ਲਾਂਚ ਹੋਣ ਵਾਲਾ ਹੈ OnePlus ਦਾ ਧਾਕੜ ਫੋਨ ! 200MP ਹੋਵੇਗਾ ਕੈਮਰਾ ਤੇ 9,000mAh ਦੀ ਹੋਵੇਗੀ ਬੈਟਰੀ

ਗੈਜੇਟ ਡੈਸਕ - OnePlus ਜਲਦੀ ਹੀ ਆਪਣਾ ਅਗਲਾ ਫਲੈਗਸ਼ਿਪ ਸਮਾਰਟਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ, ਜਿਸਨੂੰ ਕੰਪਨੀ OnePlus 16 ਕਹਿ ਸਕਦੀ ਹੈ। ਰਿਪੋਰਟਾਂ ਦੇ ਅਨੁਸਾਰ, ਕੰਪਨੀ ਇਸ ਫੋਨ ਨੂੰ ਅਕਤੂਬਰ ਦੇ ਸ਼ੁਰੂ 'ਚ ਚੀਨ 'ਚ ਲਾਂਚ ਕਰ ਸਕਦੀ ਹੈ। ਇਸ ਦੌਰਾਨ ਇਸ ਡਿਵਾਈਸ ਦੇ ਕਈ ਫਈਚਰਜ਼ ਇਸਦੇ ਲਾਂਚ ਤੋਂ ਪਹਿਲਾਂ ਹੀ ਸਾਹਮਣੇ ਆ ਚੁੱਕੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਮਸ਼ਹੂਰ ਟਿਪਸਟਰ ਡਿਜੀਟਲ ਚੈਟ ਸਟੇਸ਼ਨ ਨੇ ਵੀ OnePlus 16 ਦੇ ਕੁਝ ਕੈਮਰਾ ਸਪੈਸੀਫਿਕੇਸ਼ਨਾਂ ਦਾ ਖੁਲਾਸਾ ਕੀਤਾ ਹੈ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਕੰਪਨੀ ਕੈਮਰਾ ਵਿਭਾਗ 'ਚ ਇਕ ਵੱਡੇ ਅਪਗ੍ਰੇਡ ਲਈ ਤਿਆਰੀ ਕਰ ਰਹੀ ਹੈ।

ਆਉਣ ਵਾਲੇ OnePlus 16 'ਚ 200-ਮੈਗਾਪਿਕਸਲ ਪ੍ਰਾਇਮਰੀ ਕੈਮਰਾ ਹੋਣ ਦੀ ਉਮੀਦ ਹੈ। ਫੋਨ 'ਚ 1/1.4-ਇੰਚ ਸੈਂਸਰ ਹੋਣ ਦੀ ਉਮੀਦ ਹੈ, ਜੋ ਬਿਹਤਰ ਵੇਰਵੇ ਅਤੇ ਫੋਟੋ ਗੁਣਵੱਤਾ ਦੀ ਪੇਸ਼ਕਸ਼ ਕਰ ਸਕਦਾ ਹੈ। ਰਿਪੋਰਟਾਂ ਇਹ ਵੀ ਸੁਝਾਅ ਦਿੰਦੀਆਂ ਹਨ ਕਿ OnePlus 16 ਇਸ ਸਬ-ਸੀਰੀਜ਼ ਦਾ ਪਹਿਲਾ ਡਿਵਾਈਸ ਹੋ ਸਕਦਾ ਹੈ ਜਿਸ 'ਚ ਇੰਨਾ ਵੱਡਾ 200MP ਕੈਮਰਾ ਸੈਂਸਰ ਹੈ।

ਫੋਨ ਦੇ ਰੀਅਰ ਕੈਮਰਾ ਸੈੱਟਅੱਪ 'ਚ 50MP 3x ਪੈਰੀਸਕੋਪ ਟੈਲੀਫੋਟੋ ਕੈਮਰਾ ਵੀ ਸ਼ਾਮਲ ਹੋ ਸਕਦਾ ਹੈ। ਡਿਵਾਈਸ 'ਚ 1/1.95-ਇੰਚ ਸੋਨੀ ਸੈਂਸਰ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਇਕ ਨਵਾਂ 50MP ਅਲਟਰਾਵਾਈਡ ਕੈਮਰਾ ਵੀ ਸੰਭਵ ਹੈ, ਭਾਵ ਫੋਨ 'ਚ ਸਟੈਂਡਰਡ ਫੋਟੋਗ੍ਰਾਫੀ, ਆਪਟੀਕਲ ਜ਼ੂਮ ਅਤੇ ਵਾਈਡ-ਐਂਗਲ ਸ਼ਾਟ ਲਈ ਇਕ ਟ੍ਰਿਪਲ ਕੈਮਰਾ ਸੈੱਟਅੱਪ ਹੋ ਸਕਦਾ ਹੈ। ਇਸ ਵਾਰ ਫੋਨ ਦੇ ਸੈਲਫੀ ਕੈਮਰੇ 'ਚ ਵੀ ਵੱਡਾ ਅਪਗ੍ਰੇਡ ਹੋ ਸਕਦਾ ਹੈ। ਰਿਪੋਰਟਾਂ ਦੇ ਅਨੁਸਾਰ, OnePlus 16 'ਚ ਆਟੋਫੋਕਸ ਸਪੋਰਟ ਦੇ ਨਾਲ 50MP ਫਰੰਟ ਕੈਮਰਾ ਹੋ ਸਕਦਾ ਹੈ। ਇਹ ਸੈਲਫੀ ਨੂੰ ਹੋਰ ਵੀ ਤਿੱਖਾ ਅਤੇ ਬਿਹਤਰ ਫੋਕਸ ਵਾਲਾ ਬਣਾਵੇਗਾ।

ਕੁਝ ਰਿਪੋਰਟਾਂ ਨੇ ਫੋਨ ਦੀਆਂ ਸੰਭਾਵਿਤ ਫੀਚਰਜ਼ ਦਾ ਵੀ ਖੁਲਾਸਾ ਕੀਤਾ ਹੈ, ਜਿਸ ਤੋਂ ਪਤਾ ਚੱਲਦਾ ਹੈ ਕਿ OnePlus 16 'ਚ ਲੇਟੈਸਟ Snapdragon 8 Elite Gen 6 Pro ਪ੍ਰੋਸੈਸਰ ਹੋ ਸਕਦਾ ਹੈ। ਇਸ ਫੋਨ 'ਚ 9,000mAh ਦੀ ਵੱਡੀ ਬੈਟਰੀ, 100W ਵਾਇਰਡ ਅਤੇ 50W ਵਾਇਰਲੈੱਸ ਚਾਰਜਿੰਗ ਸਪੋਰਟ ਹੋਣ ਦੀ ਉਮੀਦ ਹੈ। ਫੋਨ 'ਚ ਇਕ ਅਲਟਰਾਸੋਨਿਕ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ, ਐਂਡਰਾਇਡ 17-ਅਧਾਰਿਤ ਕਲਰਓਐਸ 17, ਡਿਊਲ ਸਪੀਕਰ, ਇੱਕ ਐਕਸ-ਐਕਸਿਸ ਵਾਈਬ੍ਰੇਸ਼ਨ ਮੋਟਰ ਅਤੇ ਇਕ IP68/IP69 ਰੇਟਿੰਗ ਹੋਣ ਦੀ ਉਮੀਦ ਹੈ। 

ਇਸ ਵਾਰ, ਡਿਵਾਈਸ 'ਚ ਇਕ ਨਵੀਂ ਪੀੜ੍ਹੀ ਦਾ BOE ਓਰੀਐਂਟੇਸ਼ਨ ਡਿਸਪਲੇਅ ਵੀ ਹੋ ਸਕਦਾ ਹੈ। ਫੋਨ 'ਚ 165Hz ਰਿਫਰੈਸ਼ ਰੇਟ ਹੋਣ ਦੀ ਉਮੀਦ ਹੈ, ਜਦੋਂ ਕਿ ਸਮਰਥਿਤ ਗੇਮਾਂ 185Hz ਤੱਕ ਪਹੁੰਚ ਸਕਦੀਆਂ ਹਨ। ਡਿਸਪਲੇਅ OnePlus ਅਤੇ BOE ਦੁਆਰਾ ਸਾਂਝੇ ਤੌਰ 'ਤੇ ਵਿਕਸਤ ਕੀਤੇ X4 ਰੋਸ਼ਨੀ-ਨਿਸਰਣ ਵਾਲੇ ਪਦਾਰਥ ਦੀ ਵਰਤੋਂ ਕਰ ਸਕਦਾ ਹੈ।