ਜੈਕੀ ਸ਼ਰਾਫ ਦੇ ਮੇਕਅੱਪ ਆਰਟੀਸਟ ਦਾ ਹੋਇਆ ਦਿਹਾਂਤ, ਅਦਾਕਾਰ ਨੇ ਟਵੀਟ ਕਰ ਦਿੱਤੀ ਜਾਣਕਾਰੀ

ਮੁੰਬਈ: ਕੋਰੋਨਾ ਕਾਲ ’ਚ ਹਰ ਪਾਸੇ ਤੋਂ ਕੋਈ ਨਾ ਕੋਈ ਬੁਰੀ ਖ਼ਬਰ ਸੁਣਨ ਨੂੰ ਮਿਲ ਰਹੀ ਹੈ। ਹੁਣ ਹਾਲ ਹੀ ’ਚ ਖ਼ਬਰ ਸਾਹਮਣੇ ਆਈ ਹੈ ਕਿ ਅਦਾਕਾਰ ਜੈਕੀ ਸ਼ਰਾਫ ਦੇ ਮੇਕਅਪ ਆਰਟੀਸਟ ਸ਼ਸ਼ੀ ਦਾਦਾ ਦਾ ਦਿਹਾਂਤ ਹੋ ਗਿਆ ਹੈ। ਇਸ ਤੋਂ ਪਹਿਲੇ ਅਦਾਕਾਰ ਅਨੁਪਮ ਖੇਰ ਦੇ ਮੇਕਅੱਪ ਆਰਟੀਸਟ ਦਾ ਦਿਹਾਂਤ ਹੋਇਆ ਸੀ। ਇਸ ਖ਼ਬਰ ਨੇ ਅਨੁਪਮ ਖੇਰ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਕਾਫ਼ੀ ਨਿਰਾਸ਼ ਕਰ ਦਿੱਤਾ ਸੀ। ਹੁਣ ਜੈਕੀ ਸ਼ਰਾਫ ਆਪਣੇ ਮੇਕਅੱਪ ਆਰਟੀਸਟ ਦੇ ਦਿਹਾਂਤ ਤੋਂ ਕਾਫ਼ੀ ਦੁਖੀ ਹਨ। ਅਦਾਕਾਰ ਨੇ ਸੋਸ਼ਲ ਮੀਡੀਆ ’ਤੇ ਤਸਵੀਰ ਸਾਂਝੀ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।

ਤਸਵੀਰ ’ਚ ਜੈਕੀ ਮੇਕਅੱਪ ਆਰਟੀਸਟ ਸ਼ਸ਼ੀ ਦਾਦਾ ਦੇ ਨਾਲ ਨਜ਼ਰ ਆ ਰਹੇ ਹਨ। ਜੈਕੀ ਸ਼ਸ਼ੀ ਨੂੰ ਕੁਝ ਕਹਿੰਦੇ ਹੋਏ ਦਿਖਾਈ ਦੇ ਰਹੇ ਹਨ। ਤਸਵੀਰ ਸ਼ੇਅਰ ਕਰਦੇ ਹੋਏ ਜੈਕੀ ਨੇ ਲਿਖਿਆ ਕਿ ‘ਸ਼ਸ਼ੀ ਦਾਦਾ ਹਮੇਸ਼ਾ ਮੇਰੇ ਦਿਲ ਦੇ ਇਕ ਡੂੰਘੇ ਕੋਨੇ ’ਚ ਰਹਿਣਗੇ। ਜੈਕੀ ਵੱਲੋਂ ਸਾਂਝੇ ਕੀਤੇ ਟਵੀਟ ’ਤੇ ਪ੍ਰਸ਼ੰਸਕ ਕਾਫ਼ੀ ਦੁਖ ਪ੍ਰਗਟਾ ਰਹੇ ਹਨ। 

ਦੱਸ ਦੇਈਏ ਕਿ ਸ਼ਸ਼ੀ ਦਾਦਾ ਜੈਕੀ ਦੇ ਨਾਲ 37 ਸਾਲ ਤੋਂ ਸਨ। ਜੈਕੀ ਦਾ ਉਨ੍ਹਾਂ ਦੇ ਨਾਲ ਰਿਸ਼ਤਾ ਕਾਫ਼ੀ ਗਹਿਰਾ ਸੀ। ਸ਼ਸ਼ੀ ਦਾਦਾ ਦਾ ਇੰਝ ਚਲੇ ਜਾਣਾ ਅਦਾਕਾਰ ਜੈਕੀ ਲਈ ਕਾਫ਼ੀ ਦੁਖ਼ਦਾਇਕ ਹੈ।