ਸਾਰਾ ਸਾਲ ਰੀਚਾਰਜ ਦੀ No Tension ! ਆ ਗਿਆ ਸਭ ਤੋਂ ਸਸਤਾ ਪਲਾਨ, ਅਨਲਿਮਟਿਡ ਕਾਲਿੰਗ, SMS ਤੇ...

ਗੈਜੇਟ ਡੈਸਕ- ਇਕ ਪਾਸੇ ਜਦੋਂ ਰੀਚਾਰਜ ਪਲਾਨ ਮਹਿੰਗੇ ਹੁੰਦੇ ਜਾ ਰਹੇ ਹਨ, ਉੱਥੇ ਹੀ ਏਅਰਟੈੱਲ ਨੇ ਆਪਣੇ ਗਾਹਕਾਂ ਲਈ ਸਭ ਤੋਂ ਸਸਤਾ ਸਾਲਾਨਾ ਪਲੈਨ ਲਾਂਚ ਕੀਤਾ ਹੈ। ਇਹ ਪਲਾਨ ਉਨ੍ਹਾਂ ਲੋਕਾਂ ਲਈ ਹੈ, ਜੋ ਘੱਟ ਖਰਚੇ 'ਚ ਪੂਰੇ ਸਾਲ ਲਈ ਆਪਣੀ ਸਿਮ ਚਾਲੂ ਰੱਖਣਾ ਚਾਹੁੰਦੇ ਹਨ ਅਤੇ ਜਿਨ੍ਹਾਂ ਨੂੰ ਇੰਟਰਨੈੱਟ ਨਾਲੋਂ ਕਾਲਿੰਗ ਦੀ ਲੋੜ ਜ਼ਿਆਦਾ ਹੁੰਦੀ ਹੈ।

ਇਹ ਰੀਚਾਰਜ ਪਲਾਨ 1,849 ਰੁਪਏ 'ਚ ਮਿਲਦਾ ਹੈ, ਜਿਸ 'ਚ 365 ਦਿਨ ਦੀ ਵੈਲਿਡਿਟੀ ਨਾਲ ਦੇਸ਼ ਦੇ ਹਰੇਕ ਨੈੱਟਵਰਕ 'ਤੇ ਅਨਲਿਮਟਿਡ ਕਾਲਿੰਗ ਤੇ ਪੂਰੇ ਸਾਲ ਲਈ ਕੁੱਲ 3,600 ਮੁਫ਼ਤ SMS ਮਿਲਦੇ ਹਨ। ਕਿਉਂਕਿ ਇਹ ਪਲਾਨ ਸਿਰਫ਼ ਕਾਲਿੰਗ ਤੇ ਆਪਣੀ ਸਿਮ ਨੂੰ ਪੂਰਾ ਸਾਲ ਚਾਲੂ ਰੱਖਣ ਵਾਲੇ ਲੋਕਾਂ ਲਈ ਲਾਂਚ ਕੀਤਾ ਗਿਆ ਹੈ, ਇਸ ਲਈ ਇਸ 'ਚ ਕੋਈ ਇੰਟਰਨੈੱਟ ਡਾਟਾ ਨਹੀਂ ਮਿਲਦਾ। ਇਸ ਦੇ ਨਾਲ-ਨਾਲ ਫ੍ਰੀ ਹੈਲੋ ਟਿਊਨਜ਼, ਐਡੋਬ ਐਕਸਪ੍ਰੈੱਸ ਪ੍ਰੀਮੀਅਮ ਦੀ 12 ਮਹੀਨਿਆਂ ਦੀ ਸਬਸਕ੍ਰਿਪਸ਼ਨ ਅਤੇ ਸਪੈਮ ਬਲਾਕਿੰਗ ਲਈ 'ਦ ਸੇਫ਼ ਨੈੱਟਵਰਕ' ਸਕਿਓਰਟੀ ਵੀ ਮਿਲਦੀ ਹੈ।

ਇਹ ਵੀ ਪੜ੍ਹੋ- 'ਬੇਵਕੂਫ਼ੀ ਭਰਿਆ ਕਦਮ' ; ISRO ਲਾਂਚ ਕੇਂਦਰਾਂ ਦੇ ਨਿੱਜੀਕਰਨ ਨੂੰ ਲੈ ਕੇ ਸਾਬਕਾ ਚੇਅਰਮੈਨ ਨੇ ਦਿੱਤੀ ਚਿਤਾਵਨੀ

ਕੰਪਨੀ ਨੇ ਇਸ ਦੇ ਨਾਲ-ਨਾਲ 1,999 ਰੁਪਏ 'ਚ 365 ਦਿਨਾਂ ਦੀ ਵੈਲਿਡਿਟੀ, ਅਨਲਿਮਟਿਡ ਕਾਲਿੰਗ, 100 SMS/ਦਿਨ ਅਤੇ ਪੂਰੇ ਸਾਲ ਲਈ 24GB ਕੁੱਲ ਡਾਟਾ ਵਾਲਾ ਪਲਾਨ ਵੀ ਲਾਂਚ ਕੀਤਾ ਹੈ। ਇਹ ਪਲਾਨ ਉਨ੍ਹਾਂ ਲੋਕਾਂ ਲਈ ਲਾਹੇਵੰਦ ਰਹੇਗਾ, ਜਿਨ੍ਹਾਂ ਨੂੰ ਕਾਲਿੰਗ ਦੇ ਨਾਲ-ਨਾਲ ਥੋੜ੍ਹਾ ਡਾਟਾ ਵੀ ਚਾਹੀਦਾ ਹੈ। 

ਇਸ ਤੋਂ ਇਲਾਵਾ 2,249 ਰੁਪਏ ਵਾਲਾ ਰੀਚਾਰਜ ਪਲਾਨ, ਜਿਸ 'ਚ 365 ਦਿਨਾਂ ਦੀ ਵੈਲਿਡਿਟੀ, ਅਨਲਿਮਟਿਡ ਕਾਲਿੰਗ ਅਤੇ ਪੂਰੇ ਸਾਲ ਲਈ 30GB ਕੁੱਲ ਡਾਟਾ ਮਿਲਦਾ ਹੈ, ਜਦਕਿ 3,599 ਤੇ 3,999 ਵਾਲੇ ਪਲਾਨ ਵੀ ਲਾਂਚ ਕੀਤੇ ਹਨ, ਜਿਨ੍ਹਾਂ 'ਚ 365 ਦਿਨਾਂ ਦੀ ਵੈਲਿਡਿਟੀ, ਅਨਲਿਮਟਿਡ ਕਾਲਿੰਗ ਨਾਲ 2GB ਤੇ 2.5GB ਰੋਜ਼ਾਨਾ ਡਾਟਾ ਅਤੇ ਅਨਲਿਮਟਿਡ 5G ਡਾਟਾ ਮਿਲਦਾ ਹੈ।

ਇਹ ਵੀ ਪੜ੍ਹੋ- ਹੁਣ ਛਿੜੇਗੀ Dollar vs Dollar ਦੀ ਜੰਗ ! US ਨੇ ਠੋਕਿਆ 50% ਟੈਰਿਫ਼, PM ਕਾਰਨੀ ਨੇ ਵੀ ਕਰ'ਤਾ ਵੱਡਾ ਐਲਾਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e