Folding iPhone ਕਦੋਂ ਹੋ ਰਿਹਾ ਲਾਂਚ? ਸਾਹਮਣੇ ਆਈ ਜਾਣਕਾਰੀ, ਕੀਮਤ ਜਾਣ ਉਡ ਜਾਣਗੇ ਹੋਸ਼

ਗੈਜੇਟ ਡੈਸਕ - ਐਪਲ ਫੋਲਡਿੰਗ ਫੋਨ 'ਤੇ ਕੰਮ ਕਰ ਰਿਹਾ ਹੈ। ਲੋਕ ਲੰਬੇ ਸਮੇਂ ਤੋਂ ਇਸ ਬਾਰੇ ਅੰਦਾਜ਼ੇ ਲਗਾ ਰਹੇ ਸਨ। ਹਾਲਾਂਕਿ, ਐਪਲ ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਫੋਲਡਿੰਗ ਫੋਨ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਹੈ। ਹੁਣ ਇੱਕ ਵਾਰ ਫਿਰ ਕੰਪਨੀ ਦੇ ਫੋਲਡਿੰਗ ਸਮਾਰਟਫੋਨ ਬਾਰੇ ਕੁਝ ਜਾਣਕਾਰੀ ਸਾਹਮਣੇ ਆਈ ਹੈ।

ਐਪਲ ਵਿਸ਼ਲੇਸ਼ਕ ਮਿੰਗ ਚੀ ਕੁਓ ਨੇ ਇਸ ਫੋਨ ਦੀ ਲਾਂਚ ਟਾਈਮਲਾਈਨ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਕੰਪਨੀ ਆਪਣਾ ਫੋਲਡਿੰਗ ਫੋਨ ਸਾਲ 2026 ਵਿੱਚ ਲਾਂਚ ਕਰ ਸਕਦੀ ਹੈ। ਜੇਕਰ ਮਿੰਗ ਚੀ ਕੁਓ ਦੀ ਮੰਨੀਏ ਤਾਂ ਕੰਪਨੀ ਇਸ ਸਾਲ ਦੀ ਤੀਜੀ ਤਿਮਾਹੀ ਵਿੱਚ ਫੋਲਡਿੰਗ ਆਈਫੋਨ ਦਾ ਪ੍ਰੋਡਕਸ਼ਨ ਸ਼ੁਰੂ ਕਰ ਸਕਦੀ ਹੈ।

ਅਸੀਂ ਹੁਣ ਤੱਕ ਕੀ ਜਾਣਦੇ ਹਾਂ?
ਐਪਲ ਅਗਲੇ ਸਾਲ ਦੇ ਪ੍ਰੋਗਰਾਮ ਵਿੱਚ ਆਪਣਾ ਫੋਲਡਿੰਗ ਫੋਨ ਲਾਂਚ ਕਰ ਸਕਦਾ ਹੈ। ਯਾਨੀ ਕਿ ਕੰਪਨੀ ਸਤੰਬਰ ਵਿੱਚ ਹੋਣ ਵਾਲੇ ਪ੍ਰੋਗਰਾਮ ਵਿੱਚ ਆਪਣੇ ਫੋਲਡਿੰਗ ਫੋਨ ਇੰਟਰੋਡਿਉਸ ਕਰ ਸਕਦੀ ਹੈ। ਬ੍ਰਾਂਡ ਆਈਫੋਨ ਫੋਲਡ ਨੂੰ ਆਈਫੋਨ 18 ਸੀਰੀਜ਼ ਦੇ ਨਾਲ ਲਾਂਚ ਕਰ ਸਕਦਾ ਹੈ।

ਮਿੰਗ ਚੀ ਕੁਓ ਦਾ ਅੰਦਾਜ਼ਾ ਹੈ ਕਿ ਐਪਲ ਕਾਨਟ੍ਰੈਕਟਰ ਫੌਕਸਕੌਨ 2025 ਦੀ ਤੀਜੀ ਜਾਂ ਚੌਥੀ ਤਿਮਾਹੀ ਵਿੱਚ ਇਸ ਸਮਾਰਟਫੋਨ ਦਾ ਉਤਪਾਦਨ ਕਰ ਸਕਦਾ ਹੈ। ਯਾਨੀ ਜੇਕਰ ਕੰਪਨੀ ਇਸ ਸਾਲ ਆਪਣੇ ਫੋਨ ਦਾ ਪ੍ਰੋਡਕਸ਼ਨ ਸ਼ੁਰੂ ਕਰਦੀ ਹੈ, ਤਾਂ ਹੀ ਉਹ ਅਗਲੇ ਸਾਲ ਇਸਨੂੰ ਲਾਂਚ ਕਰ ਸਕੇਗੀ। ਮਿੰਗ ਦਾ ਕਹਿਣਾ ਹੈ ਕਿ ਕੰਪਨੀ ਨੇ ਅਜੇ ਵੀ ਇਸ ਨੂੰ ਅੰਤਿਮ ਰੂਪ ਨਹੀਂ ਦਿੱਤਾ ਹੈ।

ਕਿੰਨੀ ਹੋ ਸਕਦੀ ਹੈ ਕੀਮਤ ?
ਇਹ ਕਿਸੇ ਵੀ ਫੋਲਡਿੰਗ ਫੋਨ ਲਈ ਇੱਕ ਵੱਡਾ ਪੁਆਇੰਟ ਹੈ। ਇਹ ਫੈਸਲਾ ਕਰੇਗਾ ਕਿ ਕੰਪਨੀ ਕਿਸ ਤਰ੍ਹਾਂ ਦਾ ਫੋਲਡਿੰਗ ਫੋਨ ਬਣਾਉਣਾ ਚਾਹੁੰਦੀ ਹੈ। ਹਾਲਾਂਕਿ, ਕੰਪਨੀ ਨੇ ਫੋਲਡਿੰਗ ਡਿਸਪਲੇਅ ਨੂੰ ਅੰਤਿਮ ਰੂਪ ਦੇ ਦਿੱਤਾ ਹੈ। ਇਹ ਡਿਸਪਲੇਅ ਸੈਮਸੰਗ ਦਾ ਹੋਵੇਗਾ। ਰਿਪੋਰਟਾਂ ਅਨੁਸਾਰ, ਐਪਲ ਨੇ 1.5 ਤੋਂ 2 ਕਰੋੜ ਫੋਲਡੇਬਲ ਆਈਫੋਨ ਲਈ ਆਰਡਰ ਦਿੱਤਾ ਹੈ।

ਇਹਨਾਂ ਵਿੱਚੋਂ ਕੁਝ ਆਰਡਰ 2027 ਅਤੇ 2028 ਦੇ ਸਾਲਾਂ ਲਈ ਹਨ। ਜੇਕਰ ਰਿਪੋਰਟਾਂ 'ਤੇ ਵਿਸ਼ਵਾਸ ਕੀਤਾ ਜਾਵੇ ਤਾਂ ਇਸ ਫੋਨ ਦੀ ਕੀਮਤ $2000 ਤੋਂ $2500 (ਭਾਵ 1.73 ਲੱਖ ਰੁਪਏ ਤੋਂ 2.16 ਲੱਖ ਰੁਪਏ) ਦੇ ਵਿਚਕਾਰ ਹੋ ਸਕਦੀ ਹੈ। ਜੇਕਰ ਪਿਛਲੇ ਲੀਕ 'ਤੇ ਵਿਸ਼ਵਾਸ ਕੀਤਾ ਜਾਵੇ ਤਾਂ ਕੰਪਨੀ ਇੱਕ ਬੁੱਕ ਸਟਾਈਲ ਫੋਨ 'ਤੇ ਕੰਮ ਕਰ ਰਹੀ ਹੈ, ਜੋ ਕਿ ਜ਼ੀਰੋ ਕ੍ਰੀਜ਼ ਦੇ ਨਾਲ ਆਵੇਗਾ। ਇਸਦਾ ਅੰਦਰੂਨੀ ਡਿਸਪਲੇਅ 7.8-ਇੰਚ ਹੋਵੇਗਾ। ਜਦੋਂ ਕਿ ਬਾਹਰੀ ਡਿਸਪਲੇਅ 5.8-ਇੰਚ ਹੋਵੇਗਾ।