ਇਸ ਫੋਨ ਦਾ ਕਰਦੇ ਹੋ ਇਸਤੇਮਾਲ ਤਾਂ ਬੰਦ ਹੋ ਜਾਵੇਗਾ WhatsApp! ਜਾਣੋ ਕਾਰਨ

ਗੈਜੇਟ ਡੈਸਕ - ਅੱਜ ਦੁਨੀਆ 'ਚ WhatsApp ਸਭ ਤੋਂ ਵੱਧ ਵਰਤਿਆ ਜਾਣ ਵਾਲਾ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਹੈ। ਜੇਕਰ ਤੁਸੀਂ ਵੀ WhatsApp ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖਬਰ ਤੁਹਾਡੇ ਲਈ ਕਾਫਈ ਮਹੱਤਵਪੂਰਨ ਸਾਬਤ ਹੋ ਸਕਦੀ ਹੈ। ਦੱਸਣਯੋਗ ਹੈ ਕਿ ਅੱਪਡੇਟ ਕੀਤੇ ਸਾਫਟਵੇਅਰ ਜ਼ਰੂਰਤਾਂ ਦੇ ਕਾਰਨ WhatsApp ਨੇ ਬਹੁਤ ਸਾਰੇ ਪੁਰਾਣੇ ਸਮਾਰਟਫੋਨਾਂ 'ਤੇ ਕੰਮ ਕਰਨਾ ਬੰਦ ਕਰ ਦਿੱਤਾ ਹੈ। ਹਾਲਾਂਕਿ ਮੈਟਾ ਦੀ ਮਲਕੀਅਤ ਵਾਲੇ ਮੈਸੇਜਿੰਗ ਪਲੇਟਫਾਰਮ ਨੇ ਆਪਣੇ ਘੱਟੋ-ਘੱਟ ਓਪਰੇਟਿੰਗ ਸਿਸਟਮ ਸਟੈਂਡਰਡ ਨੂੰ ਵਧਾ ਦਿੱਤਾ ਹੈ, ਜੋ ਉਨ੍ਹਾਂ ਡਿਵਾਈਸਾਂ ਲਈ ਸਮਰਥਨ ਬੰਦ ਕਰ ਦੇਵੇਗਾ ਜੋ ਨਵੇਂ ਸਟੈਂਡਰਡ ਨੂੰ ਪੂਰਾ ਨਹੀਂ ਕਰ ਸਕਦੇ। ਆਓ ਜਾਣਦੇ ਹਾਂ ਕਿ ਕਿਹੜੇ ਡਿਵਾਈਸ ਹੁਣ WhatsApp ਦਾ ਸਮਰਥਨ ਨਹੀਂ ਕਰ ਸਕਣਗੇ।

ਜੇਕਰ ਯੂਜ਼ਰਸ WhatsApp ਦੀ ਵਰਤੋਂ ਕਰਨਾ ਚਾਹੁੰਦੇ ਹਨ, ਤਾਂ iPhone ਲਈ ਉਨ੍ਹਾਂ ਨੂੰ iOS 15.1 ਜਾਂ ਇਸ ਤੋਂ ਬਾਅਦ ਵਾਲੇ ਵਰਜਨ 'ਤੇ ਅੱਪਡੇਟ ਕਰਨਾ ਪਵੇਗਾ, ਜਦੋਂ ਕਿ Android ਲਈ ਉਨ੍ਹਾਂ ਨੂੰ Android 5.1 ਜਾਂ ਇਸ ਤੋਂ ਬਾਅਦ ਵਾਲੇ ਵਰਜਨ 'ਤੇ ਅੱਪਡੇਟ ਕਰਨਾ ਪਵੇਗਾ। ਪੁਰਾਣੇ ਸਿਸਟਮਾਂ 'ਤੇ ਚੱਲ ਰਹੇ ਡਿਵਾਈਸਾਂ ਹੁਣ WhatsApp ਦੇ ਮੈਸੇਜਿੰਗ ਅਤੇ ਕਾਲਿੰਗ ਫੀਚਰਜ਼ ਦੀ ਵਰਤੋਂ ਨਹੀਂ ਕਰ ਸਕਣਗੇ। 

ਜਿਹੜੇ ਆਈਫੋਨ WhatsApp ਦਾ ਸਮਰਥਨ ਕਰਨਾ ਬੰਦ ਕਰ ਦੇਣਗੇ ਉਨ੍ਹਾਂ ਵਿਚ iPhone 5s, iPhone 6 ਅਤੇ iPhone 6 Plus ਸ਼ਾਮਲ ਹਨ। ਹਾਲਾਂਕਿ, iPhone 6s, 6s Plus ਅਤੇ SE (ਪਹਿਲੀ ਪੀੜ੍ਹੀ) ਅਜੇ ਵੀ ਅਨੁਕੂਲ ਹਨ ਕਿਉਂਕਿ ਉਨ੍ਹਾਂ ਨੂੰ ਅਜੇ ਵੀ ਅਪਡੇਟ ਕੀਤਾ ਜਾ ਸਕਦਾ ਹੈ। Android ਯੂਜ਼ਰਸ ਲਈ, Samsung Galaxy S4, Galaxy Note 3, Sony Xperia Z1, LG G2, Huawei Ascend P6, Moto G (ਪਹਿਲੀ ਪੀੜ੍ਹੀ) ਅਤੇ HTC One X ਵਰਗੇ ਡਿਵਾਈਸ WhatsApp ਦਾ ਸਮਰਥਨ ਨਹੀਂ ਕਰਨਗੇ। Android 5.0 ਜਾਂ ਇਸ ਤੋਂ ਪਹਿਲਾਂ ਵਾਲੇ ਵਰਜਨ 'ਤੇ ਚੱਲ ਰਿਹਾ ਕੋਈ ਵੀ ਫੋਨ ਪ੍ਰਭਾਵਿਤ ਹੋਵੇਗਾ।
 
ਇਸ ਤਰੀਕੇ ਨਾਲ ਚੈੱਕ ਕਰੋ ਆਪ੍ਰੇਟਿੰਗ ਸਿਸਟਮ 
ਆਈਫੋਨ ਲਈ, ਯੂਜ਼ਰਸ ਨੂੰ ਪਹਿਲਾਂ ਸੈਟਿੰਗਾਂ, ਫਿਰ ਜਨਰਲ ਅਤੇ ਫਿਰ ਜਾਣਕਾਰੀ ਵਿਚ ਜਾਣਾ ਪਵੇਗਾ ਅਤੇ ਫਿਰ iOS ਵਰਜਨ ਦੀ ਜਾਂਚ ਕਰਨੀ ਪਵੇਗੀ। ਐਂਡਰਾਇਡ ਫੋਨਾਂ ਲਈ, ਯੂਜ਼ਰਸ ਨੂੰ ਪਹਿਲਾਂ ਸੈਟਿੰਗਾਂ, ਫਿਰ ਫੋਨ ਬਾਰੇ ਅਤੇ ਐਂਡਰਾਇਡ ਵਰਜਨ ਦੀ ਜਾਂਚ ਕਰਨੀ ਪਵੇਗੀ। WhatsApp ਵਰਗੀਆਂ ਐਪਾਂ ਨਾਲ ਅਨੁਕੂਲਤਾ ਦੀ ਜਾਂਚ ਕਰਨ ਲਈ ਆਪਣੀ ਡਿਵਾਈਸ ਦੇ OS ਵਰਜਨ ਦੀ ਜਾਂਚ ਕਰਨਾ ਬਹੁਤ ਮਹੱਤਵਪੂਰਨ ਹੈ, ਕਿਉਂਕਿ ਅਜਿਹੇ ਪਲੇਟਫਾਰਮ ਆਪਣੀਆਂ ਘੱਟੋ-ਘੱਟ ਸਿਸਟਮ ਜ਼ਰੂਰਤਾਂ ਨੂੰ ਲਗਾਤਾਰ ਅਪਡੇਟ ਕਰਦੇ ਰਹਿੰਦੇ ਹਨ। ਜੇਕਰ ਤੁਸੀਂ ਬਿਨਾਂ ਕਿਸੇ ਰੁਕਾਵਟ ਦੇ WhatsApp ਦੀ ਵਰਤੋਂ ਜਾਰੀ ਰੱਖਣਾ ਚਾਹੁੰਦੇ ਹੋ, ਤਾਂ ਡਿਵਾਈਸ ਨੂੰ ਅਪਗ੍ਰੇਡ ਕਰੋ ਜਾਂ ਇਕ ਨਵਾਂ ਡਿਵਾਈਸ ਖਰੀਦੋ।
 
ਇਨ੍ਹਾਂ ਡਿਵਾਇਸਾਂ 'ਚ ਨਹੀਂ ਚੱਲੇਗਾ WhatsApp 
WhatsApp ਆਪਣੀ ਨਿਯਮਤ ਸਿਸਟਮ ਸਮੀਖਿਆ ਦੇ ਹਿੱਸੇ ਵਜੋਂ ਕੁਝ ਪੁਰਾਣੇ ਫੋਨਾਂ ਲਈ ਸਮਰਥਨ ਖਤਮ ਕਰ ਰਿਹਾ ਹੈ। ਮੈਟਾ ਦੇ ਅਨੁਸਾਰ, ਹਰ ਸਾਲ ਉਹ ਜਾਂਚ ਕਰਦੇ ਹਨ ਕਿ ਕਿਹੜੇ ਡਿਵਾਈਸ ਅਤੇ ਓਪਰੇਟਿੰਗ ਸਿਸਟਮ ਪੁਰਾਣੇ ਹਨ, ਘੱਟ ਸਰਗਰਮ ਯੂਜ਼ਰਸ ਹਨ, ਜ਼ਰੂਰੀ ਸੁਰੱਖਿਆ ਅਪਡੇਟਾਂ ਦੀ ਘਾਟ ਹੈ, ਜਾਂ ਹੁਣ ਮਹੱਤਵਪੂਰਨ ਐਪ ਫੀਚਰਜ਼ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਨ੍ਹਾਂ ਡਿਵਾਈਸਾਂ ਲਈ ਸਮਰਥਨ ਖਤਮ ਕਰਕੇ, WhatsApp ਮੌਜੂਦਾ ਪਲੇਟਫਾਰਮਾਂ 'ਤੇ ਯੂਜ਼ਰਸ ਲਈ ਪ੍ਰਦਰਸ਼ਨ, ਸੁਰੱਖਿਆ ਅਤੇ ਨਵੇਂ ਫੀਚਰਜ਼ ਨੂੰ ਬਿਹਤਰ ਬਣਾਉਣ 'ਤੇ ਧਿਆਨ ਕੇਂਦਰਿਤ ਕਰ ਸਕਦਾ ਹੈ।