ਜੀਓਹੌਟਸਟਾਰ ''ਤੇ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਸ਼ੋਅ ਬਣਿਆ ''ਪ੍ਰੀਤਮ ਐਂਡ ਪੇਡਰੋ''

ਮੁੰਬਈ (ਏਜੰਸੀ)- ਪ੍ਰੀਤਮ ਐਂਡ ਪੇਡਰੋ ਨੇ ਜੀਓਹੌਟਸਟਾਰ 'ਤੇ ਇਤਿਹਾਸ ਰੱਚ ਦਿੱਤਾ ਹੈ। ਇਹ ਪਲੇਟਫਾਰਮ ਦਾ ਹੁਣ ਤੱਕ ਦਾ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਸ਼ੋਅ ਬਣ ਗਿਆ ਹੈ। ਰਾਜਕੁਮਾਰ ਹਿਰਾਨੀ ਦੀ ਪਹਿਲੀ ਓਟੀਟੀ ਸੀਰੀਜ਼ ਨੇ ਕਿਸੇ ਵੀ ਸਕ੍ਰਿਪਟਡ ਸ਼ੋਅ ਲਈ ਸਭ ਤੋਂ ਵੱਡੀ ਓਪਨਿੰਗ ਦਰਜ ਕੀਤੀ ਹੈ ਅਤੇ ਹਿੰਦੀ ਸਮੇਤ 6 ਭਾਰਤੀ ਭਾਸ਼ਾਵਾਂ ਵਿੱਚ ਟ੍ਰੈਂਡ ਕੀਤਾ ਹੈ। ਇੱਕ ਬਿਆਨ ਵਿੱਚ ਜੀਓਹੌਟਸਟਾਰ ਨੇ ਕਿਹਾ ਕਿ ਹਾਸੇ, ਭਾਵਨਾਤਮਕ ਡੂੰਘਾਈ ਅਤੇ ਸਮਾਜਿਕ ਚਿੰਤਾਵਾਂ ਨਾਲ ਭਰੀ ਇਸ ਸੀਰੀਜ਼ ਨੂੰ ਦਰਸ਼ਕਾਂ ਤੋਂ ਬਹੁਤ ਸਮਰਥਨ ਮਿਲਿਆ ਹੈ। ਸਾਈਬਰ ਧੋਖਾਧੜੀ ਅਤੇ ਔਨਲਾਈਨ ਸੁਰੱਖਿਆ ਵਰਗੇ ਸਮਕਾਲੀ ਵਿਸ਼ਿਆਂ ਨੂੰ ਮਨੋਰੰਜਕ ਅੰਦਾਜ਼ ਵਿੱਚ ਪੇਸ਼ ਕਰਨ ਦੇ ਨਾਲ ਹੀ ਅਰਸ਼ਦ ਵਾਰਸੀ ਅਤੇ ਵੀਰ ਦੀ ਜੋੜੀ ਨੂੰ ਵੀ ਦਰਸ਼ਕਾਂ ਦੁਆਰਾ ਸਰਾਹਿਆ ਜਾ ਰਿਹਾ ਹੈ।

ਇਸ ਸੀਰੀਜ਼ ਦੀ ਸੋਸ਼ਲ ਮੀਡੀਆ 'ਤੇ ਵੀ ਵਿਆਪਕ ਚਰਚਾ ਹੋ ਰਹੀ ਹੈ। ਜੀਓਹੌਟਸਟਾਰ ਵਿੱਚ ਹਿੰਦੀ ਅਤੇ ਅੰਗਰੇਜ਼ੀ ਐਂਟਰਟੇਨਮੈਂਟ ਬਿਜਨੈੱਸ (ਸਟ੍ਰੀਮਿੰਗ, ਟੀਵੀ ਅਤੇ ਸਟੂਡੀਓ) ਦੇ ਮੁਖੀ ਆਲੋਕ ਜੈਨ ਨੇ ਕਿਹਾ ਕਿ ਦਰਸ਼ਕ ਕਿਸੇ ਇਕ ਜੌਨਰ ਦੇ ਨਹੀਂ, ਸਗੋਂ ਚੰਗੀਆਂ ਕਹਾਣੀਆਂ ਲਈ ਆਉਂਦੇ ਹਨ। ਉਨ੍ਹਾਂ ਕਿਹਾ ਕਿ "ਠੁਕਰਾ ਕੇ ਮੇਰਾ ਪਿਆਰ," "ਚਿਰਈਆ," ਅਤੇ ਹੁਣ "ਪ੍ਰੀਤਮ ਐਂਡ ਪੇਡਰੋ" ਨੂੰ ਮਿਲੀ ਸਫਲਤਾ ਉਨ੍ਹਾਂ ਦੇ ਇਸੇ ਵਿਸ਼ਵਾਸ ਨੂੰ ਹੋਰ ਮਜ਼ਬੂਤ ​​ਕਰਦੀ ਹੈ। ਰਾਜਕੁਮਾਰ ਹਿਰਾਨੀ ਨੇ ਕਿਹਾ ਕਿ ਦਰਸ਼ਕਾਂ ਦਾ ਪਿਆਰ ਅਤੇ ਸੀਰੀਜ਼ ਨੂੰ ਮਿਲਿਆ ਹੁੰਗਾਰਾ ਪੂਰੀ ਟੀਮ ਲਈ ਬਹੁਤ ਪ੍ਰੇਰਨਾਦਾਇਕ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਫਲਤਾ ਸਾਬਤ ਕਰਦੀ ਹੈ ਕਿ ਦਰਸ਼ਕ ਉਨ੍ਹਾਂ ਕਹਾਣੀਆਂ ਦੀ ਕਦਰ ਕਰਦੇ ਹਨ ਜੋ ਉਨ੍ਹਾਂ ਨੂੰ ਹਸਾਉਂਦੀਆਂ ਹਨ, ਪ੍ਰੇਰਿਤ ਕਰਦੀਆਂ ਹਨ ਅਤੇ ਲੰਬੇ ਸਮੇਂ ਤੱਕ ਉਨ੍ਹਾਂ ਦੇ ਨਾਲ ਬਣੀਆਂ ਰਹਿੰਦੀਆਂ ਹਨ।