ਕੀ 10 ਸਾਲ ਛੋਟੇ ਐਕਟਰ ਨੂੰ ਡੇਟ ਕਰ ਰਹੀ ਹੈ ਸ਼ਵੇਤਾ ਤਿਵਾੜੀ ? ਫਹਿਮਾਨ ਖ਼ਾਨ ਨੇ ਤੋੜੀ ਚੁੱਪੀ
Saturday, Jul 20, 2024 - 12:53 PM (IST)
![](https://static.jagbani.com/multimedia/2024_7image_13_28_196021060fehman1.jpg)
ਨਵੀਂ ਦਿੱਲੀ- ਟੀ.ਵੀ. ਦੀ ਬੇਹੱਦ ਖੂਬਸੂਰਤ ਅਦਾਕਾਰਾ ਸ਼ਵੇਤਾ ਤਿਵਾਰੀ ਇੱਕ ਵਾਰ ਫਿਰ ਆਪਣੀ ਲਵ ਲਾਈਫ ਨੂੰ ਲੈ ਕੇ ਸੁਰਖੀਆਂ 'ਚ ਹੈ। 2 ਬੱਚਿਆਂ ਦੀ ਮਾਂ ਅਤੇ ਤਲਾਕਸ਼ੁਦਾ ਅਦਾਕਾਰਾ ਦਾ ਨਾਂ 33 ਸਾਲਾ ਅਦਾਕਾਰ ਫਹਿਮਾਨ ਖ਼ਾਨ ਨਾਲ ਕਾਫੀ ਜੁੜਿਆ ਹੋਇਆ ਹੈ। ਹੁਣ ਫਹਿਮਾਨ ਨੇ ਇਨ੍ਹਾਂ ਖਬਰਾਂ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ ਅਤੇ ਇਨ੍ਹਾਂ ਖਬਰਾਂ ਨੂੰ ਸਿਰੇ ਤੋਂ ਖਾਰਜ ਕਰਦੇ ਹੋਏ ਇਸ ਨੂੰ ਸਭ ਤੋਂ ਵੱਧ ਬਕਵਾਸ ਦੱਸਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ -Natasa-Hardik ਦਾ ਟੁੱਟਿਆ ਰਿਸ਼ਤਾ ਤਾਂ ਇਸ ਸਾਬਕਾ ਕਪਲ ਦਾ ਹੋਇਆ ਪੈਚਅੱਪ, ਵੀਡੀਓ ਵਾਇਰਲ
ਤੁਹਾਨੂੰ ਦੱਸ ਦੇਈਏ ਕਿ ਫਹਿਮਾਨ ਖ਼ਾਨ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ 'ਕਿਆ ਕੁਸੂਰ ਹੈ ਅਮਲ ਕਾ' 'ਚ ਸਹਾਇਕ ਭੂਮਿਕਾ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ 'ਮੇਰੇ ਡੈਡ ਕੀ ਦੁਲਹਨ' ਅਤੇ 'ਅਪਨਾ ਟਾਈਮ ਵੀ ਆਏਗਾ' ਵਰਗੇ ਹਿੱਟ ਸ਼ੋਅਜ਼ 'ਚ ਕੰਮ ਕੀਤਾ। ਉਹ ਸਟਾਰ ਪਲੱਸ ਦੇ ਸਭ ਤੋਂ ਮਸ਼ਹੂਰ ਸ਼ੋਅ ਇਮਲੀ ਦਾ ਵੀ ਹਿੱਸਾ ਰਹਿ ਚੁੱਕੇ ਹਨ। ਇਸ ਸ਼ੋਅ 'ਚ ਉਨ੍ਹਾਂ ਨੇ ਦਰਸ਼ਕਾਂ 'ਚ ਇਕ ਵੱਖਰੀ ਪਛਾਣ ਬਣਾਈ। ਹਾਲਾਂਕਿ ਨਿੱਜੀ ਜ਼ਿੰਦਗੀ 'ਚ ਉਨ੍ਹਾਂ ਦਾ ਨਾਂ ਅਦਾਕਾਰਾ ਸ਼ਵੇਤਾ ਤਿਵਾਰੀ ਨਾਲ ਕਾਫੀ ਜੋੜਿਆ ਜਾ ਰਿਹਾ ਹੈ।
ਇਹ ਖ਼ਬਰ ਵੀ ਪੜ੍ਹੋ -ਟ੍ਰੋਲਿੰਗ ਤੋਂ ਪਰੇਸ਼ਾਨ ਹੋ ਕੇ ਪਾਇਲ ਮਲਿਕ ਨੇ ਅਰਮਾਨ ਤੋਂ ਤਲਾਕ ਲੈਣ ਦਾ ਕੀਤਾ ਫੈਸਲਾ
ਅਦਾਕਾਰ ਨੇ ਸ਼ਵੇਤਾ ਨਾਲ 'ਮੇਰੇ ਡੈਡ ਕੀ ਦੁਲਹਨ' 'ਚ ਕੰਮ ਕੀਤਾ ਸੀ। ਉਹ ਪਹਿਲੀ ਵਾਰ ਇਸ ਸੈੱਟ 'ਤੇ ਮਿਲੇ ਸਨ। ਇਸ ਸੈੱਟ 'ਤੇ ਦੋਵਾਂ ਵਿਚਾਲੇ ਪਿਆਰ ਦੀਆਂ ਅਫਵਾਹਾਂ ਸਨ। ਹੁਣ ਸਿਧਾਰਥ ਕੰਨਨ ਨਾਲ ਗੱਲਬਾਤ 'ਚ ਫਹਿਮਾਨ ਨੇ ਸ਼ਵੇਤਾ ਨਾਲ ਆਪਣੀ ਬਾਂਡਿੰਗ ਬਾਰੇ ਦੱਸਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਅਤੇ ਸ਼ਵੇਤਾ ਨੂੰ ਲੈ ਕੇ ਲਗਾਈਆਂ ਜਾ ਰਹੀਆਂ ਅਟਕਲਾਂ ਨੂੰ ਵੀ ਖਾਰਜ ਕਰ ਦਿੱਤਾ। ਅਦਾਕਾਰ ਨੇ ਜਵਾਬ ਦਿੱਤਾ, 'ਅਸੀਂ ਜਾਣਦੇ ਹਾਂ ਕਿ ਅਸੀਂ ਕਿਵੇਂ ਜੁੜੇ ਸੀ, ਅਸੀਂ ਕਿਵੇਂ ਇਕੱਠੇ ਰਹਿੰਦੇ ਸੀ ਅਤੇ ਸਾਡਾ ਰਿਸ਼ਤਾ ਕਿਹੋ ਜਿਹਾ ਸੀ। ਜੇ ਕੁਝ ਛੁਪਾਉਣਾ ਹੁੰਦਾ, ਤਾਂ ਕੋਈ ਸਮੱਸਿਆ ਹੁੰਦੀ। ਜਦੋਂ ਤੁਸੀਂ ਅਸਲ 'ਚ ਕਿਸੇ ਰਿਸ਼ਤੇ 'ਚ ਹੁੰਦੇ ਹੋ ਅਤੇ ਲੋਕ ਧਿਆਨ ਦਿੰਦੇ ਹਨ ਤਾਂ ਤੁਸੀਂ ਥੋੜਾ ਸੁਚੇਤ ਹੋ ਜਾਂਦੇ ਹੋ । ਪਰ ਜੇ ਅਜਿਹਾ ਕੁਝ ਨਹੀਂ ਹੈ, ਤਾਂ ਤੁਹਾਨੂੰ ਸੁਚੇਤ ਹੋਣ ਦੀ ਲੋੜ ਨਹੀਂ ਹੈ।