ਧੀ ਨਿਓਮਿਕਾ ਲਈ ''ਸਟੋਰੀ ਟੈਲਰ'' ਬਣੇ ਰਣਦੀਪ ਹੁੱਡਾ, ਪਤਨੀ ਲਿਨ ਲੈਸ਼ਰਾਮ ਨਾਲ ਸਾਂਝਾ ਕੀਤਾ ਪਰਿਵਾਰਕ ਪਲ

ਮੁੰਬਈ (ਏਜੰਸੀ) : ਬਾਲੀਵੁੱਡ ਅਦਾਕਾਰ ਰਣਦੀਪ ਹੁੱਡਾ ਨੇ ਆਪਣੀ ਬੇਟੀ ਨਿਓਮਿਕਾ ਨੂੰ ਸੌਣ ਤੋਂ ਪਹਿਲਾਂ ਕਹਾਣੀ ਸੁਣਾਉਂਦੇ ਹੋਏ ਇੱਕ ਬਹੁਤ ਹੀ ਭਾਵੁਕ ਅਤੇ ਖੂਬਸੂਰਤ ਪਰਿਵਾਰਕ ਪਲ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਹੈ। ਇੱਕ ਨਵੇਂ ਪਿਤਾ ਵਜੋਂ ਆਪਣੀ ਜ਼ਿੰਦਗੀ ਦੀ ਝਲਕ ਦਿਖਾਉਂਦੇ ਹੋਏ ਰਣਦੀਪ ਨੇ ਇਸ ਤਸਵੀਰ ਰਾਹੀਂ ਮਾਤਾ-ਪਿਤਾ ਬਣਨ ਦੀ ਖੂਬਸੂਰਤੀ ਨੂੰ ਬਿਆਨ ਕੀਤਾ ਹੈ।

ਤਸਵੀਰ ਵਿੱਚ ਰਣਦੀਪ ਪੂਰੀ ਇਕਾਗਰਤਾ ਨਾਲ ਆਪਣੀ ਨੰਨੀ ਧੀ ਨੂੰ ਕਹਾਣੀ ਸੁਣਾ ਰਹੇ ਹਨ, ਜਦਕਿ ਨਿਓਮਿਕਾ ਆਪਣੀ ਮਾਂ ਲਿਨ ਲੈਸ਼ਰਾਮ ਦੀ ਗੋਦੀ ਵਿੱਚ ਬੈਠ ਕੇ ਬੜੇ ਧਿਆਨ ਨਾਲ ਆਪਣੇ ਪਿਤਾ ਨੂੰ ਸੁਣ ਰਹੀ ਹੈ। ਰਣਦੀਪ ਹੁੱਡਾ ਅਕਸਰ ਫਿਲਮੀ ਪਰਦੇ 'ਤੇ ਆਪਣੇ ਗੰਭੀਰ ਅਤੇ ਦਮਦਾਰ ਕਿਰਦਾਰਾਂ ਲਈ ਜਾਣੇ ਜਾਂਦੇ ਹਨ, ਪਰ ਇੱਕ ਪਿਆਰ ਕਰਨ ਵਾਲੇ ਪਿਤਾ ਵਜੋਂ ਉਨ੍ਹਾਂ ਦਾ ਇਹ ਨਵਾਂ ਰੂਪ ਪ੍ਰਸ਼ੰਸਕਾਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ।