Xiaomi ਲਿਆ ਰਿਹਾ ਸਸਤਾ 5G ਫੋਨ Redmi 14C, ਪਾਵਰਫੁੱਲ ਪ੍ਰੋਸੈਸਰ ਨਾਲ ਮਿਲੇਗੀ 5160mAh ਦੀ ਬੈਟਰੀ

ਗੈਜੇਟ ਡੈਸਕ - Xiaomi ਦਾ ਸਬ-ਬ੍ਰਾਂਡ Redmi ਜਲਦ ਹੀ ਨਵਾਂ ਸਮਾਰਟਫੋਨ ਲਾਂਚ ਕਰਨ ਜਾ ਰਿਹਾ ਹੈ। Redmi ਨੇ ਹਾਲ ਹੀ 'ਚ ਆਪਣੀ Redmi Note 14 ਸੀਰੀਜ਼ ਲਾਂਚ ਕੀਤੀ ਹੈ। ਹੁਣ ਕੰਪਨੀ ਬਜਟ ਰੇਂਜ 'ਚ ਇਕ ਨਵਾਂ ਡਿਵਾਈਸ ਲਿਆ ਰਹੀ ਹੈ। ਬ੍ਰਾਂਡ ਨੇ ਇਸ ਡਿਵਾਈਸ ਨੂੰ ਟੀਜ਼ ਕੀਤਾ ਹੈ, ਜਿਸ ਨੂੰ ਜਨਵਰੀ 2025 'ਚ ਲਾਂਚ ਕੀਤਾ ਜਾਵੇਗਾ। ਅਸੀਂ ਗੱਲ ਕਰ ਰਹੇ ਹਾਂ Redmi 13C 5G ਦੇ ਸਕਸੈਸਰ ਭਾਵ Redmi 14C 5G ਦੀ ਕੰਪਨੀ ਨੇ ਇਸ ਫੋਨ ਨੂੰ ਟੀਜ਼ ਤਾਂ ਕੀਤਾ ਹੈ ਪਰ ਇਸ ਦੀ ਲਾਂਚ ਡੇਟ ਦੀ ਜਾਣਕਾਰੀ ਫਿਲਹਾਲ ਨਹੀਂ ਦਿੱਤੀ। ਰਿਪੋਰਟਾਂ ਦੀ ਮੰਨੀਏ ਤਾਂ ਇਹ ਫੋਨ ਚੀਨ ’ਚ ਲਾਂਚ ਹੋਏ Redmi 14R ਦਾ ਰੀਬ੍ਰਾਂਡਿਡ ਵਰਜ਼ਨ ਹੋਵੇਗਾ। ਆਓ ਜਾਣਦੇ ਹਾਂ ਇਸ ਫੋਨ ਨਾਲ ਜੁੜੀਆਂ ਖਾਸ ਗੱਲਾਂ।

Redmi 14C 5G ਦੀ ਲਾਂਚ ਡੇਟ
Redmi India ਨੇ ਆਪਣੇ ਆਉਣ ਵਾਲੇ 5G ਫੋਨ ਨੂੰ ਟੀਜ਼ ਕੀਤਾ ਹੈ। ਟੀਜ਼ਰ ਦੀ ਮੰਨੀਏ ਤਾਂ ਇਸ ਫੋਨ ਨੂੰ ਨਵੇਂ ਸਾਲ ਭਾਵ 2025 'ਚ ਲਾਂਚ ਕੀਤਾ ਜਾਵੇਗਾ। ਉਂਝ ਵੀ ਇਸ ਸਾਲ 'ਚ ਕੁਝ ਹੀ ਦਿਨ ਬਾਕੀ ਹਨ, ਇਸ ਲਈ ਹੁਣ ਕੋਈ ਵੀ ਫੋਨ ਲਾਂਚ ਕਰਨ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ। ਕੰਪਨੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਕ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ 'ਚ ਗਲੋਬਲ ਡੈਬਿਊ ਲਿਖਿਆ ਹੈ। ਇਸ ਦਾ ਮਤਲਬ ਹੈ ਕਿ ਇਸ ਫੋਨ ਨੂੰ ਭਾਰਤ ਤੋਂ ਇਲਾਵਾ ਹੋਰ ਬਾਜ਼ਾਰਾਂ 'ਚ ਵੀ ਲਾਂਚ ਕੀਤਾ ਜਾਵੇਗਾ।

ਹਾਲਾਂਕਿ ਕੰਪਨੀ ਨੇ ਫੋਨ ਦੀ ਲਾਂਚਿੰਗ ਡੇਟ ਅਤੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਹੈ। ਇੰਡਸਟਰੀ ਦੀਆਂ ਰਿਪੋਰਟਾਂ ਦੀ ਮੰਨੀਏ ਤਾਂ ਕੰਪਨੀ Redmi 14C 5G ਨੂੰ ਲਾਂਚ ਕਰਨ ਜਾ ਰਹੀ ਹੈ। Redmi ਵੱਲੋਂ ਸ਼ੇਅਰ ਕੀਤੇ ਗਏ ਪੋਸਟਰ ’ਚ, ਇਕ ਸਰਕੂਲਰ ਕੈਮਰਾ ਮੋਡਿਊਲ ਦਿਖਾਈ ਦੇ ਰਿਹਾ ਹੈ। ਇਸ ਦੇ ਡਿਜ਼ਾਈਨ ਕਾਰਨ ਇਸ ਨੂੰ Redmi 14C ਹੋਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ।

ਕੀ ਹੋਣਗੇ ਸਪੈਸੀਫਿਕੇਸ਼ਨਜ਼?
ਜੇਕਰ ਅਟਕਲਾਂ ਦੀ ਮੰਨੀਏ ਤਾਂ ਆਉਣ ਵਾਲਾ ਫ਼ੋਨ Redmi 14R 5G ਦਾ ਰੀਬ੍ਰਾਂਡਿਡ ਵਰਜ਼ਨ ਹੋਵੇਗਾ। ਜਦੋਂ ਤੋਂ ਇਹ ਫੋਨ ਚੀਨ 'ਚ ਲਾਂਚ ਹੋਇਆ ਹੈ, ਅਸੀਂ ਇਸ ਦੇ ਫੀਚਰਸ ਤੋਂ ਜਾਣੂ ਹਾਂ। ਹੈਂਡਸੈੱਟ ’ਚ 6.68-ਇੰਚ ਦੀ HD+ LCD ਸਕਰੀਨ ਹੋਵੇਗੀ, ਜੋ 600Nits ਦੀ ਪੀਕ ਬ੍ਰਾਈਟਨੈੱਸ ਨਾਲ ਆਵੇਗੀ। ਸਨੈਪਡ੍ਰੈਗਨ 4 ਜਨਰਲ 2 ਪ੍ਰੋਸੈਸਰ Redmi 14C 5G 'ਚ ਉਪਲਬਧ ਹੋਵੇਗਾ। ਸਮਾਰਟਫੋਨ 'ਚ 5160mAh ਦੀ ਬੈਟਰੀ ਦਿੱਤੀ ਜਾ ਸਕਦੀ ਹੈ, ਜੋ 18W ਚਾਰਜਿੰਗ ਨੂੰ ਸਪੋਰਟ ਕਰੇਗੀ। ਬ੍ਰਾਂਡ ਇਸ ਫੋਨ ਨੂੰ ਐਂਡਰਾਇਡ 14 ਆਧਾਰਿਤ ਹਾਈਪਰ ਓ.ਐੱਸ. ਨਾਲ ਲਾਂਚ ਕਰ ਸਕਦਾ ਹੈ। ਸਮਾਰਟਫੋਨ 'ਚ 50MP ਦਾ ਡਿਊਲ ਰਿਅਰ ਕੈਮਰਾ ਅਤੇ 5MP ਦਾ ਫਰੰਟ ਕੈਮਰਾ ਹੋਵੇਗਾ। ਸੁਰੱਖਿਆ ਲਈ ਸਾਈਡ ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਦਿੱਤਾ ਜਾਵੇਗਾ।