ ਨੂੰ ਲੱਗਾ ਕਿ ਇਹ ਕੋਈ ਰੁਟੀਨ ਫਾਇਰ ਡ੍ਰਿਲ ਹੋ ਸਕਦੀ ਹੈ। ਪਰ ਕੁਝ ਹੀ ਦੇਰ ਬਾਅਦ ਬਿਲਡਿੰਗ ਮੈਨੇਜਰ ਉਸ ਦੇ ਫਲੈਟ ਵਿੱਚ ਪਹੁੰਚ ਗਿਆ। ਵਾਮਿਕਾ ਨੂੰ ਸਭ ਤੋਂ ਵੱਧ ਹੈਰਾਨੀ ਇਸ ਗੱਲ 'ਤੇ ਹੋਈ ਕਿ ਫਾਇਰ ਅਲਾਰਮ ਬਾਥਰੂਮ ਦੇ ਇੰਨੇ ਨੇੜੇ ਕਿਉਂ ਲਗਾਇਆ ਗਿਆ ਸੀ ਕਿ ਉਹ ਸਿਰਫ ਪਾਣੀ ਦੀ ਭਾਫ਼ ਨਾਲ ਹੀ ਵੱਜ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ- ਆਖਰੀ ਮਿੰਟ 'ਚ ਹੋਇਆ ਸਮਝੌਤਾ! ਟਰੰਪ ਨੇ ਕੈਨੇਡੀਅਨ ਆਯਾਤ 'ਤੇ 50 ਪ੍ਰਤੀਸ਼ਤ ਟੈਰਿਫ ਟਾਲਿਆ
ਵਾਮਿਕਾ ਅਨੁਸਾਰ ਉਸ 'ਤੇ ਲਗਾਇਆ ਗਿਆ 1.3 ਲੱਖ ਰੁਪਏ ਦਾ ਚਾਰਜ ਅਸਲ ਵਿੱਚ ਫਾਇਰ ਸਰਵਿਸ ਦੇ ਘਟਨਾ ਸਥਾਨ 'ਤੇ ਪਹੁੰਚਣ ਨਾਲ ਜੁੜਿਆ ਖਰਚਾ ਸੀ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਨੇ ਵੀ ਤਰ੍ਹਾਂ-ਤਰ੍ਹਾਂ ਦੇ ਸਵਾਲ ਉਠਾਏ ਹਨ। ਕੁਝ ਯੂਜ਼ਰਸ ਦਾ ਕਹਿਣਾ ਹੈ ਕਿ ਅਲਾਰਮ ਦੀ ਸੰਵੇਦਨਸ਼ੀਲਤਾ ਦੀ ਜਾਂਚ ਹੋਣੀ ਚਾਹੀਦੀ ਹੈ, ਕਿਉਂਕਿ ਆਮ ਸ਼ਾਵਰ ਦੀ ਭਾਫ਼ ਨਾਲ ਅਲਾਰਮ ਨਹੀਂ ਵੱਜਣਾ ਚਾਹੀਦਾ। ਇਕ ਯੂਜ਼ਰ ਨੇ ਲਿਖਿਆ ਕਿ ਉਹ ਵੀ ਅਜਿਹੀ ਸਥਿਤੀ ਦਾ ਸਾਹਮਣਾ ਕਰ ਚੁੱਕਾ ਹੈ। ਵਾਮਿਕਾ ਨੂੰ ਚਾਰਜ ਦੇਣ ਤੋਂ ਇਨਕਾਰ ਕਰ ਦੇਣਾ ਚਾਹੀਦਾ ਹੈ। ਹਾਲਾਂਕਿ ਇਸ ਜੁਰਮਾਨੇ ਅਤੇ ਅਲਾਰਮ ਦੇ ਤਕਨੀਕੀ ਕਾਰਨਾਂ ਦੀ ਸੁਤੰਤਰ ਤੌਰ 'ਤੇ ਪੁਸ਼ਟੀ ਨਹੀਂ ਹੋਈ ਹੈ, ਪਰ ਮਹਿਲਾ ਦਾ ਇਹ ਦਾਅਵਾ ਇੰਟਰਨੈੱਟ 'ਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
