Mobile users ਦੀ ਲਾਟਰੀ ਲੱਗੀ! ਹੁਣ ਬਿਨਾਂ ਨੈੱਟਵਰਕ ਸਿਗਨਲ ਦੇ ਵੀ ਚੱਲੇਗੀ ਕਾਲਿੰਗ, ਜਾਣੋ ਕਿਵੇਂ

ਗੈਜੇਟ ਡੈਸਕ - ਸਰਕਾਰੀ ਟੈਲੀਕਾਮ ਕੰਪਨੀ BSNL (ਭਾਰਤ ਸੰਚਾਰ ਨਿਗਮ ਲਿਮਟਿਡ) ਆਪਣੇ ਗਾਹਕਾਂ ਲਈ ਇਕ ਅਜਿਹੀ ਸਹੂਲਤ ਲੈ ਕੇ ਆਈ ਹੈ, ਜਿਸ ਨਾਲ ਹੁਣ ਨੈੱਟਵਰਕ ਦੀ ਸਮੱਸਿਆ ਖ਼ਤਮ ਹੋ ਜਾਵੇਗੀ। BSNL ਨੇ ਦੇਸ਼ ਭਰ 'ਚ ਆਪਣੀ VoWiFi (Voice over Wi-Fi) ਸੇਵਾ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਰਾਹੀਂ ਯੂਜ਼ਰਸ ਮੋਬਾਈਲ ਨੈੱਟਵਰਕ ਨਾ ਹੋਣ ਜਾਂ ਘੱਟ ਹੋਣ 'ਤੇ ਵੀ ਆਸਾਨੀ ਨਾਲ ਕਾਲਿੰਗ ਅਤੇ ਮੈਸੇਜਿੰਗ ਕਰ ਸਕਣਗੇ।

ਕੀ ਹੈ BSNL VoWiFi ਸੇਵਾ?
ਇਹ ਸੇਵਾ ਯੂਜ਼ਰਸ ਨੂੰ ਵਾਈ-ਫਾਈ ਨੈੱਟਵਰਕ ਦੀ ਮਦਦ ਨਾਲ ਕਾਲ ਕਰਨ ਦੀ ਸਹੂਲਤ ਦਿੰਦੀ ਹੈ। ਜੇਕਰ ਤੁਸੀਂ ਕਿਸੇ ਅਜਿਹੀ ਜਗ੍ਹਾ 'ਤੇ ਹੋ ਜਿੱਥੇ ਮੋਬਾਈਲ ਸਿਗਨਲ ਕਮਜ਼ੋਰ ਹਨ, ਪਰ ਉੱਥੇ ਵਾਈ-ਫਾਈ ਉਪਲਬਧ ਹੈ, ਤਾਂ ਤੁਹਾਡਾ ਫੋਨ ਉਸੇ ਵਾਈ-ਫਾਈ ਦੀ ਵਰਤੋਂ ਕਰਕੇ ਕਾਲਾਂ ਨੂੰ ਕਨੈਕਟ ਕਰ ਦੇਵੇਗਾ। ਇਹ ਸੇਵਾ ਭਾਰਤ ਦੇ ਸਾਰੇ ਟੈਲੀਕਾਮ ਸਰਕਲਾਂ 'ਚ ਉਪਲਬਧ ਕਰਵਾਈ ਗਈ ਹੈ।

ਨਵਾਂ ਸਿਮ ਕਾਰਡ ਲੈਣਾ ਹੋਵੇਗਾ ਜ਼ਰੂਰੀ
ਇਸ ਸੇਵਾ ਦਾ ਲਾਭ ਲੈਣ ਲਈ ਯੂਜ਼ਰਸ ਕੋਲ BSNL ਦਾ 5G ਰੈਡੀ ਸਿਮ ਕਾਰਡ ਹੋਣਾ ਲਾਜ਼ਮੀ ਹੈ। ਜੇਕਰ ਤੁਹਾਡੇ ਕੋਲ ਪੁਰਾਣਾ ਸਿਮ ਹੈ, ਤਾਂ ਤੁਸੀਂ ਇਸਨੂੰ ਕੰਪਨੀ ਦੇ ਨਜ਼ਦੀਕੀ ਸੈਂਟਰ ਤੋਂ ਬਿਲਕੁਲ ਮੁਫ਼ਤ 'ਚ ਬਦਲਵਾ ਕੇ ਨਵਾਂ 4G/5G ਸਿਮ ਲੈ ਸਕਦੇ ਹੋ।

ਫੋਨ 'ਚ ਕਿਵੇਂ ਚਾਲੂ ਕਰੀਏ ਇਹ ਸੈਟਿੰਗ?
BSNL ਦੀ ਇਸ ਸੇਵਾ ਨੂੰ ਆਪਣੇ ਐਂਡਰਾਇਡ ਸਮਾਰਟਫੋਨ 'ਚ ਐਕਟੀਵੇਟ ਕਰਨਾ ਬਹੁਤ ਆਸਾਨ ਹੈ :-

- ਸਭ ਤੋਂ ਪਹਿਲਾਂ ਆਪਣੇ ਫੋਨ ਦੀ Settings 'ਚ ਜਾਓ।
- ਇੱਥੇ Network & Internet ਦੇ ਵਿਕਲਪ ਨੂੰ ਚੁਣੋ।
- ਫਿਰ BSNL ਸਿਮ ਵਾਲੇ ਆਪਸ਼ਨ 'ਤੇ ਟੈਪ ਕਰੋ।
- ਹੇਠਾਂ ਸਕ੍ਰੋਲ ਕਰਨ 'ਤੇ ਤੁਹਾਨੂੰ WiFi Calling ਦਾ ਵਿਕਲਪ ਦਿਖਾਈ ਦੇਵੇਗਾ, ਉਸ 'ਤੇ ਕਲਿੱਕ ਕਰੋ।
- ਹੁਣ Use WiFi Calling ਨੂੰ ਇਨੇਬਲ (On) ਕਰ ਦਿਓ।

ਇਸ ਤੋਂ ਇਲਾਵਾ, BSNL ਆਪਣੇ ਨੈੱਟਵਰਕ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਦੇਸ਼ ਭਰ 'ਚ 1 ਲੱਖ ਨਵੇਂ 4G/5G ਮੋਬਾਈਲ ਟਾਵਰ ਲਗਾ ਰਹੀ ਹੈ, ਜਿਸ 'ਚੋਂ ਲਗਭਗ 1 ਲੱਖ ਟਾਵਰ ਪਿਛਲੇ ਸਾਲ ਪਹਿਲਾਂ ਹੀ ਲਗਾਏ ਜਾ ਚੁੱਕੇ ਹਨ।