ਜਾਣੋ ! ਖਾਲੀ ਪੇਟ ਹਲਦੀ ਪਾਣੀ ਪੀਣ ਨਾਲ ਸਰੀਰ ਨੂੰ ਹੁੰਦੇ ਹਨ ਕੀ ਫਾਇਦੇ ?

ਹੈਲਥ ਡੈਸਕ : ਹਰ ਘਰ ਦੀ ਰਸੋਈ 'ਚ ਹਲਦੀ ਇਕ ਮਸਾਲੇ ਦੇ ਰੂਪ 'ਚ ਪਾਈ ਜਾਂਦੀ ਹੈ। ਦਾਲਾਂ-ਸਬਜ਼ੀਆਂ ਤੋਂ ਇਲਾਵਾ ਇਸਨੂੰ ਸਵੇਰੇ ਪਾਣੀ 'ਚ ਮਿਲਾ ਕੇ ਖਾਲੀ ਪੇਟ ਪੀਣ ਨਾਲ ਸਰੀਰ ਨੂੰ ਅਨੇਕਾਂ ਫਾਇਦੇ ਮਿਲਦੇ ਹਨ। ਇਹ ਪ੍ਰਾਕ੍ਰਿਤਿਕ ਤੌਰ 'ਤੇ ਐਂਟੀਬਾਇਓਟਿਕ ਮੰਨੀ ਜਾਂਦੀ ਹੈ। ਇਸ 'ਚ ਕਰਕਿਊਮਨ ਨਾਂ ਦਾ ਤੱਤ ਪਾਇਆ ਜਾਂਦਾ ਹੈ। ਹਲਦੀ ਦਾ ਸੇਵਨ ਕਰਨ ਨਾਲ ਪਾਚਨ ਤੰਤਰ ਮਜ਼ਬੂਤ ਹੁੰਦਾ ਹੈ ਅਤੇ ਕਈ ਬਿਮਾਰੀਆਂ 'ਚ ਆਰਾਮ ਮਿਲਦਾ ਹੈ।

ਜਾਣਦੇ ਹਾਂ ਹਲਦੀ ਦਾ ਪਾਣੀ ਪੀਣ ਦੇ ਸਰੀਰ ਨੂੰ ਕੀ ਫਾਇਦੇ ਮਿਲਦੇ ਹਨ ਅਤੇ ਕਿੰਨੇ ਦਿਨ ਤੱਕ ਹਲਦੀ ਦਾ ਪਾਣੀ ਪੀ ਸਕਦੇ ਹਾਂ-

1 ਮਹੀਨਾ ਹਲਦੀ ਪਾਣੀ ਪੀਣਾ ਹੈ ਜ਼ਰੂਰੀ
ਸਰਦੀਆਂ ਦੇ ਮੌਸਮ 'ਚ ਇਕ ਮਹੀਨਾ ਹਲਦੀ ਦਾ ਪਾਣੀ ਪੀਣ ਨਾਲ ਇਮਊਨਿਟੀ ਬੂਸਟ ਹੁੰਦੀ ਹੈ। ਸਰੀਰ 'ਚ ਕਿਸੇ ਵੀ ਤਰ੍ਹਾਂ ਦੀ ਸੋਜ ਤੋਂ ਆਰਾਮ ਮਿਲਦਾ ਹੈ ਅਤੇ ਸਰੀਰ ਦੀ ਸ਼ੁੱਧੀ ਹੁੰਦੀ ਹੈ। ਇਸ ਨਾਲ ਵਜ਼ਨ ਘਟਦਾ ਹੈ। 

ਪਾਚਨ 'ਚ ਹੁੰਦਾ ਹੈ ਸੁਧਾਰ
ਹਲਦੀ ਦਾ ਪਾਣੀ ਪੀਣ ਨਾਲ ਪਾਚਨ ਕਿਰਿਆ 'ਚ ਸੁਧਾਰ ਆਉਂਦਾ ਹੈ। ਹਲਦੀ ਐਂਟੀਬਾਇਓਟਿਕ ਹੋਣ ਕਰਕੇ ਸਰੀਰ ਨੂੰ ਡਿਟੌਕਸ ਕਰਦੀ ਹੈ। ਇਸ ਨਾਲ ਰੋਗ-ਪ੍ਰਤੀਰੋਧਕ ਸਮਰੱਥਾ ਵਧਦੀ ਹੈ ਅਤੇ ਕਿਸੇ ਵੀ ਤਰ੍ਹਾਂ ਦੀ ਇਨਫੈਕਸ਼ਨ ਤੋਂ ਬਚਾਅ ਰਹਿੰਦਾ ਹੈ।

ਐਂਟੀਫਲਾਮੈਂਟਰੀ ਹੈ ਹਲਦੀ ਵਾਲਾ ਪਾਣੀ
ਹਲਦੀ ਵਾਲਾ ਪਾਣੀ ਪੀਣ ਨਾਲ ਸਰੀਰ ਦੀ ਸੋਜ ਦੂਰ ਹੋਣ ਤੋਂ ਇਲਾਵਾ ਜੋੜਾਂ ਦੇ ਦਰਦ ਤੋਂ ਆਰਾਮ ਮਿਲਦਾ ਹੈ। ਇਸ ਨਾਲ ਗਠੀਏ ਦੀ ਬਿਮਾਰੀ ਤੋਂ ਵੀ ਰਾਹਤ ਮਿਲਦੀ ਹੈ।

ਸਕਿਨ 'ਚ ਆਉਂਦਾ ਹੈ ਗਲੋਅ
ਹਲਦੀ ਵਾਲਾ ਪਾਣੀ ਪੀਣ ਨਾਲ ਖੂਨ ਸਾਫ ਹੁੰਦਾ ਹੈ। ਇਸ ਨਾਲ ਸਕਿਨ ਤੋਂ ਪਿੰਪਲਜ਼ ਖਤਮ ਹੁੰਦੇ ਹਨ ਅਤੇ ਸਕਿਨ 'ਤੇ ਗਲੋਅ ਆਉਂਦਾ ਹੈ।

ਕੀ ਤਰੀਕਾ ਹੈ ਹਲਦੀ ਵਾਲਾ ਪਾਣੀ ਪੀਣ ਦਾ
ਇਕ ਗਲਾਸ ਗੁਣਗੁਣੇ ਪਾਣੀ 'ਚ ਇਕ ਚੌਥਾਈ ਹਲਦੀ ਪਾਊਡਰ ਮਿਲਾਓ। ਇਸ 'ਚ ਨਿੰਬੂ ਜਾਂ ਕਾਲੀ ਮਿਰਚ ਪਾ ਕੇ ਇਸਦਾ ਸਵੇਰੇ ਖਾਲੀ ਪੇਟ ਸੇਵਨ ਕੀਤਾ ਜਾ ਸਕਦਾ ਹੈ। 

ਕਿਨ੍ਹਾਂ ਨੂੰ ਨਹੀਂ ਪੀਣਾ ਚਾਹੀਦਾ ਹਲਦੀ ਪਾਣੀ?
ਗਰਭਵਤੀ ਔਰਤਾਂ ਅਤੇ ਜਿਨ੍ਹਾਂ ਲੋਕਾਂ ਨੂੰ ਪੇਟ ਦੀ ਸਮੱਸਿਆ ਰਹਿੰਦੀ ਹੈ, ਉਨ੍ਹਾਂ ਨੂੰ ਹਲਦੀ ਵਾਲਾ ਪਾਣੀ ਪੀਣ ਤੋਂ ਪ੍ਰਹੇਜ਼ ਕਰਨਾ ਚਾਹੀਦਾ ਹੈ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e