ਸਲਮਾਨ ਖ਼ਾਨ ਨਾਲ ਸੋਨਾਕਸ਼ੀ ਸਿਨ੍ਹਾ ਦੀ ਵਾਇਰਲ ਹੋਈ ਵਿਆਹ ਦੀ ਤਸਵੀਰ, ਜਾਣੋ ਸੱਚਾਈ

ਮੁੰਬਈ (ਬਿਊਰੋ)– ਪਿਛਲੇ ਕਈ ਦਿਨਾਂ ਤੋਂ ਸਲਮਾਨ ਖ਼ਾਨ ਤੇ ਸੋਨਾਕਸ਼ੀ ਸਿਨ੍ਹਾ ਦੀ ਫੇਕ ਵੈਡਿੰਗ ਤਸਵੀਰ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ ’ਚ ਸਲਮਾਨ ਖ਼ਾਨ ਅਦਾਕਾਰਾ ਸੋਨਾਕਸ਼ੀ ਸਿਨ੍ਹਾ ਨੂੰ ਰਿੰਗ ਪਹਿਨਾ ਰਹੇ ਹਨ।

ਇਹ ਫੋਟੋਸ਼ਾਪਡ ਤਸਵੀਰ ਸਾਹਮਣੇ ਆਉਣ ਤੋਂ ਬਾਅਦ ਜ਼ਬਰਦਸਤ ਚਰਚਾ ’ਚ ਹੈ। ਹੁਣ ਅਦਾਕਾਰਾ ਨੇ ਇਸ ਵਾਇਰਲ ਤਸਵੀਰ ’ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸ਼ਾਹਰੁਖ਼ ਖ਼ਾਨ ਨੂੰ ਪ੍ਰਸ਼ੰਸਕ ਨੇ ਦਿੱਤੀ ਨਸੀਹਤ, ਕਿਹਾ- ‘ਫ਼ਿਲਮਾਂ ’ਚ ਆਉਂਦੇ ਰਹੋ, ਖ਼ਬਰਾਂ ’ਚ ਨਹੀਂ’

ਸੋਨਾਕਸ਼ੀ ਸਿਨ੍ਹਾ ਨੇ ਇਕ ਪੋਸਟ ’ਤੇ ਪ੍ਰਤੀਕਿਰਿਆ ਦਿੰਦਿਆਂ ਲਿਖਿਆ, ‘ਕੀ ਤੁਸੀਂ ਬੇਵਕੂਫ ਹੋ ਜੋ ਅਸਲੀ ਤੇ ਫੋਟੋਸ਼ਾਪਡ ਤਸਵੀਰ ’ਚ ਫਰਕ ਨਹੀਂ ਕਰ ਸਕਦੇ।’ ਆਪਣੇ ਇਸ ਕੁਮੈਂਟ ਦੇ ਨਾਲ ਸੋਨਾਕਸ਼ੀ ਨੇ ਹਾਸੇ ਵਾਲਾ ਇਮੋਜੀ ਵੀ ਬਣਾਇਆ।

ਹੁਣ ਸੋਨਾਕਸ਼ੀ ਦੀ ਤਾਂ ਪ੍ਰਤੀਕਿਰਿਆ ਆ ਗਈ ਪਰ ਸਲਮਾਨ ਖ਼ਾਨ ਵਲੋਂ ਹੁਣ ਤਕ ਇਸ ਫੇਕ ਤਸਵੀਰ ’ਤੇ ਕੋਈ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ ਹੈ।

ਸੋਨਾਕਸ਼ੀ ਤੇ ਸਲਮਾਨ ਦੀ ਇਹ ਤਸਵੀਰ ਕਾਫੀ ਜ਼ਿਆਦਾ ਵਾਇਰਲ ਹੋ ਰਹੀ ਹੈ। ਤਸਵੀਰ ’ਚ ਸਲਮਾਨ ਖ਼ਾਨ ਸਫੈਦ ਸ਼ਰਟ ਤੇ ਬੇਜ ਜੈਕੇਟ ’ਚ ਡੈਸ਼ਿੰਗ ਲੱਗ ਰਹੇ ਹਨ। ਉਥੇ ਸੋਨਾਕਸ਼ੀ ਲਾਲ ਸਾੜ੍ਹੀ ’ਚ ਖ਼ੂਬਸੂਰਤ ਲੱਗ ਰਹੀ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।