''ਲਗਾਨ'' ਦੇ 25 ਸਾਲ ਪੂਰੇ: ਇੱਕੋ ਫਰੇਮ ''ਚ ਦਿਸੀ ਪੂਰੀ ਸਟਾਰ ਕਾਸਟ, ਪੁਰਾਣੀਆਂ ਯਾਦਾਂ ਹੋਈਆਂ ਤਾਜ਼ਾ

ਮੁੰਬਈ (ਏਜੰਸੀ)- ਆਈਕਾਨਿਕ ਫਿਲਮ 'ਲਗਾਨ' ਦੇ 25 ਸਾਲਾਂ ਦਾ ਜਸ਼ਨ ਮਨਾਉਂਦੇ ਹੋਏ, ਆਮਿਰ ਖਾਨ ਨੇ ਇੱਕ ਵਿਸ਼ੇਸ਼ ਇਕੱਠ ਦੀ ਮੇਜ਼ਬਾਨੀ ਕੀਤੀ, ਜਿਸ ਵਿੱਚ ਨਿਰਦੇਸ਼ਕ ਆਸ਼ੂਤੋਸ਼ ਗੋਵਾਰੀਕਰ ਅਤੇ ਫਿਲਮ ਦੇ ਕਲਾਕਾਰਾਂ ਅਤੇ ਕਰੂ ਦੇ ਕਈ ਮੈਂਬਰਾਂ ਨੇ ਸ਼ਿਰਕਤ ਕੀਤੀ। ਯਾਦਾਂ ਨਾਲ ਭਰੀ ਇਸ ਰੀਯੂਨੀਅਨ ਨੇ ਭਾਰਤੀ ਸਿਨੇਮਾ ਦੀਆਂ ਸਭ ਤੋਂ ਮਸ਼ਹੂਰ ਫਿਲਮਾਂ ਵਿੱਚੋਂ ਇੱਕ ਨੂੰ ਟਰਬਿਊਟ ਦਿੱਤਾ, ਜੋ ਆਪਣੀ ਸਦੀਵੀ ਕਹਾਣੀ, ਯਾਦਗਾਰੀ ਪਰਫਾਰਮੈਂਸ ਅਤੇ ਅਭੁੱਲ ਸੰਗੀਤ ਨਾਲ ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਪ੍ਰੇਰਿਤ ਕਰ ਰਹੀ ਹੈ।

15 ਜੂਨ ਨੂੰ ਫਿਲਮ ਦੀ ਇਤਿਹਾਸਕ ਵਰ੍ਹੇਗੰਢ ਤੋਂ ਠੀਕ ਪਹਿਲਾਂ ਆਯੋਜਿਤ, ਇਸ ਇਕੱਠ ਨੇ ਬਹੁਤ ਸਾਰੇ ਕਲਾਕਾਰਾਂ ਅਤੇ ਕਰੂ ਦੇ ਮੈਂਬਰਾਂ ਨੂੰ ਇਕੱਠਾ ਕੀਤਾ, ਜਿਨ੍ਹਾਂ ਨੇ ਭਾਰਤੀ ਸਿਨਮਾ ਦੀ ਇਸ ਸ਼ਾਨਦਾਰ ਕਲਾਸਿਕ ਫਿਲਮ ਨੂੰ ਬਣਾਉਣ ਵਿੱਚ ਭੂਮਿਕਾ ਨਿਭਾਈ ਸੀ। ਆਸ਼ੂਤੋਸ਼ ਗੋਵਾਰੀਕਰ ਦੁਆਰਾ ਨਿਰਦੇਸ਼ਤ ਅਤੇ ਆਮਿਰ ਖਾਨ ਦੁਆਰਾ ਨਿਰਮਿਤ, 'ਲਗਾਨ' ਪਹਿਲੀ ਵਾਰ 15 ਜੂਨ, 2001 ਨੂੰ ਰਿਲੀਜ਼ ਹੋਈ ਸੀ, ਅਤੇ ਇਹ ਇੱਕ ਸੱਭਿਆਚਾਰਕ ਵਰਤਾਰਾ ਬਣ ਗਈ।