ਧੋਖੇ ਅਤੇ ਚਾਲਬਾਜ਼ੀਆਂ ਨਾਲ ਭਰੀ ਰਿਐਲਿਟੀ ਸੀਰੀਜ਼ ‘ਦਿ ਟ੍ਰੇਟਰਜ਼’ ਦਾ ਟ੍ਰੇਲਰ ਲਾਂਚ, 20 ਸੈਲੀਬ੍ਰਿਟੀਜ਼ ਆਉਣਗੇ ਨਜ਼ਰ
Sunday, Jun 01, 2025 - 03:04 PM (IST)

ਮੁੰਬਈ- ਪ੍ਰਾਈਮ ਵੀਡੀਓ ਨੇ ਅਪਕਮਿੰਗ ਅਨਸਕ੍ਰਿਪਟਡ ਓਰੀਜਨਲ ਸ਼ੋਅ ‘ਦਿ ਟ੍ਰੇਟਰਜ਼’ ਦਾ ਟ੍ਰੇਲਰ ਲਾਂਚ ਕਰ ਦਿੱਤਾ ਹੈ। ਇੰਟਰਨੈਸ਼ਨਲ ਹਿੱਟ ਰਿਐਲਿਟੀ ਸੀਰੀਜ਼ ਦੇ ਇੰਡੀਅਨ ਅਡੈਪਟੇਸ਼ਨ ਨੂੰ ਕਰਨ ਜੌਹਰ ਹੋਸਟ ਕਰ ਰਹੇ ਹਨ। ਸ਼ੋਅ 12 ਜੂਨ ਤੋਂ ਪ੍ਰਾਈਮ ਵੀਡੀਓ ’ਤੇ ਸਟ੍ਰੀਮ ਹੋਵੇਗਾ ਅਤੇ ਹਰ ਵੀਰਵਾਰ ਰਾਤ 8 ਵਜੇ ਨਵਾਂ ਐਪੀਸੋਡ ਆਵੇਗਾ, ਜੋ ਗ੍ਰੈਂਡ ਫਿਨਾਲੇ ਵੱਲ ਲੈ ਜਾਵੇਗਾ।
ਧੋਖੇ ਅਤੇ ਚਾਲਬਾਜ਼ੀਆਂ ਨਾਲ ਭਰਪੂਰ ਰਿਐਲਿਟੀ ਸੀਰੀਜ਼ ਦੇ ਪਹਿਲੇ ਸੀਜ਼ਨ ’ਚ 20 ਸੈਲੀਬ੍ਰਿਟੀਜ਼ ਹਿੱਸਾ ਲੈ ਰਹੇ ਹਨ, ਜਿਨ੍ਹਾਂ ’ਚ ਅੰਸ਼ੁਲਾ ਕਪੂਰ, ਅਪੂਰਵਾ, ਆਸ਼ੀਸ਼ ਵਿਦਿਆਰਥੀ, ਇਲਨਾਜ਼ ਨੌਰੋਜ਼ੀ, ਹਰਸ਼ ਗੁਜਰਾ, ਜੰਨਤ ਜ਼ੁਬੈਰ, ਜਾਨ੍ਹਵੀ ਗੌਰ, ਜੈਸਮੀਨ ਭਸੀਨ, ਕਰਨ ਕੁੰਦਰਾ, ਲਕਸ਼ਮੀ ਮਾਂਚੂ, ਮਹੀਪ ਕਪੂਰ, ਮੁਕੇਸ਼ ਛਾਬੜਾ, ਨਿਕਿਤਾ ਲੂਥਰ, ਪੂਰਵ ਝਾਅ, ਰਫਤਾਰ, ਰਾਜ ਕੁੰਦਰਾ, ਸਾਹਿਲ ਸਲਾਥੀਆ, ਸੁਧਾਂਸ਼ੂ ਪਾਂਡੇ, ਸੂਫੀ ਮੋਤੀਵਾਲਾ ਅਤੇ ਉਰਫੀ ਜਾਵੇਦ ਸ਼ਾਮਲ ਹਨ।