ਪਾਕਿਸਤਾਨ 'ਚ ਬੱਚਿਆਂ ਦੇ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਧੇ , ਹਰ ਰੋਜ਼ 8 ਮਾਸੂਮ ਹੋ ਰਹੇ ਸ਼ਿਕਾਰ
04/11/2021 4:52:35 PM
ਪੇਸ਼ਾਵਰ : ਪਾਕਿਸਤਾਨ ਵਿਚ ਬੱਚਿਆਂ ਨਾਲ ਜਿਨਸੀ ਅਪਰਾਧ ਦੇ ਮਾਮਲਿਆਂ ਦੇ ਸੰਬੰਧ ਵਿਚ ਇੱਕ ਰਿਪੋਰਟ ਸਾਹਮਣੇ ਆਈ ਹੈ। ਇਸ ਵਿਚ ਇਹ ਵੀ ਕਿਹਾ ਗਿਆ ਕਿ ਪਾਕਿਸਤਾਨ ਵਿਚ ਬੱਚਿਆਂ ਵਿਰੁੱਧ ਹੁੰਦੇ ਜੁਰਮਾਂ ਵਿਚ ਵਾਧਾ ਹੋਇਆ ਹੈ, ਜਿਸ ਵਿਚ ਬਾਲ ਯੌਨ ਸ਼ੋਸ਼ਣ, ਅਗਵਾ ਅਤੇ ਬਾਲ ਵਿਆਹ ਸ਼ਾਮਲ ਹਨ। 2020 ਵਿਚ ਇਕ ਦਿਨ ਵਿਚ ਅੱਠ ਮਾਸੂਮਾਂ ਨੂੰ ਸ਼ਿਕਾਰ ਬਣਾਇਆ ਗਿਆ। ਇਸ ਤੋਂ ਪਹਿਲਾਂ 2019 ਵਿਚ ਵੀ ਇਹੋ ਅੰਕੜੇ ਸਾਹਮਣੇ ਆਏ ਸਨ ਅਤੇ ਇਹ 2018 ਦੇ ਮੁਕਾਬਲੇ 25% ਘੱਟ ਦੱਸੇ ਗਏ ਸਨ।
ਇਹ ਵੀ ਪੜ੍ਹੋ : ਬੈਂਕ ਆਫ਼ ਇੰਡੀਆ ਸਮੇਤ 5 ਸਰਕਾਰੀ ਬੈਂਕਾਂ ਦਾ ਹੋ ਸਕਦੈ ਨਿੱਜੀਕਰਨ, ਜਲਦ ਹੋਵੇਗਾ ਫ਼ੈਸਲਾ
ਅਖ਼ਬਾਰ ਡਾਨ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਇਹ ਰਿਪੋਰਟ ਬਾਲ ਸੁਰੱਖਿਆ 'ਤੇ ਕੇਂਦਰਤ ਇਕ ਸੰਸਥਾ ਸਾਹਿਲ ਵਲੋਂ ਜਾਰੀ ਕੀਤੀ ਗਈ ਹੈ ਜੋ 2020 ਵਿਚ 84 ਰਾਸ਼ਟਰੀ ਅਤੇ ਖੇਤਰੀ ਅਖਬਾਰਾਂ ਵਿਚ ਦਰਜ ਕੇਸਾਂ ਦੇ ਅਧਾਰ 'ਤੇ ਤਿਆਰ ਕੀਤੀ ਹੈ। ਇਹ ਰਿਪੋਰਟ ਵੀਰਵਾਰ ਨੂੰ ਇਕ ਵਰਚੁਅਲ ਪ੍ਰੋਗਰਾਮ ਵਿਚ ਲਾਂਚ ਕੀਤੀ ਗਈ ਸੀ। ਰਿਪੋਰਟ ਅਨੁਸਾਰ ਸ਼ੋਸ਼ਣ ਦਾ ਸਭ ਤੋਂ ਵੱਧ ਸ਼ਿਕਾਰ 6-15 ਸਾਲ ਦੀ ਉਮਰ ਸਮੂਹ ਦੇ ਬੱਚੇ ਹੁੰਦੇ ਸਨ। ਇਸ ਤੋਂ ਇਲਾਵਾ 0-5 ਸਾਲ ਤੱਕ ਦੇ ਬੱਚਿਆਂ ਦਾ ਵੀ ਜਿਨਸੀ ਸ਼ੋਸ਼ਣ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਬੰਬਈ-ਨੈਸ਼ਨਲ ਸਟਾਕ ਐਕਸਚੇਂਜ ਦੀ ਚਿਤਾਵਨੀ, ਇਹਨਾਂ 300 ਸਟਾਕਾਂ ਵਿਚ ਭੁੱਲ ਕੇ ਨਾ ਲਗਾਉਣਾ ਪੈਸਾ
ਰਿਪੋਰਟ ਵਿਚ ਦਰਜ ਮਾਮਲਿਆਂ ਵਿਚੋਂ 985 ਗਰਭਪਾਤ, 787 ਬਲਾਤਕਾਰ, 89 ਅਸ਼ਲੀਲਤਾ ਅਤੇ ਬੱਚਿਆਂ ਨਾਲ ਜਿਨਸੀ ਸ਼ੋਸ਼ਣ ਅਤੇ 80 ਜਿਨਸੀ ਸ਼ੋਸ਼ਣ ਦੇ ਕਤਲ ਦੇ ਸਨ। ਅਗਵਾ ਕਰਨ, ਬੱਚਿਆਂ ਦੇ ਗਾਇਬ ਹੋਣ ਅਤੇ ਬਾਲ ਵਿਆਹ ਦੇ ਮਾਮਲੇ ਕ੍ਰਮਵਾਰ 834, 345 ਅਤੇ 119 ਸਨ। ਬਾਲ ਸੁਰੱਖਿਆ ਲਈ ਕੰਮ ਕਰ ਰਹੀ ਇਕ ਗੈਰ-ਸਰਕਾਰੀ ਸੰਸਥਾ 'ਸਾਹਿਲ' ਦੇ ਅਨੁਸਾਰ, 2019 ਵਿਚ ਪਾਕਿਸਤਾਨ ਦੇ ਚਾਰੇ ਸੂਬਿਆਂ ਦੇ ਨਾਲ-ਨਾਲ ਇਸਲਾਮਾਬਾਦ, ਪੀਓਕੇ ਅਤੇ ਗਿਲਗਿਤ ਬਾਲਟਿਸਤਾਨ ਤੋਂ ਬਾਲ ਅਪਰਾਧ ਨਾਲ ਜੁੜੇ ਕੁਲ 2 ਹਜ਼ਾਰ 846 ਕੇਸ ਦਰਜ ਕੀਤੇ ਗਏ ਸਨ।
ਇਹ ਵੀ ਪੜ੍ਹੋ : ਦੋ ਦਿਨਾਂ 'ਚ ਕੰਗਾਲ ਹੋਏ 1.5 ਲੱਖ ਕਰੋੜ ਦੇ ਮਾਲਕ ਹਵਾਂਗ, ਸ਼ੇਅਰ ਬਾਜ਼ਾਰ 'ਚ ਇਕ ਗ਼ਲਤੀ ਪਈ ਭਾਰੀ
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 778 ਬੱਚਿਆਂ ਨੂੰ ਅਗਵਾ ਕੀਤਾ ਗਿਆ ਸੀ। 405 ਬੱਚੇ ਲਾਪਤਾ ਹੋਏ, 384 ਨਾਲ ਛੇੜਛਾੜ ਕੀਤੀ ਗਈ, ਜਦੋਂ ਕਿ ਬਲਾਤਕਾਰ ਦੇ 279, ਬਲਾਤਕਾਰ ਦੀ ਕੋਸ਼ਿਸ਼ 210, ਸਮੂਹਿਕ ਬਲਾਤਕਾਰ ਦੇ 210 ਮਾਮਲੇ ਦਰਜ ਕੀਤੇ ਗਏ। ਇਸ ਤੋਂ ਇਲਾਵਾ ਦੇਸ਼ ਭਰ ਤੋਂ 104 ਬਾਲ ਵਿਆਹ ਦੇ ਮਾਮਲੇ ਵੀ ਸਾਹਮਣੇ ਆਏ ਹਨ। ਸਭ ਤੋਂ ਜ਼ਿਆਦਾ 54% ਲੜਕੀਆਂ ਪੀੜਤ ਸਨ, ਜਦੋਂਕਿ 46 ਫੀਸਦ ਲੜਕੇ ਸਨ। ਅਸ਼ਲੀਲਤਾ ਨਾਲ ਜੁੜੇ ਘੱਟੋ-ਘੱਟ 70 ਕੇਸਾਂ ਦੀ ਪਛਾਣ ਕੀਤੀ ਗਈ ਸੀ। ਇਸ ਰਿਪੋਰਟ ਦੇ ਅਨੁਸਾਰ 2018 ਵਿਚ ਪਾਕਿਸਤਾਨ ਵਿਚ ਬੱਚਿਆਂ ਨਾਲ ਬਦਸਲੂਕੀ ਦੇ ਕੁੱਲ 3,832 ਮਾਮਲੇ ਸਾਹਮਣੇ ਆਏ ਸਨ।
ਇਹ ਵੀ ਪੜ੍ਹੋ : GST ਦੇ ਨਾਂ 'ਤੇ ਗਾਹਕਾਂ ਨੂੰ ਦਿੱਤੇ ਜਾ ਰਹੇ ਹਨ ਜਾਅਲੀ ਬਿੱਲ, ਜਾਣੋ ਅਸਲ ਬਿੱਲ ਦੀ ਪਛਾਣ ਦਾ ਤਰੀਕਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
