ਅਮਰੀਕਾ-ਮੈਕਸੀਕੋ ਸਰਹੱਦ ''ਤੇ ਅਧਿਕਾਰੀਆਂ ਨੂੰ ਮਿਲੀਆਂ 4 ਅਤੇ 6 ਸਾਲ ਦੀਆਂ ਦੋ ਇਕੱਲੀਆਂ ਬੱਚੀਆਂ
Sunday, Oct 17, 2021 - 02:45 AM (IST)
ਫਰਿਜ਼ਨੋ (ਕੈਲੀਫੋਰਨੀਆ) (ਗੁਰਿੰਦਰਜੀਤ ਨੀਟਾ ਮਾਛੀਕੇ) - ਅਮਰੀਕਾ ਦੇ ਬਾਰਡਰ ਪੋਟਰੋਲ ਏਜੰਟਾਂ ਨੂੰ ਮੈਕਸੀਕੋ ਸਰਹੱਦ 'ਤੇ 4 ਅਤੇ 6 ਸਾਲ ਦੀਆਂ ਦੋ ਇਕੱਲੀਆਂ ਬੱਚੀਆਂ ਮਿਲੀਆਂ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਬਾਰਡਰ ਪੈਟਰੋਲਿੰਗ ਏਜੰਟਾਂ ਨੂੰ ਹੋਂਡੂਰਸ ਦੀਆਂ 4 ਅਤੇ 6 ਸਾਲ ਦੀਆਂ ਦੋ ਭੈਣਾਂ ਅਰੀਜ਼ੋਨਾ ਦੇ ਮਾਰੂਥਲ ਵਿੱਚ ਇਕੱਲੀਆਂ ਭਟਕਦੀਆਂ ਲੱਭੀਆਂ। ਬੱਚੀਆਂ ਕੋਲ ਉਨ੍ਹਾਂ ਦੀ ਮਾਸੀ ਦੇ ਨਾਮ ਅਤੇ ਪਤੇ ਦੇ ਨੋਟ ਤੋਂ ਇਲਾਵਾ ਹੋਰ ਕੁੱਝ ਵੀ ਨਹੀਂ ਸੀ।
ਬਾਰਡਰ ਪੈਟਰੋਲਿੰਗ ਦੇ ਯੁਮਾ ਸੈਕਟਰ ਦੀ ਇੱਕ ਫੇਸਬੁੱਕ ਪੋਸਟ ਦੇ ਅਨੁਸਾਰ, ਇਨ੍ਹਾਂ ਲੜਕੀਆਂ ਨੂੰ ਮੰਗਲਵਾਰ ਸਵੇਰੇ ਯੂ.ਐੱਸ.-ਮੈਕਸੀਕੋ ਸਰਹੱਦ 'ਤੇ ਮੋਰੇਲੋਸ ਡੈਮ ਦੇ ਦੱਖਣ ਵਿੱਚ ਇੱਕ ਦਲਦਲੀ ਖੇਤਰ ਵਿੱਚ ਵੇਖਿਆ ਗਿਆ ਸੀ। ਏਜੰਸੀ ਦੁਆਰਾ ਜਾਰੀ ਕੀਤੀਆਂ ਫੋਟੋਆਂ ਵਿੱਚ ਭੈਣਾਂ ਨੂੰ ਗੁਲਾਬੀ ਟੋਪੀਆਂ ਅਤੇ ਸ਼ਰਟਾਂ ਵਿੱਚ ਵੇਖਿਆ ਗਿਆ।
ਇਹ ਵੀ ਪੜ੍ਹੋ - ਫਰਿਜ਼ਨੋ ਪੁਲਸ ਦੁਆਰਾ ਕੀਤੇ ਗਏ ਗੈਰ-ਕਾਨੂੰਨੀ ਹਥਿਆਰ ਬਰਾਮਦ
ਅਧਿਕਾਰੀਆਂ ਦੁਆਰਾ ਬੱਚੀਆਂ ਨੂੰ ਸੁਰੱਖਿਅਤ ਆਪਣੀ
ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ ਅਤੇ ਉਨ੍ਹਾਂ ਨੂੰ ਪਰਿਵਾਰ ਨਾਲ ਦੁਬਾਰਾ ਮਿਲਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਅੰਕੜਿਆਂ ਅਨੁਸਾਰ ਬਾਰਡਰ ਪੈਟਰੋਲਿੰਗ ਏਜੰਟਾਂ ਨੇ ਅਕਤੂਬਰ 2020 ਅਤੇ ਇਸ ਸਾਲ 31 ਅਗਸਤ ਦੇ ਵਿਚਕਾਰ ਦੱਖਣੀ ਸਰਹੱਦ ਕੋਲ ਤਕਰੀਬਨ 130,710 ਗੈਰ-ਕਾਨੂੰਨੀ ਇਕੱਲੇ ਪ੍ਰਵਾਸੀ ਬੱਚਿਆਂ ਦਾ ਸਾਹਮਣਾ ਕੀਤਾ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
