ਫਿਲਮ ‘ਗਿੰਨੀ ਵੈਡਸ ਸਨੀ 2’ ਦੀ ਸਕ੍ਰੀਨਿੰਗ, ਪਹੁੰਚੇ ਬੀ. ਟਾਊਨ ਸੈਲੇਬਸ

ਮੁੰਬਈ - ਮੁੰਬਈ ਵਿਚ ਫਿਲਮ ‘ਗਿੰਨੀ ਵੈਡਸ ਸਨੀ 2’ ਦੀ ਸਿਤਾਰਿਆਂ ਲਈ ਸਪੈਸ਼ਲ ਸਕ੍ਰੀਨਿੰਗ ਰੱਖੀ ਗਈ। ਇਸ ਰੋਮਾਂਟਿਕ-ਕਾਮੇਡੀ ਫਿਲਮ ਦੀ ਸਕ੍ਰੀਨਿੰਗ ’ਤੇ ਲੀਡ ਸਟਾਰ ਅਵਿਨਾਸ਼ ਤਿਵਾਰੀ ਤੇ ਮੇਧਾ ਸ਼ੰਕਰ ਤੋਂ ਇਲਾਵਾ ਨੁਸਰਤ ਭਰੂਚਾ, ਆਦਰਸ਼ ਗੌਰਵ, ਤਾਹਾ ਸ਼ਾਹ ਬਦੁਸ਼ਾ, ਅਭਿਮਨਯੂ ਦਸਾਨੀ, ਲਿਲੇਟ ਦੂਬੇ, ਸੁਧੀਰ ਪਾਂਡੇ, ਗੋਵਿੰਦ ਨਾਮਦੇਵ ਸਮੇਤ ਕਈ ਸਿਤਾਰੇ ਸ਼ਾਮਲ ਹੋਏ।

ਇਸ ਫਿਲਮ ਵਿਚ ਅਭਿਨੇਤਾ ਅਵਿਨਾਸ਼ ਤਿਵਾਰੀ ਤੇ ਅਭਿਨੇਤਰੀ ਮੇਧਾ ਸ਼ੰਕਰ ਦੀ ਜੋੜੀ ਅਤੇ ਉਨ੍ਹਾਂ ਦੀ ਕੈਮਿਸਟਰੀ ਨੇ ਸਕ੍ਰੀਨਿੰਗ ਦੌਰਾਨ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਫਿਲਮ ਇਕ ਸਟੇਟ ਲੈਵਲ ਪਹਿਲਵਾਨ ਦੀ ਅਨੋਖੀ ਪ੍ਰੇਮ ਕਹਾਣੀ ਹੈ, ਜੋ ਝੂਠ ਤੇ ਗਲਤਫਹਿਮੀ ਕਾਰਨ ਵਿਆਹ ਤੋਂ ਬਾਅਦ ਹਫੜਾ-ਦਫੜੀ ਤੇ ਹਾਸੇ ਨਾਲ ਭਰੀ ਹੋਈ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਪ੍ਰਸ਼ਾਂਤ ਝਾਅ ਨੇ ਕੀਤਾ ਹੈ। ਇਹ ਫਿਲਮ 24 ਅਪ੍ਰੈਲ ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋ ਚੁੱਕੀ ਹੈ।