ਹਿਨਾ ਖ਼ਾਨ ਪੁੱਜੀ ਹਾਜੀ ਅਲੀ, ਮੰਗੀ ਦੁਆ

ਮੁੰਬਈ- ਮਸ਼ਹੂਰ ਟੀ.ਵੀ. ਅਦਾਕਾਰਾ ਹਿਨਾ ਖ਼ਾਨ ਨੇ ਆਪਣੇ ਅੰਦਾਜ਼ ਨਾਲ ਕਾਫੀ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਹਿਨਾ ਖਾਨ ਬ੍ਰੈਸਟ ਕੈਂਸਰ ਨਾਲ ਜੂਝ ਰਹੀ ਹੈ ਅਤੇ ਇਸ ਸਮੇਂ ਕੀਮੋਥੈਰੇਪੀ ਦੇ ਆਖਰੀ ਪੜਾਅ 'ਤੇ ਹੈ। ਪ੍ਰਸ਼ੰਸਕ ਵੀ ਹਿਨਾ ਖ਼ਾਨ ਦੀ ਸਿਹਤਯਾਬੀ ਲਈ ਲਗਾਤਾਰ ਦੁਆਵਾਂ ਕਰ ਰਹੇ ਹਨ।

ਹਾਲ ਹੀ 'ਚ ਹਿਨਾ ਖ਼ਾਨ ਖੁਦ ਹਾਜੀ ਅਲੀ ਦਰਗਾਹ 'ਤੇ ਆਪਣੀ ਸਿਹਤ ਲਈ ਦੁਆ ਮੰਗਣ ਪੁੱਜੀ। ਅਦਾਕਾਰਾ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਇਸ ਨਾਲ ਜੁੜੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ, ਜਿਸ 'ਚ ਉਹ ਹਿਜਾਬ ਪਾਈ ਨਜ਼ਰ ਆ ਰਹੀ ਹੈ।

ਹਿਨਾ ਖਾਨ ਦੀਆਂ ਇਹ ਤਸਵੀਰਾਂ ਕੁਝ ਹੀ ਸਮੇਂ 'ਚ ਸੁਰਖੀਆਂ 'ਚ ਆ ਗਈਆਂ ਹਨ। ਹਿਨਾ ਖ਼ਾਨ ਹਿਜਾਬ ਪਾ ਕੇ ਹਾਜੀ ਅਲੀ ਦਰਗਾਹ ਪੁੱਜੀ।

ਜਦੋਂ ਤੋਂ ਅਦਾਕਾਰਾ ਕੈਂਸਰ ਤੋਂ ਪੀੜਤ ਹੈ, ਉਸ ਨੇ ਪਹਿਲੀ ਵਾਰ ਆਪਣੇ ਸੋਸ਼ਲ ਮੀਡੀਆ 'ਤੇ ਹਾਜੀ ਅਲੀ ਦਰਗਾਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।

ਪ੍ਰਸ਼ੰਸਕਾਂ ਨੂੰ ਦਰਗਾਹ ਦੇ ਕਰਵਾਏ ਦਰਸ਼ਨ 
ਹਿਨਾ ਖ਼ਾਨ ਨੇ ਪ੍ਰਸ਼ੰਸਕਾਂ ਨੂੰ ਸਫੇਦ ਸੰਗਮਰਮਰ ਨਾਲ ਬਣੀ ਹਾਜੀ ਅਲੀ ਦਰਗਾਹ ਦੇ ਦਰਸ਼ਨ ਵੀ ਕਰਵਾਏ। ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ, "ਹਾਜੀ ਅਲੀ ਦਰਗਾਹ 'ਤੇ ਫਜਰ। ਹੈਪੀ ਜੁਮਾ।"

ਹਿਨਾ ਖਾਨ ਨੇ ਕੁਝ ਸਮਾਂ ਪਹਿਲਾਂ ਇਹ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਹੁਣ ਤੱਕ 1 ਲੱਖ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਹਿਨਾ ਖਾਨ ਦੀਆਂ ਤਸਵੀਰਾਂ 'ਤੇ ਕੁਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ, "ਮੈਂ ਤੁਹਾਡੇ ਲਈ ਦੁਆ ਕਰ ਰਿਹਾ ਹਾਂ, ਅੱਲ੍ਹਾ ਚਾਹੇ, ਤੁਸੀਂ ਜਲਦੀ ਠੀਕ ਹੋ ਜਾਓਗੇ।"