''ਸ਼ਰਾਬ'' ਪੀਣ ਨਾਲ ਨਾਲ ਘੱਟ ਹੋ ਸਕਦੀ ਹੈ ਪੁਰਸ਼ ਅਤੇ ਬੀਬੀ ਦੀ ਜਣਨ ਸਮਰੱਥਾ, ਇੰਝ ਕਰੋ ਬਚਾਅ

ਨਵੀਂ ਦਿੱਲੀ (ਬਿਊਰੋ): ਪਾਰਟੀ ਜਾਂ ਕਿਸੇ ਖਾਸ ਮੌਕੇ ਸ਼ਰਾਬ ਪੀਣਾ ਅੱਜ-ਕੱਲ ਆਮ ਗੱਲ ਹੈ। ਉੱਥੇ ਸਿਰਫ ਪੁਰਸ਼ ਹੀ ਨਹੀਂ ਸਗੋਂ ਹੁਣ ਬੀਬੀਆਂ ਵੀ ਸ਼ਰਾਬ ਪੀਣਾ ਪਸੰਦ ਕਰਦੀਆਂ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਨਾਲ ਸਿਰਫ ਕੈਂਸਰ ਜਿਹੀਆਂ ਜਾਨਲੇਵਾ ਬੀਮਾਰੀਆਂ ਹੀ ਨਹੀਂ ਸਗੋਂ ਬਾਂਝਪਨ ਵੀ ਹੋ ਸਕਦਾ ਹੈ। ਹਾਲ ਹੀ ਵਿਚ ਹੋਏ ਅਧਿਐਨ ਮੁਤਾਬਕ 35 ਫੀਸਦੀ ਪੁਰਸ਼ ਅਤੇ ਬੀਬੀਆਂ ਵਿਚ ਹੋਣ ਵਾਲੀ ਇਨਫਰਲਿਟੀ ਮਤਲਬ ਨਪੁੰਸਕਤਾ ਜਾਂ ਬਾਂਝਪਨ ਦਾ ਕਾਰਨ ਸ਼ਰਾਬ ਸੀ।

ਪੁਰਸ਼ਾਂ ਲਈ ਹਾਨੀਕਾਰਕ
ਅਧਿਐਨ ਮੁਤਾਬਕ ਵੱਧ ਅਤੇ ਨਿਯਮਿਤ ਤੌਰ 'ਤੇ ਸ਼ਰਾਬ ਪੀਣਾ ਪੁਰਸ਼ਾਂ ਅਤੇ ਬੀਬੀਆਂ ਵਿਚ ਇਨਫਰਲਿਟੀ ਦਾ ਕਾਰਨ ਬਣ ਸਕਦਾ ਹੈ। ਹਰ 2 ਘੰਟੇ ਵਿਚ 5 ਤੋਂ ਵੱਧ ਡਰਿੰਕ ਲੈਣ ਵਾਲੇ ਪੁਰਸ਼ਾਂ ਵਿਚ ਇਸ ਕਾਰਨ ਸਪਰਮ ਕਾਊਂਟ ਵੀ ਘੱਟ ਹੋ ਸਕਦਾ ਹੈ। ਜੇਕਰ ਕੋਈ ਹਫ਼ਤੇ ਵਿਚ 14 ਤੋਂ ਵੱਧ ਡਰਿੰਕ ਲੈਂਦਾ ਹੈ ਤਾਂ ਉਸ ਦਾ ਟੇਸਟੋਸਟੇਰੋਨ ਪੱਧਰ ਘੱਟ ਹੋਵੇਗਾ, ਜਿਸ ਨਾਲ ਸਪਰਮ ਕਾਊਂਟ 'ਤੇ ਅਸਰ ਪਵੇਗਾ।

ਪੁਰਸ਼ਾਂ 'ਤੇ ਵੱਧ ਅਸਰ
- ਇਸ ਦੇ ਇਲਾਵਾ ਅਧਿਐਨ ਦਾ ਕਹਿਣਾ ਹੈ ਕਿ ਇਸ ਨਾਲ ਪੁਰਸ਼ਾਂ ਦੇ ਸਿਹਤਮੰਦ ਸਪਰਮ ਦਾ ਆਕਾਰ ਅਤੇ ਮੂਵਮੈਂਟ ਵਿਚ ਤਬਦੀਲੀ ਆ ਸਕਦੀ ਹੈ। ਇਸ ਦੇ ਇਲਾਵਾ ਇਹ ਟੈਸਟਿਸ ਦਾ ਸੁੰਗੜਨਾ, ਨਪੁੰਸਕਤਾ ਦਾ ਕਾਰਨ ਬਣਦਾ ਹੈ।
- ਜ਼ਿਆਦਾ ਸ਼ਰਾਬ ਪੀਣ ਨਾਲ ਪੁਰਸ਼ਾਂ ਵਿਚ ਫੌਲੀਕਲ ਸਟੀਮੁਲੇਟਿੰਗ ਹਾਰਮੋਨ, ਟੇਸਟੋਸਟੇਰੋਨ ਪੱਧਰ, ਲੁਟੀਨਾਇਜਿੰਗ ਹਾਰਮੋਨ ਵਿਚ ਕਮੀ ਆ ਸਕਦੀ ਹੈ, ਜੋ ਸਪਰਮ ਉਤਪਾਦਨ ਨੂੰ ਪ੍ਰਭਾਵਿਤ ਕਰਦਾ ਹੈ।
- ਕੰਸੀਵ ਕਰਨ ਤੋਂ 3 ਮਹੀਨੇ ਤੱਕ ਪਿਤਾ ਦੇ ਸ਼ਰਾਬ ਪੀਣ ਨਾਲ ਬੱਚੇ ਵਿਚ ਕੰਜੇਨਾਇਟਲ ਹਾਰਟ ਡਿਜੀਜ਼ ਦਾ ਖਤਰਾ 44 ਤੋਂ 52 ਫੀਸਦੀ ਤੱਕ ਵੱਧ ਜਾਂਦਾ ਹੈ।

ਬੀਬੀਆਂ ਵਿਚ ਜਣਨ ਸਮਰੱਥਾ ਹੁੰਦੀ ਹੈ ਪ੍ਰਭਾਵਿਤ
ਅਧਿਐਨ ਦਾ ਕਹਿਣਾ ਹੈ ਕਿ ਜ਼ਿਆਦਾ ਸ਼ਰਾਬ ਪੀਣ ਨਾਲ ਬੀਬੀਆਂ ਵਿਚ ਕੰਸੀਵ ਕਰਨ ਦੀ ਸਮਰੱਥਾ ਘੱਟ ਹੋ ਸਕਦੀ ਹੈ। ਉੱਥੇ ਇਸ ਕਾਰਨ ਉਹਨਾਂ ਨੂੰ ਗਰਭਵਤੀ ਹੋਣ ਮਗਰੋਂ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
- ਜ਼ਿਆਦਾ ਮਾਤਰਾ ਵਿਚ ਸ਼ਰਾਬ ਪੀਣ ਕਾਰਨ ਖੂਨ ਵਿਚ ਪ੍ਰੋਲੈਕਟੀਨ ਦੀ ਮਾਤਰਾ ਵੱਧ ਸਕਦੀ ਹੈ।

- ਪੀਰੀਅਡਸ ਸਾਈਕਲ ਅਨਿਯਮਿਤ ਹੋਣਾ ਜਾਂ ਐਮਨੋਰੀਆ।
- ਗਰਭ ਅਵਸਥਾ ਦੌਰਾਨ ਸ਼ਰਾਬ ਪੀਣ ਨਾਲ ਬੱਚੇ ਨੂੰ ਫੇਟਲ ਅਲਕੋਹਲ ਸਪੈਕਟ੍ਰਮ ਡਿਸ ਆਰਡਰ ਹੋ ਸਕਦਾ ਹੈ।

ਪੜ੍ਹੋ ਇਹ ਅਹਿਮ ਖਬਰ - ਆਯੁਰਵੇਦ ਦੇ ਇਹ 12 ਨੁਸਖੇ ਬਿਨਾਂ ਸਾਈਡ ਇਫੈਕਟ ਕਰਨਗੇ ਬੀਮਾਰੀਆਂ ਨੂੰ ਦੂਰ

ਇੰਝ ਵਧਾਓ ਜਣਨ ਸਮਰੱਥਾ
ਜਣਨ ਸਮਰੱਥਾ ਵਧਾਉਣ ਲਈ ਪੁਰਸ਼ ਅਤੇ ਬੀਬੀਆਂ ਸ਼ਰਾਬ, ਸਮੋਕਿੰਗ, ਤੰਬਾਕੂ ਦੀ ਵਰਤੋਂ ਛੱਡਣ ਅਤੇ ਲਾਈਫ ਸਟਾਈਲ ਵਿਚ ਤਬਦੀਲੀ ਲਿਆਉਣ। ਇਸ ਦੇ ਇਲਾਵਾ
- ਖੁਰਾਕ ਵਿਚ ਹਰੀਆਂ ਪੱਤੇਦਾਰ ਸਬਜ਼ੀਆਂ, ਮੌਸਮੀ ਫਲ, ਸਾਬਤ ਅਨਾਜ਼ ਦੀ ਵਰਤੋਂ ਕਰਨ।
- ਡਾਇਬੀਟੀਜ਼, ਹਾਈ ਬੀਪੀ, ਅਸਥਮਾ ਨੂੰ ਕੰਟਰੋਲ ਵਿਚ ਰੱਖਣ।
- ਵਜ਼ਨ ਨੂੰ ਕੰਟਰੋਲ ਵਿਚ ਰੱਖਣ ਕਿਉਂਕਿ ਇਸ ਨਾਲ ਵੀ ਸਿਹਤ 'ਤੇ ਅਸਰ ਪੈਂਦਾ ਹੈ।

ਜਾਣੋ ਕਦੋਂ ਨਹੀਂ ਪੀਣੀ ਚਾਹੀਦੀ ਸ਼ਰਾਬ
ਫੈਮਿਲੀ ਪਲਾਨਿੰਗ ਕਰ ਰਹੇ ਹੋ ਤਾਂ ਘੱਟੋ-ਘੱਟ 6 ਮਹੀਨੇ ਪਹਿਲਾਂ ਸ਼ਰਾਬ ਦੀ ਵਰਤੋਂ ਬਿਲਕੁੱਲ ਬੰਦ ਕਰ ਦਿਓ। ਇਸ ਨਾਲ ਸਪਰਮ ਕਾਊਂਟ ਵਧੇਗਾ ਅਤੇ ਬੱਚੇ ਦਾ ਦਿਲ ਵੀ ਸਿਹਤਮੰਦ ਰਹੇਗਾ। ਨਾਲ ਹੀ ਇਸ ਨਾਲ ਬੱਚਾ ਕਈ ਬੀਮਾਰੀਆਂ ਅਤੇ ਵਿਕਾਰਾਂ ਤੋਂ ਬਚਿਆ ਰਹੇਗਾ। ਇਸ ਦੇ ਇਲਾਵਾ ਬੀਬੀਆਂ ਗਰਭ ਅਵਸਥਾ ਵਿਚ ਭੁੱਲ ਕੇ ਵੀ ਸ਼ਰਾਬ ਨਾ ਪੀਣ। ਇਸ ਨਾਲ ਨਾ ਸਿਰਫ ਭਰੂਣ ਦੇ ਵਿਕਾਸ 'ਤੇ ਅਸਰ ਪੈਂਦਾ ਹੈ ਸਗੋਂ ਜਨਮ ਦੇ ਸਮੇਂ ਉਸ ਨੂੰ ਕਈ ਬੀਮਾਰੀਆਂ ਦਾ ਖਤਰਾ ਵੀ ਰਹਿੰਦਾ ਹੈ।