WhatsApp 'ਤੇ ਕਿਵੇਂ ਮਿਲਦੈ Blue tick? ਇਨ੍ਹਾਂ ਲੋਕਾਂ ਨੂੰ ਮਿਲੇਗੀ ਸਹੂਲਤ

ਗੈਜੇਟ ਡੈਸਕ - ਕੀ ਤੁਸੀਂ ਜਾਣਦੇ ਹੋ ਕਿ ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ 'ਤੇ ਵੀ ਬਲੂ ਟਿੱਕ ਉਪਲਬਧ ਹੈ? ਅਤੇ ਇਹ ਬਲੂ ਟਿੱਕ ਕਿਸ ਚੀਜ਼ ਨੂੰ ਦਰਸਾਉਂਦਾ ਹੈ ਤਾਂ ਆਓ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ। ਤੁਹਾਨੂੰ ਦੱਸ ਦਈਏ ਕਿ ਵਟਸਐਪ 'ਤੇ ਬਲੂ ਟਿੱਕ ਉਦੋਂ ਮਿਲਦਾ ਹੈ ਜਦੋਂ ਉਸ ਵਿਅਕਤੀ ਦਾ ਅਕਾਊਂਟ ਵੈਰੀਫਾਈ ਕੀਤਾ ਜਾਂਦਾ ਹੈ। ਆਓ ਅੱਜ ਅਸੀਂ ਤੁਹਾਨੂੰ ਇਸ ਬਾਰੇ ਜਾਣਕਾਰੀ ਦੇਵਾਂਗੇ ਕਿ ਵਟਸਐਪ 'ਤੇ ਬਲੂ ਟਿਕ ਕਿਸ ਨੂੰ ਮਿਲਦਾ ਹੈ ਅਤੇ ਇਸ ਨੂੰ ਕਿਵੇਂ ਪ੍ਰਾਪਤ ਕਰਨਾ ਹੈ? ਤੁਸੀਂ ਦੇਖਿਆ ਹੋਵੇਗਾ ਕਿ ਫੇਸਬੁੱਕ, ਐਕਸ ਅਤੇ ਇੰਸਟਾਗ੍ਰਾਮ ਵਰਗੇ ਮਸ਼ਹੂਰ ਪਲੇਟਫਾਰਮਾਂ 'ਤੇ ਲੋਕਾਂ ਨੇ ਬਲੂ ਟਿਕ ਪ੍ਰਾਪਤ ਕੀਤਾ ਹੈ, ਪਰ ਵਟਸਐਪ 'ਤੇ ਬਲੂ ਟਿਕ ਲਈ ਸ਼ਰਤਾਂ ਦੂਜੇ ਪਲੇਟਫਾਰਮਾਂ ਦੇ ਮੁਕਾਬਲੇ ਥੋੜ੍ਹੀਆਂ ਵੱਖਰੀਆਂ ਹਨ।

ਇਨ੍ਹਾਂ ਲੋਕਾਂ ਨੂੰ ਮਿਲੇਗਾ Blue tick
ਦੱਸਣਯੋਗ ਹੈ ਕਿ ਬਲੂ ਟਿੱਕ ਕਿਵੇਂ ਪ੍ਰਾਪਤ ਕਰਨਾ ਹੈ, ਇਸ ਤੋਂ ਵੀ ਵੱਧ ਮਹੱਤਵਪੂਰਨ ਗੱਲ ਇਹ ਹੈ ਕਿ ਕਿ ਇਹ ਕਿਸ ਨੂੰ ਮਿਲਦਾ ਹੈ। ਵਟਸਐਪ ਬਲੂ ਟਿੱਕ ਦੀ ਸਹੂਲਤ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਪ੍ਰਦਾਨ ਕਰਦਾ ਹੈ ਜਿਨ੍ਹਾਂ ਕੋਲ ਕਾਰੋਬਾਰੀ ਖਾਤੇ ਹਨ। ਵੈਰੀਫਾਈਡ ਬੈਜ ਦਾ ਮਤਲਬ ਹੈ ਕਿ ਵਟਸਐਪ 'ਤੇ ਗਤੀਵਿਧੀ ਅਤੇ ਪ੍ਰਦਾਨ ਕੀਤੇ ਗਏ ਦਸਤਾਵੇਜ਼ਾਂ ਦੇ ਆਧਾਰ 'ਤੇ ਖਾਤੇ ਦੀ ਤਸਦੀਕ ਕੀਤੀ ਗਈ ਹੈ। ਮੈਟਾ ਵੈਰੀਫਾਈਡ ਇਕ ਭੁਗਤਾਨ ਕੀਤਾ ਮਾਸਿਕ ਸਬਸਕ੍ਰਿਪਸ਼ਨ ਹੈ ਜੋ ਪ੍ਰਮਾਣਿਤ ਬੈਜ, ਖਾਤਾ ਸਹਾਇਤਾ, ਖਾਤਾ ਸੁਰੱਖਿਆ ਵਰਗੇ ਕਈ ਫੀਚਰਜ਼ ਦੇ ਨਾਲ ਆਉਂਦਾ ਹੈ ਅਤੇ ਇਹ ਵੈਰੀਫਾਈਡ ਬੈਜ ਕਿੱਥੇ ਦਿਸਦਾ ਹੈ ਆਓ ਜਾਣਦੇ ਹਾਂ...
ਕਾਲ ਟੈਬ
ਕਾਰੋਬਾਰੀ ਪ੍ਰੋਫਾਈਲ
ਕਾਂਟੈਕਸਟ ਕਾਰਡ
ਚੈਟ
ਪ੍ਰਮਾਣਿਤ ਕਾਰੋਬਾਰਾਂ ਤੋਂ ਆਉਣ ਵਾਲੀਆਂ ਕਾਲਾਂ ਦੌਰਾਨ

ਅਪਲਾਈ ਕਰਨ ਦਾ ਕੀ ਹੈ ਤਰੀਕਾ :-
ਸਭ ਤੋਂ ਪਹਿਲਾਂ ਤੁਸੀਂ WhatsApp Business ਐਪ ਖੋਲ੍ਹੋ। ਐਂਡਰਾਇਡ ਯੂਜ਼ਰਸ ਸੱਜੇ ਪਾਸੇ ਦਿਖਾਈ ਦੇਣ ਵਾਲੇ ਤਿੰਨ ਬਿੰਦੀਆਂ 'ਤੇ ਕਲਿੱਕ ਕਰੋ, ਫਿਰ ਸੈਟਿੰਗਜ਼ 'ਤੇ ਟੈਪ ਕਰੋ। ਜਦੋਂ ਕਿ, iOS ਯੂਜ਼ਰਸ ਸਕ੍ਰੀਨ ਦੇ ਹੇਠਾਂ ਸੱਜੇ ਪਾਸੇ ਸੈਟਿੰਗਜ਼ ਟੈਬ ਦੇਖਣਗੇ। ਫਿਰ ਇਸ ਤੋਂ ਬਾਅਦ, ਟੂਲਸ 'ਤੇ ਜਾਓ ਅਤੇ Meta Verified 'ਤੇ ਕਲਿੱਕ ਕਰੋ। Meta Verified ਆਪਸ਼ਨ ਚੁਣਨ ਤੋਂ ਬਾਅਦ, ਸਬਸਕ੍ਰਿਪਸ਼ਨ ਪੈਕੇਜ ਚੁਣੋ ਅਤੇ ਫਿਰ ਭੁਗਤਾਨ ਕਰੋ।

ਇਨ੍ਹਾਂ ਤਿੰਨਾਂ ਸਵਾਲਾਂ ਦੇ ਜਵਾਬ ਜਾਣਨ ਤੋਂ ਬਾਅਦ - ਇਹ ਕਿਸਨੂੰ ਮਿਲੇਗਾ, ਇਹ ਕਿਵੇਂ ਉਪਲਬਧ ਹੋਵੇਗਾ, ਇਹ ਕਿੱਥੇ ਦਿਖਾਈ ਦੇਵੇਗਾ - ਤੁਹਾਨੂੰ ਇਹ ਸਵਾਲ ਪਤਾ ਹੋਣਾ ਚਾਹੀਦਾ ਹੈ ਕਿ ਤੁਹਾਨੂੰ ਬਲੂ ਟਿੱਕ ਲਈ ਕਿੰਨੇ ਪੈਸੇ ਦੇਣੇ ਪੈਣਗੇ। ਇਕ ਰਿਪੋਰਟ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਤੁਹਾਨੂੰ ਬਲੂ ਟਿੱਕ ਲਈ 639 ਰੁਪਏ ਤੋਂ ਲੈ ਕੇ 18900 ਰੁਪਏ ਤੱਕ ਦੇਣੇ ਪੈ ਸਕਦੇ ਹਨ, ਇਹ ਇਸ ਲਈ ਹੈ ਕਿਉਂਕਿ ਬਲੂ ਟਿੱਕ ਲਈ ਵੱਖ-ਵੱਖ ਪੈਕੇਜ ਉਪਲਬਧ ਹਨ।