ਧਰਤੀ ਜਿਹੇ ਗ੍ਰਹਿ ਦੇ ਮਿਲਣ ਦੀ ਸੰਭਾਵਨਾ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ : ਅਧਿਐਨ
06/06/2020 10:45:56 PM
ਲੰਡਨ - ਬਿ੍ਰਟੇਨ ਦੇ ਖੋਜਕਾਰਾਂ ਨੇ ਪਾਇਆ ਹੈ ਕਿ ਧਰਤੀ ਜਿਹੇ ਗ੍ਰਹਿ ਨੂੰ ਉਨ੍ਹਾਂ ਦੀ ਮੂਲ ਦੇ ਸ਼ੁਰੂਆਤੀ ਪੜਾਅ ਵਿਚ ਹੀ ਖੋਜ ਪਾਉਣ ਦੀ ਸੰਭਾਵਨਾ ਪਹਿਲਾਂ ਦੀ ਤੁਲਨਾ ਕਿਤੇ ਜ਼ਿਆਦਾ ਹੈ। ਸ਼ੇਫੀਲਡ ਯੂਨੀਵਰਸਿਟੀ ਦੇ ਖੋਜਕਾਰਾਂ ਦੇ ਇਕ ਦਲ ਨੇ ਆਕਾਸ਼ ਗੰਗਾ ਦੇ ਨਵੇਂ ਤਾਰਿਆਂ ਦੇ ਸਮੂਹਾਂ ਦਾ ਅਧਿਐਨ ਕਰ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਪੁਲਾੜ ਵਿਚ ਹੋਰ ਤਾਰਾ ਨਿਰਮਾਣ ਕਰਨ ਵਾਲੇ ਖੇਤਰਾਂ ਨੂੰ ਲੈ ਕੇ ਕੀਤੇ ਗਏ ਪ੍ਰੀਖਣਾਂ ਅਤੇ ਸਿਧਾਂਤਕ ਸਥਾਪਨਾਵਾਂ ਵਿਚ ਕਿੰਨਾ ਫਿੱਟ ਬੈਠਦੇ ਹਨ। ਇਹ ਅਧਿਐਨ ਵੀ ਕੀਤਾ ਗਿਆ ਕਿ ਕੀ ਇਨਾਂ ਸਮੂਹਾਂ ਵਿਚ ਤਾਰਿਆਂ ਦੀ ਗਿਣਤੀ ਧਰਤੀ ਜਿਹੇ ਗ੍ਰਹਿ ਦੇ ਬਣਨ ਦੀ ਸੰਭਾਵਨਾ ਨੂੰ ਪ੍ਰਭਾਵਿਤ ਕਰਦੀ ਹੈ।
ਇਹ ਖੋਜ ਐਸਟ੍ਰੋਫਿਜ਼ੀਕਲ ਜਨਰਲ ਵਿਚ ਪ੍ਰਕਾਸ਼ਿਤ ਹੋਈ ਹੈ। ਇਸ ਵਿਚ ਪਾਇਆ ਗਿਆ ਕਿ ਇਨਾਂ ਸਮੂਹਾਂ ਵਿਚ ਉਮੀਦ ਤੋਂ ਕਿਤੇ ਜ਼ਿਆਦਾ ਸੂਰਜ ਜਿਹੇ ਸਿਤਾਰੇ ਹਨ ਜੋ ਧਰਤੀ ਜਿਹੇ ਗ੍ਰਹਿ ਦੀ ਉਨ੍ਹਾਂ ਦੀ ਮੂਲ ਦੇ ਸ਼ੁਰੂਆਤੀ ਪੜਾਅ ਵਿਚ ਖੋਜ ਦੇ ਮੌਕਿਆਂ ਨੂੰ ਵਧਾਉਣਗੇ। ਆਪਣੀ ਨਿਰਮਾਣ ਦੇ ਸ਼ੁਰੂਆਤੀ ਪੜਾਅ ਵਿਚ ਧਰਤੀ ਜਿਹੇ ਗ੍ਰਹਿਆਂ ਨੂੰ ਮੈਗਮਾ ਮਹਾ ਸਾਗਰ ਗ੍ਰਹਿ ਕਿਹਾ ਜਾਂਦਾ ਹੈ। ਇਹ ਹੁਣ ਵੀ ਚੱਟਾਨਾਂ ਅਤੇ ਛੋਟੇ ਗ੍ਰਹਿਆਂ ਦੀ ਟੱਕਰ ਨਾਲ ਬਣ ਰਹੇ ਹਨ, ਜਿਸ ਕਾਰਨ ਉਹ ਇੰਨੇ ਜ਼ਿਆਦਾ ਗਰਮ ਹੋ ਜਾਂਦੇ ਹਨ ਕਿ ਉਨ੍ਹਾਂ ਦੀ ਸਤਹਿ ਪਿਘਲੀ ਹੋਈ ਚੱਟਾਨ ਬਣ ਜਾਂਦੀ ਹੈ। ਮੁੱਖ ਖੋਜਕਾਰ ਡਾਕਟਰ ਰਿਚਰਡ ਪਾਰਕਰ ਨੇ ਆਖਿਆ ਕਿ ਇਨਾਂ ਮੈਗਮਾ ਮਹਾ ਸਾਗਰ ਗ੍ਰਹਿਆਂ ਨੂੰ ਸੂਰਜ ਜਿਹੇ ਸਿਤਾਰਿਆਂ ਕੋਲ ਖੋਜ ਪਾਉਣਾ ਸੌਖਾ ਹੈ, ਜਿਹੜੇ ਸਿਤਾਰਿਆਂ ਦੇ ਉਸਤਨ ਪੁੰਜ ਤੋਂ ਦੁਗਣਾ ਭਾਰੀ ਹੁੰਦੇ ਹਨ। ਇਹ ਗ੍ਰਹਿ ਇੰਨੀ ਗਰਮੀ ਦਾ ਸਾਹਮਣਾ ਕਰਦੇ ਹਨ ਕਿ ਸਾਡੀ ਅਗਲੀ ਪੀੜ੍ਹੀ ਵੀ ਇੰਫ੍ਰਾਰੇਡ ਦੂਰਬੀਨਾਂ ਨਾਲ ਦੇਖ ਪਾਉਣ ਵਿਚ ਸਮਰਥ ਹੋਵੇਗੀ। ਇਸ ਖੋਜ ਵਿਚ ਯੂਨੀਵਰਸਿਟੀ ਦੇ ਗ੍ਰੈਜ਼ੂਏਸ਼ਨ ਦੀ ਪੜਾਈ ਕਰ ਰਹੇ ਵਿਦਿਆਰਥੀ ਸ਼ਾਮਲ ਸਨ, ਜਿਸ ਨਾਲ ਉਨ੍ਹਾਂ ਨੂੰ ਇਸ ਅਧਿਐਨ ਦੌਰਾਨ ਹਾਸਲ ਕੌਸ਼ਲ ਦਾ ਪ੍ਰਮੁੱਖ ਖੋਜ ਦੇ ਪ੍ਰਕਾਸ਼ਨ ਦੌਰਾਨ ਇਸਤੇਮਾਲ ਵਿਚ ਮਦਦ ਮਿਲੇਗੀ। ਪਾਰਕਰ ਨੇ ਕਿਹਾ ਕਿ ਇਨਾਂ ਗ੍ਰਹਿਆਂ ਨੂੰ ਪਾਉਣ ਦੀ ਥਾਂ ਤਥਾ ਕਥਿਤ ਯੂਵਾ ਗਤੀਮਾਨ ਸਮੂਹ ਹੈ ਜੋ ਨਵੇਂ ਤਾਰਿਆਂ ਦਾ ਸਮੂਹ ਹੁੰਦਾ ਹੈ, ਜਿਨ੍ਹਾਂ ਦੀ ਉਮਰ 10 ਕਰੋੜ ਸਾਲ ਤੋਂ ਘੱਟ ਹੁੰਦੀ ਹੈ।
