50MP ਕੈਮਰੇ ਨਾਲ ਲਾਂਚ ਹੋ ਰਿਹਾ Redmi ਦਾ ਇਹ ਸ਼ਾਨਦਾਰ Smartphone!

ਗੈਜੇਟ ਡੈਸਕ - ਰੈੱਡਮੀ ਜਲਦੀ ਹੀ ਆਪਣੀ ਕੇ-ਸੀਰੀਜ਼ ਦੇ ਤਹਿਤ ਇਕ ਸ਼ਕਤੀਸ਼ਾਲੀ ਸਮਾਰਟਫੋਨ ਲਾਂਚ ਕਰਨ ਦੀ ਤਿਆਰੀ ’ਚ ਹੈ। ਇਸ ਦੇ ਤਹਿਤ ਆਉਣ ਵਾਲਾ ਰੈੱਡਮੀ ਕੇ80 ਅਲਟਰਾ ਚੀਨ ਦੀ 3ਸੀ ਸਰਟੀਫਿਕੇਸ਼ਨ ਵੈੱਬਸਾਈਟ 'ਤੇ ਦੇਖਿਆ ਜਾ ਸਕਦਾ ਹੈ। ਜਿਸ ਨੇ ਇਸ ਦੀਆਂ ਬੈਟਰੀ ਚਾਰਜਿੰਗ ਫੀਚਰਜ਼ ਦਾ ਖੁਲਾਸਾ ਵੀ ਕੀਤਾ ਹੈ। ਤੁਹਾਨੂੰ ਇਙ ਦੱਸਣਾ ਜ਼ਰੂਰੀ ਹੈ ਕਿ ਇਹ ਫੋਨ ਪਿਛਲੇ ਸਾਲ ਲਾਂਚ ਕੀਤੇ ਗਏ ਰੈੱਡਮੀ ਕੇ70 ਅਲਟਰਾ ਦਾ ਉੱਤਰਾਧਿਕਾਰੀ ਹੋਵੇਗਾ। ਇਸਦੀ ਸੂਚੀ ਤੋਂ, ਇਹ ਜਾਪਦਾ ਹੈ ਕਿ ਇਸ ਦਾ ਅਧਿਕਾਰਤ ਲਾਂਚ ਬਹੁਤ ਦੂਰ ਨਹੀਂ ਹੈ। ਆਓ ਜਾਣਦੇ ਹਾਂ ਫੋਨ ਦੇ ਸਪੈਸੀਫਿਕੇਸ਼ਨ ਤੇ ਫੀਚਰਜ਼ ਬਾਰੇ।

Redmi K80 Ultra ਨੂੰ ਮਾਡਲ ਨੰਬਰ 25060RK16C ਦੇ ਨਾਲ 3C ਸਰਟੀਫਿਕੇਸ਼ਨ ’ਚ ਸੂਚੀਬੱਧ ਕੀਤਾ ਗਿਆ ਹੈ। ਇਸ ਸੂਚੀ ਤੋਂ ਪਤਾ ਲੱਗਾ ਹੈ ਕਿ ਇਹ ਫੋਨ 120W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰੇਗਾ। ਹਾਲਾਂਕਿ, ਸਰਟੀਫਿਕੇਸ਼ਨ ਦਸਤਾਵੇਜ਼ ’ਚ ਫੋਨ ਦੀਆਂ ਹੋਰ ਕੋਈ ਫੀਚਰਜ਼ ਸ਼ਾਮਲ ਨਹੀਂ ਹਨ। ਇਹ ਡਿਵਾਈਸ ਚੀਨ ਦੀ MIIT ਸਰਟੀਫਿਕੇਸ਼ਨ ਸਾਈਟ 'ਤੇ ਵੀ ਦੇਖੀ ਗਈ ਸੀ, ਜਿਸ ਨੇ ਇਸਦੀ ਬੈਟਰੀ ਸਮਰੱਥਾ ਦਾ ਖੁਲਾਸਾ ਕੀਤਾ ਸੀ।

ਮਿਲੀ ਜਾਣਕਾਰੀ ਅਨੁਸਾਰ ਡਿਵਾਈਸ ’ਚ 7,270mAh ਦੀ ਰੇਟ ਕੀਤੀ ਬੈਟਰੀ ਹੋਵੇਗੀ, ਜਿਸ ਦੀ ਆਮ ਸਮਰੱਥਾ ਲਗਭਗ 7,500mAh ਮੰਨੀ ਜਾਂਦੀ ਹੈ। ਇਸ ਸਮੇਂ, Redmi ਦੁਆਰਾ ਇਸ ਡਿਵਾਈਸ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਗਿਆ ਹੈ ਪਰ ਲਗਾਤਾਰ ਲੀਕ ਅਤੇ ਸਰਟੀਫਿਕੇਸ਼ਨ ਲਿਸਟਿੰਗ ਇਸ ਗੱਲ ਦੀ ਪੁਸ਼ਟੀ ਕਰ ਰਹੇ ਹਨ ਕਿ ਕੰਪਨੀ ਜਲਦੀ ਹੀ ਇਸ ਸ਼ਕਤੀਸ਼ਾਲੀ ਸਮਾਰਟਫੋਨ ਨੂੰ ਪੇਸ਼ ਕਰ ਸਕਦੀ ਹੈ।

ਕੀ ਹਨ ਸਪੈਸੀਫਿਕੇਸ਼ਨਜ਼?
ਇਸ ਫੋਨ ’ਚ 6.83-ਇੰਚ ਦੀ LTPS OLED ਸਕ੍ਰੀਨ ਹੋ ਸਕਦੀ ਹੈ, ਜੋ 1.5K ਰੈਜ਼ੋਲਿਊਸ਼ਨ ਨੂੰ ਸਪੋਰਟ ਕਰ ਸਕਦੀ ਹੈ। ਇਸ ਦੌਰਾਨ ਕੈਮਰੇ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਇਸ ’ਚ ਵੀ ਜ਼ੋਰਦਾਰ ਤਿਆਰੀਆਂ ਕਰ ਰਿਹਾ ਹੈ। ਇਹ ਖੁਲਾਸਾ ਹੋਇਆ ਹੈ ਕਿ ਡਿਵਾਈਸ ’ਚ 50MP ਪ੍ਰਾਇਮਰੀ ਕੈਮਰਾ ਸੈਂਸਰ ਅਤੇ ਇੱਕ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੋ ਸਕਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ Redmi K80 Ultra ਪਹਿਲਾਂ ਲਾਂਚ ਕੀਤੇ ਗਏ Redmi K70 Ultra ਦਾ ਇੱਕ ਅਪਗ੍ਰੇਡ ਕੀਤਾ ਵਰਜਨ ਹੋਵੇਗਾ ਜੋ ਜੁਲਾਈ 2023 ’ਚ ਲਾਂਚ ਕੀਤਾ ਗਿਆ ਸੀ। K70 Ultra ਵਿੱਚ 120W ਚਾਰਜਿੰਗ ਅਤੇ ਸ਼ਕਤੀਸ਼ਾਲੀ ਪ੍ਰੋਸੈਸਰ ਦੇ ਨਾਲ ਉੱਚ-ਅੰਤ ਦੇ ਫੀਚਰਜ਼ ਸਨ। ਇਸ ਦੇ ਨਾਲ ਹੀ, ਹੁਣ K80 Ultra ’ਚ ਵੱਡੀ ਬੈਟਰੀ, ਉਹੀ ਚਾਰਜਿੰਗ ਸਪੀਡ ਅਤੇ ਸੰਭਾਵਤ ਤੌਰ 'ਤੇ ਬਿਹਤਰ ਡਿਸਪਲੇਅ ਅਤੇ ਕੈਮਰਾ ਸੈੱਟਅਪ ਹੋਣ ਦੀ ਉਮੀਦ ਹੈ। ਇਹ ਫੋਨ ਸਿਰਫ ਚੀਨ ’ਚ ਲਾਂਚ ਕੀਤਾ ਜਾਵੇਗਾ ਪਰ ਉਮੀਦ ਹੈ ਕਿ ਇਸਦਾ ਗਲੋਬਲ ਵਰਜਨ ਵੀ ਸਾਲ ਦੇ ਅੰਤ ਤੱਕ ਦੇਖਿਆ ਜਾ ਸਕਦਾ ਹੈ।