64MP ਕੈਮਰੇ ਨਾਲ Vivo ਦਾ ਨਵਾਂ ਸਮਾਰਟਫੋਨ ਲਾਂਚ, ਜਾਣੋ ਕੀਮਤ ਤੇ ਫੀਚਰਜ਼
Wednesday, Aug 11, 2021 - 11:56 AM (IST)
ਗੈਜੇਟ ਡੈਸਕ– ਵੀਵੋ ਨੇ ਆਖਿਰਕਾਰ ਆਪਣੇ ਨਵੇਂ Y53s ਸਮਾਰਟਫੋਨ ਨੂੰ ਭਾਰਤ ’ਚ ਲਾਂਚ ਕਰ ਦਿੱਤਾ ਹੈ। ਇਸ ਨੂੰ ਕੰਪਨੀ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਨਾਲ ਲੈ ਕੇ ਆਈ ਹੈ ਜਿਸ ਵਿਚ ਮੇਨ ਕੈਮਰਾ 64 ਮੈਗਾਪਿਕਸਲ ਦਾ ਹੈ। ਇਸ ਤੋਂ ਇਲਾਵਾ ਫੋਨ ’ਚ 128 ਜੀ.ਬੀ. ਦੀ ਇੰਟਰਨਲ ਸਟੋਰੇਜ ਅਤੇ ਫਾਸਟ ਚਾਰਜਿੰਗ ਦੀ ਸੁਪੋਰਟ ਦਿੱਤੀ ਗਈ ਹੈ।
ਕੀਮਤ
ਕੀਮਤ ਦੀ ਗੱਲ ਕਰੀਏ ਤਾਂ ਇਸ ਨੂੰ 8 ਜੀ.ਬੀ. ਰੈਮ ਅਤੇ 128 ਜੀ.ਬੀ. ਸਟੋਰੇਜ ਨਾਲ ਲਿਆਇਆ ਗਿਆ ਹੈ ਜਿਸ ਦੀ ਕੀਮਤ 19,490 ਰੁਪਏ ਹੈ। ਗਾਹਕ ਇਸ ਫੋਨ ਨੂੰ ਡੀਪ ਸੀ ਬਲਿਊ ਅਤੇ ਫੈਂਟਾਸਟਿਕ ਰੈਂਬੋ ਕਲਰ ਆਪਸ਼ਨ ’ਚ ਖਰੀਦ ਸਕਦੇ ਹਨ। ਇਸ ਫੋਨ ਦੀ ਵਿਕਰੀ ਐਮੇਜ਼ਾਨ, ਪੇਟੀਐੱਮ, ਟਾਟਾ ਕਲਿੱਕ ਅਤੇ ਵੀਵੋ ਦੇ ਆਨਲਾਈਨ ਸਟੋਰ ’ਤੇ ਸ਼ੁਰੂ ਹੋ ਗਈ ਹੈ।
ਲਾਂਚ ਆਫਰ
Vivo Y53s ਨੂੰ HDFC ਬੈਂਕ ਦੇ ਕਾਰਡ ਰਾਹੀਂ ਖਰੀਦਣ ’ਤੇ 1,500 ਰੁਪਏ ਦਾ ਕੈਸ਼ਬੈਕ ਮਿਲੇਗਾ। Vivo Y53s ਦਾ ਮੁਕਾਬਲਾ ਭਾਰਤੀ ਬਾਜ਼ਾਰ ’ਚ ਰੈੱਡਮੀ ਨੋਟ 10 ਪ੍ਰੋ ਮੈਕਸ ਅਤੇ ਸੈਮਸੰਗ ਗਲੈਕਸੀ M51 ਵਰਗੇ ਸਮਾਰਟਫੋਨਾਂ ਨਾਲ ਹੋਵੇਗਾ।
Vivo Y53s ਦੇ ਫੀਚਰਜ਼
ਡਿਸਪਲੇਅ - 6.58 ਇੰਚ ਦੀ ਫੁਲ-ਐੱਚ.ਡੀ. ਪਲੱਸ, (1080x2400 ਪਿਕਸਲ ਰੈਜ਼ੋਲਿਊਸ਼ਨ), ਰਿਫ੍ਰੈਸ਼ ਰੇਟ 60Hz
ਪ੍ਰੋਸੈਸਰ - ਮੀਡੀਆਟੈੱਕ ਹੀਲਿਓ ਜੀ80
ਸਟੋਰੇਜ - 128GB
ਰੈਮ - 8GB
ਓ.ਐੱਸ. - ਐਂਡਰਾਇਡ 11 ’ਤੇ ਆਧਾਰਿਤ Funtouch OS 11.1
ਰੀਅਰ ਕੈਮਰਾ - 64MP+2MP+2MP
ਫਰੰਟ ਕੈਮਰਾ - 16MP
ਬੈਟਰੀ - 5,000mAh (33 ਵਾਟ ਦੀ ਫਾਸਟ ਚਾਰਜਿੰਗ)
ਕੁਨੈਕਟੀਵਿਟੀ - 4G LTE, ਡਿਊਲ ਬੈਂਡ ਵਾਈ-ਫਾਈ, ਬਲੂਟੁੱਥ v5, GPS ਅਤੇ ਯੂ.ਐੱਸ.ਬੀ. ਟਾਈਪ-ਸੀ ਪੋਰਟ
