iPhone users ਲਈ ਵੱਡੀ ਖਬਰ! ਮਿਲ ਰਿਹਾ ਇਹ ਖਾਸ Features

ਗੈਜੇਟ ਡੈਸਕ - ਜੇਕਰ ਤੁਸੀਂ ਆਈਫੋਨ ਯੂਜ਼ਰ ਹੋ, ਤਾਂ ਇਹ ਖਬਰ ਤੁਹਾਡੇ ਲਈ ਹੈ। ਐਪਲ iOS 26 'ਚ ਕੁਝ ਨਵੇਂ ਅਤੇ ਸਮਾਰਟ ਫੀਚਰ ਲਿਆਉਣ ਜਾ ਰਿਹਾ ਹੈ, ਜੋ ਨਾ ਸਿਰਫ਼ ਤੁਹਾਡੀ ਬੈਟਰੀ ਨੂੰ ਲੰਬੇ ਸਮੇਂ ਤੱਕ ਚੱਲਣ ਵਿਚ ਮਦਦ ਕਰਨਗੇ, ਸਗੋਂ ਤੁਹਾਨੂੰ ਇਸ ਬਾਰੇ ਵੀ ਸਹੀ ਜਾਣਕਾਰੀ ਦੇਣਗੇ ਕਿ ਤੁਹਾਡੇ ਫੋਨ ਨੂੰ ਚਾਰਜ ਹੋਣ ਵਿਚ ਕਿੰਨਾ ਸਮਾਂ ਲੱਗੇਗਾ। iOS 26 ਵਿਚ ਲਿਕਵਿਡ ਗਲਾਸ ਡਿਜ਼ਾਈਨ ਹੈ। ਇਹ ਇਕ ਬਿਲਕੁਲ ਨਵਾਂ ਅਤੇ ਆਧੁਨਿਕ ਇੰਟਰਫੇਸ ਹੋਵੇਗਾ ਤੇ ਇਸ ਦੇ ਨਾਲ ਹੀ ਤੁਹਾਨੂੰ ਬਿਹਤਰ ਪ੍ਰਾਇਵੇਸੀ ਸੈਟਿੰਗਾਂ ਅਤੇ ਕਈ ਫੀਚਰਜ਼ ਮਿਲਣਗੇ ਜੋ ਆਈਫੋਨ ਨੂੰ ਤੇਜ਼ ਅਤੇ ਨਿਰਵਿਘਨ ਬਣਾਉਂਦੇ ਹਨ।

ਜ਼ਿਕਰਯੋਗ ਹੈ ਕਿ ਬੈਟਰੀ ਸੇਵਰ ਦਾ ਇਕ ਨਵਾਂ ਸਟਾਈਲ ਹੈ। ਇਸ ਅਪਡੇਟ ਵਿਚ ਇਕ ਨਵਾਂ ਅਡੈਪਟਿਵ ਪਾਵਰ ਮੋਡ ਵੀ ਆ ਰਿਹਾ ਹੈ, ਜਿਸ ਨੂੰ ਯੂਜ਼ਰਸ ਮੈਨੂਅਲੀ ਚਾਲੂ ਕਰ ਸਕਦੇ ਹਨ। ਇਹ ਤੁਹਾਡੇ ਆਈਫੋਨ ਦੇ ਬੈਟਰੀ ਵਰਤੋਂ ਪੈਟਰਨ ਨੂੰ ਸਮਝੇਗਾ। ਇਹ ਉਸ ਅਨੁਸਾਰ ਬੈਕਗ੍ਰਾਊਂਡ ਪ੍ਰਕਿਰਿਆਵਾਂ ਨੂੰ ਕੰਟਰੋਲ ਕਰੇਗਾ। ਇਸ ਤੋਂ ਇਲਾਵਾ, ਇਹ ਬੈਟਰੀ ਪ੍ਰਦਰਸ਼ਨ ਨੂੰ ਅਨੁਕੂਲ ਬਣਾਏਗਾ। ਇਹ ਸਮਾਰਟ ਤਰੀਕਾ ਬੈਟਰੀ ਬਚਾਏਗਾ ਅਤੇ ਫੋਨ ਦੀ ਪ੍ਰਦਰਸ਼ਨ ਵੀ ਬਰਕਰਾਰ ਰਹੇਗੀ।

ਫੀਚਰ ਨੂੰ ਵਰਤਣ ਦਾ ਤਰੀਕਾ :-

ਜਿਵੇਂ ਹੀ ਤੁਸੀਂ ਆਪਣੇ ਆਈਫੋਨ ਨੂੰ ਚਾਰਜ 'ਤੇ ਲਗਾਉਂਦੇ ਹੋ, ਲਾਕ ਸਕ੍ਰੀਨ ਬੈਟਰੀ ਪ੍ਰਤੀਸ਼ਤ ਦੇ ਨਾਲ-ਨਾਲ ਸਮੇਂ ਦਿਖਾਏਗੀ। ਅਡੈਪਟਿਵ ਪਾਵਰ ਮੋਡ ਨੂੰ ਚਾਲੂ ਕਰਨ ਨਾਲ ਬੈਟਰੀ ਦੀ ਸਿਹਤ ਅਤੇ ਚਾਰਜਿੰਗ ਸਮੇਂ ਦਾ ਬਿਹਤਰ ਪ੍ਰਬੰਧਨ ਹੋਵੇਗਾ। iOS 26 ਅਪਡੇਟ ਵਿਚ, ਜਦੋਂ ਤੁਸੀਂ ਆਪਣੇ ਆਈਫੋਨ ਨੂੰ ਚਾਰਜ 'ਤੇ ਲਗਾਉਂਦੇ ਹੋ, ਤਾਂ ਲਾਕ ਸਕ੍ਰੀਨ ਬੈਟਰੀ ਪ੍ਰਤੀਸ਼ਤ ਦੇ ਅੱਗੇ ਇਹ ਵੀ ਦਿਖਾਏਗੀ ਕਿ ਇਸ ਨੂੰ 80% ਚਾਰਜ ਹੋਣ ਵਿਚ ਕਿੰਨਾ ਸਮਾਂ ਲੱਗੇਗਾ। ਇਹ ਛੋਟੀ ਜਿਹੀ ਜਾਣਕਾਰੀ ਯੂਜ਼ਰਸ ਲਈ ਇਕ ਵੱਡੀ ਸਹੂਲਤ ਬਣ ਸਕਦੀ ਹੈ, ਖਾਸ ਕਰਕੇ ਜਦੋਂ ਤੁਸੀਂ ਜਲਦੀ ਵਿਚ ਹੋ ਅਤੇ ਜਾਣਨਾ ਚਾਹੁੰਦੇ ਹੋ ਕਿ ਫ਼ੋਨ ਨੂੰ ਚਾਰਜ ਹੋਣ ਵਿਚ ਕਿੰਨਾ ਸਮਾਂ ਲੱਗੇਗਾ।