Salman Khan ਇਸ ਡਾਇਰੈਕਟਰ ਦੀ ਫਿਲਮ ''ਚ ਕਰਨਗੇ ਕੰਮ, ਜੁਲਾਈ ''ਚ ਸ਼ੁਰੂ ਹੋਵੇਗੀ ਸ਼ੂਟਿੰਗ

ਮੁੰਬਈ,(ਯੂ.ਐਨ.ਆਈ.)- ਬਾਲੀਵੁੱਡ ਦੇ ਦਬੰਗ ਸਟਾਰ ਸਲਮਾਨ ਖਾਨ ਨਿਰਦੇਸ਼ਕ ਅਪੂਰਵ ਲੱਖੀਆ ਦੀ ਫਿਲਮ ਵਿੱਚ ਕੰਮ ਕਰਦੇ ਨਜ਼ਰ ਆ ਸਕਦੇ ਹਨ। ਸਲਮਾਨ ਖਾਨ ਦੀ ਫਿਲਮ ਸਿਕੰਦਰ ਇਸ ਸਾਲ ਰਿਲੀਜ਼ ਹੋਈ ਸੀ। ਇਸ ਫਿਲਮ ਦਾ ਨਿਰਦੇਸ਼ਨ ਏਆਰ ਮੁਰੂਗਦਾਸ ਨੇ ਕੀਤਾ ਸੀ। 'ਸਿਕੰਦਰ' ਦੇ ਬਾਕਸ ਆਫਿਸ 'ਤੇ ਮਾੜੇ ਪ੍ਰਦਰਸ਼ਨ ਨੂੰ ਦੇਖਣ ਤੋਂ ਬਾਅਦ ਸਲਮਾਨ ਖਾਨ ਲਗਾਤਾਰ ਵੱਖ-ਵੱਖ ਫਿਲਮ ਨਿਰਮਾਤਾਵਾਂ ਨੂੰ ਮਿਲ ਰਹੇ ਸਨ ਤੇ ਆਪਣੀ ਆਉਣ ਵਾਲੀ ਫਿਲਮ ਦੀ ਚੋਣ ਕਰਨ ਦੀ ਪ੍ਰਕਿਰਿਆ ਵਿੱਚ ਸਨ। ਚਰਚਾ ਹੈ ਕਿ ਸਲਮਾਨ ਖਾਨ ਨੂੰ ਅਪੂਰਵਾ ਲੱਖੀਆ ਦੀ ਫਿਲਮ ਦੀ ਸਕ੍ਰਿਪਟ ਪਸੰਦ ਆਈ ਹੈ। 

ਇਹ ਵੀ ਪੜ੍ਹੋ...ਬੇਰੁਜ਼ਗਾਰ ਨੌਜਵਾਨਾਂ ਲਈ GOOD NEWS, ਇਸ ਅਹੁਦੇ 'ਤੇ ਹੋਵੇਗੀ ਭਰਤੀ

ਕਿਹਾ ਜਾ ਰਿਹਾ ਹੈ ਕਿ ਸਲਮਾਨ ਦੀ ਇਹ ਫਿਲਮ ਗਲਵਾਨ ਵੈਲੀ 2020 ਦੇ ਸੰਘਰਸ਼ 'ਤੇ ਆਧਾਰਿਤ ਹੋਵੇਗੀ। ਕਿਹਾ ਜਾ ਰਿਹਾ ਹੈ ਕਿ ਇਹ ਫਿਲਮ ਲੇਖਕ ਸ਼ਿਵ ਅਰੂਰ ਅਤੇ ਰਾਹੁਲ ਸਿੰਘ ਦੀ ਕਿਤਾਬ 'ਇੰਡੀਆਜ਼ ਮੋਸਟ ਫੀਅਰਲੈੱਸ 3' ਤੋਂ ਪ੍ਰੇਰਿਤ ਹੈ, ਅਤੇ ਸਲਮਾਨ ਫਿਲਮ ਵਿੱਚ ਇੱਕ ਫੌਜੀ ਅਧਿਕਾਰੀ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਇਹ ਫਿਲਮ ਇਸ ਸਾਲ ਜੁਲਾਈ ਵਿੱਚ ਫਲੋਰ 'ਤੇ ਜਾਵੇਗੀ। ਸਲਮਾਨ ਖਾਨ ਇਸ ਫਿਲਮ ਦੀ ਸ਼ੂਟਿੰਗ ਲੱਦਾਖ ਅਤੇ ਮੁੰਬਈ ਵਿੱਚ ਕਰਨਗੇ। ਲੱਦਾਖ ਵਿੱਚ ਲਗਭਗ 20 ਦਿਨਾਂ ਦਾ ਸ਼ਡਿਊਲ ਹੋਵੇਗਾ। ਇਸ ਤੋਂ ਬਾਅਦ ਫਿਲਮ ਦੀ ਸ਼ੂਟਿੰਗ ਮੁੰਬਈ ਵਿੱਚ 50 ਦਿਨਾਂ ਲਈ ਕੀਤੀ ਜਾਵੇਗੀ। ਇਸ ਫਿਲਮ ਵਿੱਚ ਤਿੰਨ ਨਵੇਂ ਕਲਾਕਾਰ ਵੀ ਲਏ ਜਾਣਗੇ, ਜਿਨ੍ਹਾਂ ਦੀ ਕਾਸਟਿੰਗ ਜਲਦੀ ਹੀ ਸ਼ੁਰੂ ਹੋਵੇਗੀ। ਅਪੂਰਵ ਲੱਖੀਆ ਅਗਲੇ ਦੋ ਹਫ਼ਤਿਆਂ ਵਿੱਚ ਲੱਦਾਖ ਦੀ ਲੋਕੇਸ਼ਨ ਰੇਕੀ ਕਰਨਗੇ ਅਤੇ ਤਕਨੀਕੀ ਟੀਮ ਨੂੰ ਅੰਤਿਮ ਰੂਪ ਦੇਣ ਦਾ ਕੰਮ ਵੀ ਸ਼ੁਰੂ ਕਰ ਦਿੱਤਾ ਹੈ। ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਇਹ ਫਿਲਮ ਸਲਮਾਨ ਖਾਨ ਦੀ ਅਗਲੀ ਰਿਲੀਜ਼ ਹੋਵੇਗੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8