ਬੰਗਾਲ ਹਿੰਸਾ ’ਤੇ ਫੁੱਟ-ਫੁੱਟ ਕੇ ਰੋਈ ਪਾਇਲ ਰੋਹਤਗੀ, ਪੀ. ਐੱਮ. ਮੋਦੀ ਤੇ ਅਮਿਤ ਸ਼ਾਹ ਨੂੰ ਦੇਖੋ ਕੀ ਕਿਹਾ
05/06/2021 4:54:46 PM
ਮੁੰਬਈ (ਬਿਊਰੋ)– ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਉਣ ਤੋਂ ਬਾਅਦ ਸੂਬੇ ’ਚ ਹਿੰਸਕ ਘਟਨਾਵਾਂ ਦੇਖਣ ਨੂੰ ਮਿਲੀਆਂ ਹਨ। ਕਥਿਤ ਤੌਰ ’ਤੇ ਸੂਬੇ ਦੇ ਕਈ ਹਿੱਸਿਆਂ ’ਚ ਹਿੰਸਾ ਹੋਣ ਦੀ ਖ਼ਬਰ ਆ ਰਹੀ ਹੈ। ਪੱਛਮੀ ਬੰਗਾਲ ਦੀ ਇਸ ਹਿੰਸਾ ’ਤੇ ਭਾਜਪਾ ਲਗਾਤਾਰ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ ਸਵਾਲ ਕਰ ਰਹੀ ਹੈ। ਇਸ ਪੂਰੀ ਘਟਨਾ ’ਤੇ ਦੇਸ਼ ਦੀਆਂ ਕਈ ਹਸਤੀਆਂ ਆਪਣੀਆਂ ਪ੍ਰਤੀਕਿਰਿਆਵਾਂ ਦੇ ਰਹੀਆਂ ਹਨ ਤੇ ਨਿੰਦਿਆ ਕਰ ਰਹੀਆਂ ਹਨ।
ਹਾਲ ਹੀ ’ਚ ਅਦਾਕਾਰਾ ਕੰਗਨਾ ਰਣੌਤ ਨੇ ਵੀ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਤੋਂ ਬਾਅਦ ਬੰਗਾਲ ’ਚ ਹੋਈ ਹਿੰਸਾ ਨੂੰ ਲੈ ਕੇ ਆਪਣਾ ਗੁੱਸਾ ਜ਼ਾਹਿਰ ਕੀਤਾ ਸੀ। ਉਸ ਨੇ ਸੋਸ਼ਲ ਮੀਡੀਆ ’ਤੇ ਇਸ ਪੂਰੀ ਘਟਨਾ ਦੀ ਨਿੰਦਿਆ ਕੀਤੀ ਸੀ। ਹਾਲਾਂਕਿ ਹਿੰਸਾ ਨੂੰ ਲੈ ਕੇ ਕੀਤੇ ਟਵੀਟਸ ਤੋਂ ਬਾਅਦ ਟਵਿਟਰ ਨੇ ਕੰਗਨਾ ਰਣੌਤ ਦਾ ਅਕਾਊਂਟ ਬੈਨ ਕਰ ਦਿੱਤਾ ਹੈ। ਹੁਣ ਬਾਲੀਵੁੱਡ ਅਦਾਕਾਰਾ ਪਾਇਲ ਰੋਹਤਗੀ ਨੇ ਵੀ ਬੰਗਾਲ ਹਿੰਸਾ ਦੀ ਅਲੋਚਨਾ ਕੀਤੀ ਹੈ। ਨਾਲ ਹੀ ਕੰਗਨਾ ਰਣੌਤ ਦੇ ਟਵਿਟਰ ਅਕਾਊਂਟ ਸਸਪੈਂਡ ਕਰਨ ’ਤੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਜੈਕਲੀਨ ਫਰਨਾਂਡੀਜ਼ ਦਾ ਨੇਕ ਉਪਰਾਲਾ, ਲੋੜਵੰਦਾਂ ਨੂੰ ਖਵਾਇਆ ਖਾਣਾ
ਪਾਇਲ ਰੋਹਤਗੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਆਪਣੀ ਇਕ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ’ਚ ਉਹ ਬੰਗਾਲ ’ਚ ਹੋਈ ਹਿੰਸਾ ’ਤੇ ਬੁਰੀ ਤਰ੍ਹਾਂ ਰੋ ਰਹੀ ਹੈ। ਇਸ ਦੇ ਨਾਲ ਹੀ ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਇਸ ਸਾਰੀ ਘਟਨਾ ’ਤੇ ਕਾਰਵਾਈ ਕਰਨ ਦੀ ਅਪੀਲ ਕਰ ਰਹੀ ਹੈ। ਪਾਇਲ ਰੋਹਤਗੀ ਨੇ ਆਪਣੀ ਵੀਡੀਓ ’ਚ ਕਿਹਾ, ‘ਮੈਂ ਲੰਬੇ ਸਮੇਂ ਤੋਂ ਬੇਵੱਸ ਮਹਿਸੂਸ ਕਰ ਰਹੀ ਹਾਂ। ਬਹੁਤ ਸਾਰੀਆਂ ਸਥਿਤੀਆਂ ’ਚ, ਪਰ ਮੈਂ ਆਪਣੇ ਆਪ ਨੂੰ ਮਜ਼ਬੂਤ ਰੱਖਦੀ ਹਾਂ ਕਿਉਂਕਿ ਜੇ ਮੈਂ ਆਪਣੇ ਆਪ ਨੂੰ ਮਜ਼ਬੂਤ ਨਹੀਂ ਰੱਖਾਂਗੀ ਤਾਂ ਬਹੁਤ ਸਾਰੀਆਂ ਚੀਜ਼ਾਂ ਗਲਤ ਹੋ ਜਾਣਗੀਆਂ। ਮੈਨੂੰ ਮਹਿਸੂਸ ਹੁੰਦਾ ਹੈ ਜਦੋਂ ਮੈਨੂੰ ਸਹੀ ਸਲਾਹ ਨਹੀਂ ਮਿਲਦੀ ਤੇ ਹੁਣ ਬੰਗਾਲ ਤੋਂ ਆ ਰਹੀਆਂ ਤਸਵੀਰਾਂ ਨੂੰ ਵੇਖ ਕੇ ਬੇਵੱਸ ਮਹਿਸੂਸ ਕਰ ਰਹੀ ਹਾਂ।’
ਪਾਇਲ ਨੇ ਅੱਗੇ ਕਿਹਾ, ‘ਮੋਦੀ ਜੀ ਤੁਸੀਂ ਸਾਡੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਹੋ, ਹੈ ਨਾ? ਅਮਿਤ ਸ਼ਾਹ ਤੁਸੀਂ ਸਾਡੇ ਦੇਸ਼ ਦੇ ਗ੍ਰਹਿ ਮੰਤਰੀ ਹੋ, ਕੀ ਤੁਸੀਂ ਨਹੀਂ ਹੋ? ਉਹ ਨਿਰਦੋਸ਼ ਹਿੰਦੂਆਂ ਕੋਲ ਕਿਉਂ ਜਾ ਰਹੇ ਹਨ, ਜਿਨ੍ਹਾਂ ਨੇ ਤੁਹਾਡਾ ਸਮਰਥਨ ਕੀਤਾ? ਤੁਸੀਂ ਸੱਤਾ ’ਚ ਨਹੀਂ ਆਏ, ਮਮਤਾ ਬੈਨਰਜੀ ਬੰਗਾਲ ਦੀ ਮੁੱਖ ਮੰਤਰੀ ਬਣੀ ਪਰ ਬੇਕਸੂਰ ਲੋਕਾਂ ਦਾ ਕੀ ਕਸੂਰ ਹੈ, ਜਿਨ੍ਹਾਂ ਨੇ ਤੁਹਾਡਾ ਸਮਰਥਨ ਕੀਤਾ।’।
‘ਪਾਇਲ ਰੋਹਤਗੀ ਨੇ ਕਿਹਾ, ‘ਕੰਗਨਾ ਦਾ ਟਵਿਟਰ ਅਕਾਊਂਟ ਬੈਨ ਕਿਉਂ ਕੀਤਾ ਗਿਆ ਹੈ? ਹੋ ਸਕਦਾ ਹੈ ਕਿ ਉਸ ਨੇ ਇਸ ਤਰ੍ਹਾਂ ਕੁਝ ਗਲਤ ਨਹੀਂ ਲਿਖਿਆ ਹੈ। ਅਸੀਂ ਸਰਕਾਰ ’ਚ ਨਹੀਂ ਹਾਂ ਪਰ ਤੁਸੀਂ ਪ੍ਰਧਾਨ ਮੰਤਰੀ ਹੋ, ਕੀ ਤੁਸੀਂ ਨਹੀਂ ਹੋ? ਤੁਸੀਂ ਉਨ੍ਹਾਂ ਨੂੰ ਕਿਉਂ ਨਹੀਂ ਬਚਾ ਰਹੇ ਜੋ ਅਜਿਹੇ ਭੈੜੇ ਢੰਗ ਨਾਲ ਮਾਰੇ ਜਾ ਰਹੇ ਹਨ। ਔਰਤਾਂ ਨਾਲ ਬਲਾਤਕਾਰ ਹੋ ਰਹੇ ਹਨ। ਮਮਤਾ ਬੈਨਰਜੀ ਤੁਸੀਂ ਜਿੱਤ ਗਏ ਹੋ, ਤੁਸੀਂ ਵੀ ਇਕ ਔਰਤ ਹੋ, ਕੀ ਇਹ ਤਸਵੀਰਾਂ ਤੁਹਾਡੇ ਸਾਹਮਣੇ ਨਹੀਂ ਆ ਰਹੀਆਂ?’
ਵੀਡੀਓ ਦੇ ਅਖੀਰ ’ਚ ਪਾਇਲ ਰੋਹਤਗੀ ਕਹਿੰਦੀ ਹੈ, ‘ਤੁਸੀਂ ਉਨ੍ਹਾਂ ਨੂੰ ਇਕ ਇਨਸਾਨ ਵਜੋਂ ਕਿਉਂ ਨਹੀਂ ਬਚਾ ਰਹੇ? ਇਹ ਕੌਣ ਕਰ ਰਿਹਾ ਹੈ, ਤੁਹਾਡੇ ਆਪਣੇ ਵਰਕਰ ਇਸ ਨੂੰ ਕਰ ਰਹੇ ਹਨ। ਇਹ ਸਹੀ ਨਹੀਂ ਹੈ, ਰੱਬ ਦੇਖ ਰਿਹਾ ਹੈ। ਜੇ ਤੁਸੀਂ ਕੋਈ ਕਾਰਵਾਈ ਨਹੀਂ ਕਰਦੇ ਤਾਂ ਇਨ੍ਹਾਂ ਸਾਰੀਆਂ ਮੌਤਾਂ ਲਈ ਤੁਹਾਨੂੰ ਜ਼ਿੰਮੇਵਾਰ ਕਿਹਾ ਜਾਵੇਗਾ, ਮੋਦੀ ਜੀ ਅਮਿਤ ਸ਼ਾਹ ਜੀ।’
ਨੋਟ– ਪਾਇਲ ਦੀ ਇਸ ਵੀਡੀਓ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
