ਸਰੀਰ ਲਈ ਲਾਹੇਵੰਦ ਹੈ ਗਰਮ ਪਾਣੀ, ਪੀਣ ਨਾਲ ਦੂਰ ਹੁੰਦੀਆਂ ਹਨ ਇਹ ਬੀਮਾਰੀਆਂ

ਜਲੰਧਰ - ਜਿਉਂਦੇ ਰਹਿਣ ਲਈ ਪਾਣੀ ਪੀਣਾ ਬਹੁਤ ਜਰੁਰੀ ਹੈ। ਡਾਕ‍ਟਰ ਤੋਂ ਲੈ ਕੇ ਡਾਇਟੀਸ਼ੀਅਨ ਹਰ ਕੋਈ ਦਿਨ ’ਚ 7- 8 ਗ‍ਲਾਸ ਪਾਣੀ ਪੀਣ ਦੀ ਹਿਦਾਇਤ ਦਿੰਦਾ ਹੈ। ਜਿੱਥੇ ਕਈ ਲੋਕ ਠੰਡਾ ਪਾਣੀ ਪੀਂਦੇ ਹਨ, ਉਥੇ ਹੀ ਕਈ ਲੋਕ ਗਰਮ ਜਾਂ ਨਿੱਘਾ ਪਾਣੀ ਪੀਂਦੇ ਹਨ। ਮੰਨਿਆ ਜਾਂਦਾ ਹੈ ਕਿ ਗਰਮ ਪਾਣੀ ਸਰੀਰ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਗਰਮ ਪਾਣੀ ਤੁਹਾਡੇ ਲਗਾਤਾਰ ਵਧ ਰਹੇ ਭਾਰ ਨੂੰ ਘਟਾਉਣ ’ਚ ਮਦਦਗਾਰ ਸਾਬਤ ਹੁੰਦਾ ਹੈ। ਜੇ ਤੁਹਾਨੂੰ ਲੱਖਾਂ ਕੋਸ਼ਿਸ਼ਾਂ ਦੇ ਬਾਵਜੂਦ ਕੋਈ ਫਰਕ ਮਹਿਸੂਸ ਨਹੀਂ ਹੁੰਦਾ ਤਾਂ ਸ਼ਹਿਦ ’ਤੇ ਨਿੰਬੂ ਨੂੰ ਕੋਸੇ ਪਾਣੀ ’ਚ ਮਿਲਾਓ ਅਤੇ ਇਸ ਨੂੰ 3 ਮਹੀਨਿਆਂ ਤੱਕ ਲਗਾਤਾਰ ਪੀਓ। ਤੁਸੀਂ ਨਿਸ਼ਚਤ ਤੌਰ 'ਤੇ ਫਰਕ ਮਹਿਸੂਸ ਕਰੋਗੇ।

1. ਸਫਾਈ ਅਤੇ ਸ਼ੁੱਧੀ
ਇਹ ਸਰੀਰ ਨੂੰ ਅੰਦਰ ਤੋਂ ਸਾਫ਼ ਕਰਦਾ ਹੈ। ਜੇਕਰ ਤੁਹਾਡਾ ਪਾਚਣ ਤੰਤਰ ਠੀਕ ਨਹੀਂ ਰਹਿੰਦਾ ਹੈ, ਤਾਂ ਤੁਹਾਨੂੰ ਦਿਨ ’ਚ ਦੋ ਵਾਰ ਗਰਮ ਪਾਣੀ ਪੀਣਾ ਚਾਹੀਦਾ ਹੈ। ਸਵੇਰੇ ਗਰਮ ਪਾਣੀ ਪੀਣ ਨਾਲ ਸਰੀਰ ਦੇ ਸਾਰੇ ਜ਼ਹਿਰੀਲੇ ਤੱਤ‍ ਬਾਹਰ ਨਿਕਲ ਜਾਂਦੇ ਹਨ, ਜਿਸਦੇ ਨਾਲ ਪੂਰਾ ਸਰੀਰ ਅੰਦਰੋਂ ਸਾਫ਼ ਹੋ ਜਾਂਦਾ ਹੈ। ਨਿੰਬੂ ਅਤੇ ਸ਼ਹਿਦ ਪਾਉਣ ਨਾਲ ਬਹੁਤ ਫਾਇਦਾ ਹੁੰਦਾ ਹੈ। 

2. ਕਬ‍ਜ਼ ਦੂਰ ਕਰਦਾ ਹੈ
ਸਰੀਰ ਵਿਚ ਪਾਣੀ ਦੀ ਕਮੀ ਹੋ ਜਾਣ ਦੀ ਵਜ੍ਹਾ ਨਾਲ ਕਬ‍ਜ਼ ਦੀ ਸੱਮਸਿਆ ਪੈਦਾ ਹੋ ਜਾਂਦੀ ਹੈ। ਰੋਜ਼ਾਨਾ ਇਕ ਗ‍ਲਾਸ ਸਵੇਰੇ ਗਰਮ ਪਾਣੀ ਪੀਣ ਨਾਲ ਕਬਜ਼ ਤੋਂ ਰਾਹਤ ਮਿਲਦੀ ਹੈ।

3. ਮੋਟਾਪਾ ਘੱਟ ਕਰਦਾ ਹੈ
ਸਵੇਰ ਦੇ ਸਮੇਂ ਜਾਂ ਫਿਰ ਹਰ ਭੋਜਨ ਮਗਰੋਂ 1 ਗ‍ਲਾਸ ਗਰਮ ਪਾਣੀ ’ਚ ਨਿੰਬੂ ਅਤੇ ਸ਼ਹਿਦ ਮਿਲਾ ਕੇ ਪੀਣ ਨਾਲ ਚਰਬੀ ਘੱਟ ਹੁੰਦੀ ਹੈ। ਨਿੰਬੂ ਬਾਰ ਬਾਰ ਭੁੱਖ ਲਗਣ ਤੋਂ ਰੋਕਦਾ ਹੈ।

4. ਸਰਦੀ ਅਤੇ ਜ਼ੁਖਾਮ ਲਈ 
ਜੇਕਰ ਗਲੇ ’ਚ ਦਰਦ ਜਾਂ ਫਿਰ ਟਾਂਨ‍ਸਿਲ ਹੋ ਗਿਆ ਹੋਵੇ, ਤਾਂ ਗਰਮ ਪਾਣੀ ਪਿਓ। ਗਰਮ ਪਾਣੀ ’ਚ ਸ਼ੁੱਧ ਹਲਕਾ ਜਿਹਾ ਸੇਂਧਾ ਲੂਣ ਮਿਲਾ ਕੇ ਪੀਣ ਨਾਲ ਮੁਨਾਫ਼ਾ ਮਿਲਦਾ ਹੈ। 

5. ਖੂਬ ਪਸੀਨਾ ਆਉਂਦਾ ਹੈ
ਜਦੋਂ ਤੁਸੀ ਕੋਈ ਗਰਮ ਚੀਜ ਖਾਂਦੇ ਜਾਂ ਪੀਂਦੇ ਹੋ, ਤਾਂ ਬਹੁਤ ਮੁੜ੍ਹਕਾ ਨਿਕਲਦਾ ਹੈ। ਅਜਿਹਾ ਤੱਦ ਹੁੰਦਾ ਹੈ, ਜਦੋਂ ਸਰੀਰ ਦਾ ਟੰ‍ਪਰੇਚਰ ਵਧ ਜਾਂਦਾ ਹੈ ਅਤੇ ਪੀਤਾ ਗਿਆ ਪਾਣੀ ਉਸਨੂੰ ਠੰਡਾ ਕਰਦਾ ਹੈ, ਉਦੋਂ ਮੁੜ੍ਹਕਾ ਨਿਕਲਦਾ ਹੈ। ਮੁੜ੍ਹਕੇ ਨਾਲ ਚਮੜੀ ’ਚੋਂ ਲੂਣ ਬਾਹਰ ਨਿਕਲਦਾ ਹੈ ਅਤੇ ਸਰੀਰ ਦੀ ਅਸ਼ੁੱਧੀ ਦੂਰ ਹੁੰਦੀ ਹੈ। 

6. ਸਰੀਰ ਦਾ ਦਰਦ ਦੂਰ ਕਰਦਾ ਹੈ
ਮਾਸਿਕ ਸ਼ੁਰੂ ਹੋਣ ਦੇ ਦਿਨਾਂ ’ਚ ਢਿੱਡ ’ਚ ਦਰਦ ਹੁੰਦਾ ਹੈ, ਤੱਦ ਗਰਮ ਪਾਣੀ ’ਚ ਇਲਾਚੀ ਪਾਊਡਰ ਪਾ ਕੇ ਪਿਓ। ਇਸ ਨਾਲ ਨਾ ਕੇਵਲ ਮਾਸਿਕ ਦਾ ਦਰਦ ਸਗੋਂ ਸਰੀਰ, ਢਿੱਡ ਅਤੇ ਸਿਰਦਰਦ ਠੀਕ ਹੋ ਜਾਂਦਾ ਹੈ।

7. ਪੱਥਰੀ ਦੀ ਸਮੱਸਿਆ ਹੁੰਦੀ ਦੂਰ
ਜੇਕਰ ਤੁਸੀਂ ਪੱਥਰੀ ਦੀ ਸਮੱਸਿਆ ਨਾਲ ਜੂਝ ਰਹੇ ਹੋ ਤਾਂ ਰੋਜ਼ ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਕ ਟੁਕੜਾ ਗੁੜ ਅਤੇ ਗਰਮ ਪਾਣੀ ਪੀ ਲਓ। ਅਜਿਹਾ ਕਰਨ ਨਾਲ ਪੱਥਰੀ ਟੁੱਟ ਕੇ ਯੂਰਿਨ ਰਸਤੇ ਬਾਹਰ ਨਿਕਲ ਜਾਵੇਗੀ। ਇਸ ਦੇ ਨਾਲ ਗੁੜ ਖਾਣ ਨਾਲ ਛਾਤੀ 'ਚ ਸਾੜ ਤੇ ਜੋੜਾਂ ਦੇ ਦਰਦ ਦੂਰ ਹੋਣਗੇ।

8. ਚਮੜੀ 'ਚ ਆਉਂਦਾ ਹੈ ਨਿਖਾਰ
ਜੇਕਰ ਤੁਸੀਂ ਆਪਣੇ ਚਿਹਰੇ ਦੀ ਰੰਗਤ ਜਾਂ ਮੁਹਾਸਿਆਂ ਤੋਂ ਪਰੇਸ਼ਾਨ ਹੋ ਤਾਂ ਤੁਸੀਂ ਕੁਝ ਦਿਨ ਖ਼ਾਲੀ ਪੇਟ ਗੁੜ ਅਤੇ ਪਾਣੀ ਦਾ ਸੇਵਨ ਕਰੋ। ਇਸ ਨਾਲ ਨਾ ਸਿਰਫ਼ ਤੁਹਾਡੀ ਸਿਹਤ ਦਰੁਸਤ ਹੋਵੇਗੀ ਸਗੋਂ ਤੁਹਾਡੀ ਚਮੜੀ 'ਚ ਵੀ ਨਿਖਾਰ ਆਵੇਗਾ।

9.ਉਨੀਂਦਰੇ ਦੀ ਸਮੱਸਿਆ ਵੀ ਹੁੰਦੀ ਹੈ ਦੂਰ
ਜੇਕਰ ਤੁਸੀਂ ਵੀ ਉਨ੍ਹਾਂ ਲੋਕਾਂ 'ਚ ਸ਼ੁਮਾਰ ਹੋ ਜਿਨ੍ਹਾਂ ਨੂੰ ਰਾਤ ਨੂੰ ਠੀਕ ਤਰ੍ਹਾਂ ਨੀਂਦ ਨਹੀਂ ਆਉਂਦੀ ਜਾਂ ਬੇਚੈਨੀ ਮਹਿਸੂਸ ਹੁੰਦੀ ਹੈ ਤਾਂ ਗਰਮ ਪਾਣੀ ਨਾਲ ਗੁੜ ਦੇ ਇਕ-ਜਾਂ ਦੋ ਟੁਕੜੇ ਜ਼ਰੂਰ ਖਾਓ। ਗੁੜ 'ਚ ਪਾਏ ਜਾਣੇ ਵਾਲੇ ਐਂਟੀ-ਡਿਪ੍ਰੈਸੈਂਟ ਗੁਣ ਤਣਾਅ ਦੂਰ ਕਰਨ ਤੇ ਨੀਂਦ ਦਿਵਾਉਣ 'ਚ ਮਦਦ ਕਰਦੇ ਹਨ।