WhatsApp ਯੂਜ਼ਰਸ ਦੀਆਂ ਲੱਗੀਆਂ ਮੌਜਾਂ! ਆ ਰਹੇ 2 ਨਵੇਂ ਧਾਕੜ Feature

ਗੈਜੇਟ ਡੈਸਕ - ਵਟਸਐਪ ਨੂੰ ਜਲਦੀ ਹੀ ਦੋ ਨਵੇਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਫੀਚਰ ਮਿਲ ਸਕਦੇ ਹਨ, ਜੋ ਇਸ ਨੂੰ ਵਰਤਣਾ ਹੋਰ ਵੀ ਆਸਾਨ ਅਤੇ ਮਜ਼ੇਦਾਰ ਬਣਾ ਦੇਣਗੇ। ਵਟਸਐਪ ਦੀ ਮਾਲਕ ਮੇਟਾ ਕੰਪਨੀ ਆਪਣੇ ਸਾਰੇ ਐਪਸ ’ਚ AI ਫੀਚਰ ਲਿਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਇਹ ਨਵੇਂ ਫੀਚਰ ਉਸੇ ਦਾ ਹਿੱਸਾ ਹਨ। ਇਹ ਫੀਚਰ ਯੂਜ਼ਰਸ ਲਈ ਬਹੁਤ ਫਾਇਦੇਮੰਦ ਸਾਬਤ ਹੋ ਸਕਦੇ ਹਨ। ਆਓ ਅਸੀਂ ਤੁਹਾਨੂੰ ਇਨ੍ਹਾਂ ਫੀਚਰਸ ਬਾਰੇ ਵਿਸਥਾਰ ’ਚ ਦੱਸਦੇ ਹਾਂ।

WABetaInfo ਦੇ ਅਨੁਸਾਰ, WhatsApp 'ਤੇ ਆਉਣ ਵਾਲੇ ਦੋ ਨਵੇਂ ਫੀਚਰਾਂ ’ਚੋਂ ਪਹਿਲਾ ਹੈ Message Summarization। ਮੰਨ ਲਓ ਕਿ ਤੁਹਾਨੂੰ ਇਕ ਗਰੁੱਪ ਚੈਟ ’ਚ ਬਹੁਤ ਸਾਰੇ ਮੈਸੇਜਿਸ ਮਿਲੇ ਹਨ ਅਤੇ ਤੁਹਾਡੇ ਕੋਲ ਉਨ੍ਹਾਂ ਨੂੰ ਪੜ੍ਹਨ ਦਾ ਸਮਾਂ ਨਹੀਂ ਹੈ। ਤਾਂ ਇਹ ਫੀਚਰ ਉਨ੍ਹਾਂ ਸਾਰੇ ਮੈਸੇਜਾਂ ਦਾ ਇਕ ਛੋਟਾ ਜਿਹਾ ਸਾਰ ਬਣਾਏਗਾ ਅਤੇ ਤੁਹਾਨੂੰ ਦੱਸੇਗਾ ਕਿ ਗੱਲਬਾਤ ਵਿੱਚ ਮੁੱਖ ਨੁਕਤੇ ਕੀ ਹਨ। ਇਸਦੇ ਲਈ, ਤੁਹਾਨੂੰ ਸਿਰਫ਼ ਇਕ ਬਟਨ ਦਬਾਉਣਾ ਹੋਵੇਗਾ, ਜਿਸਦਾ ਨਾਮ 'Summarize with Meta AI' ਹੋਵੇਗਾ। ਇਹ ਫੀਚਰ ਇਸ ਸਮੇਂ WhatsApp ਦੇ ਐਂਡਰਾਇਡ ਐਪ ਲਈ ਵਿਕਸਤ ਕੀਤਾ ਜਾ ਰਿਹਾ ਹੈ।

ਮੇਟਾ ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਫੀਚਰ ਨਾਲ ਤੁਹਾਡੀ ਚੈਟ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਨਾਲ ਸੁਰੱਖਿਅਤ ਹੋਵੇਗੀ। ਯਾਨੀ ਕਿ AI ਸਿਰਫ਼ ਮੈਸੇਜ ਦਾ ਸਾਰ ਬਣਾਏਗਾ ਪਰ ਕੋਈ ਹੋਰ ਤੁਹਾਡੀ ਨਿੱਜੀ ਗੱਲਬਾਤ ਨੂੰ ਪੜ੍ਹ ਨਹੀਂ ਸਕੇਗਾ। ਇਹ ਫੀਚਰ ਇਸ ਸਮੇਂ ਵਿਕਾਸ ਦੇ ਪੜਾਅ ’ਚ ਹੈ। ਇਹ ਜਲਦੀ ਹੀ ਐਪ ਦੇ ਅਪਡੇਟ ’ਚ ਆ ਸਕਦਾ ਹੈ, ਹਾਲਾਂਕਿ ਇਸ ਦੀ ਮਿਤੀ ਫਿਲਹਾਲ ਤੈਅ ਨਹੀਂ ਹੈ। 

ਦੂਜਾ ਫੀਚਰ AI-ਪਾਵਰਡ ਵਾਲਪੇਪਰ ਜਨਰੇਟਰ ਹੈ। ਇਸ ਫੀਚਰ ਦੀ ਮਦਦ ਨਾਲ, ਤੁਸੀਂ AI ਦੁਆਰਾ ਬਣਾਏ ਗਏ ਵਾਲਪੇਪਰ ਪ੍ਰਾਪਤ ਕਰ ਸਕੋਗੇ। ਹੁਣ ਤੁਸੀਂ ਆਪਣੀ ਚੈਟ ਦੇ ਬੈਕਗ੍ਰਾਊਂਡ ਲਈ ਆਪਣੀ ਪਸੰਦ ਦੇ ਵਾਲਪੇਪਰ ਬਣਾ ਸਕੋਗੇ, ਉਹ ਵੀ AI ਦੀ ਮਦਦ ਨਾਲ। ਵਾਲਪੇਪਰ ਸੈਟਿੰਗਾਂ ’ਚ ਇਕ ਨਵਾਂ ਵਿਕਲਪ 'Create with AI' ਦਿਖਾਈ ਦੇਵੇਗਾ। ਇਸ 'ਤੇ ਕਲਿੱਕ ਕਰਕੇ, ਤੁਸੀਂ ਉਹ ਵਾਲਪੇਪਰ ਲਿਖ ਸਕੋਗੇ ਜੋ ਤੁਸੀਂ ਚਾਹੁੰਦੇ ਹੋ ਅਤੇ AI ਨੂੰ ਇਸ ਬਾਰੇ ਦੱਸ ਸਕੋਗੇ। ਤੁਹਾਡੇ ਦੁਆਰਾ ਲਿਖੇ ਗਏ ਵੇਰਵੇ ਦੇ ਆਧਾਰ 'ਤੇ, AI ਤੁਹਾਨੂੰ ਉਸ ਕਿਸਮ ਦੇ ਬਹੁਤ ਸਾਰੇ ਵਾਲਪੇਪਰ ਬਣਾਏਗਾ ਅਤੇ ਦਿਖਾਏਗਾ।

ਤੁਸੀਂ ਆਪਣੀ ਪਸੰਦ ਅਨੁਸਾਰ ਉਸ ਵਾਲਪੇਪਰ ’ਚ ਹੋਰ ਬਦਲਾਅ ਕਰ ਸਕੋਗੇ ਜਾਂ ਇਕ ਨਵਾਂ ਬਣਾਉਣ ਲਈ ਕਹਿ ਸਕੋਗੇ। ਇਸਦਾ ਉਦੇਸ਼ ਤੁਹਾਡੀ ਚੈਟ ਨੂੰ ਤੁਹਾਡੀ ਪਸੰਦ ਅਨੁਸਾਰ ਹੋਰ ਵੀ ਵਧੀਆ ਬਣਾਉਣਾ ਹੈ। ਇਹ ਫੀਚਰ ਵੀ ਇਸ ਸਮੇਂ ਵਿਕਾਸ ਦੇ ਪੜਾਅ ’ਚ ਹੈ।