ਐਮਾਜ਼ਾਨ MGM ਸਟੂਡੀਓਜ਼ ਦੀ ਫਿਲਮ "ਰਫਤਾਰ" 24 ਜੁਲਾਈ ਨੂੰ ਹੋਵੇਗੀ ਰਿਲੀਜ਼

ਮੁੰਬਈ (ਏਜੰਸੀ)- ਐਮਾਜ਼ਾਨ ਐੱਮ.ਜੀ.ਐੱਮ. ਸਟੂਡੀਓਜ਼ ਦੀ ਫਿਲਮ 'ਰਫਤਾਰ' 24 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ। ਸਿੱਖਿਆ ਦੇ ਖੇਤਰ ਵਿਚ ਫੈਲੇ ਸਖਤ ਮੁਕਾਬਲੇ 'ਤੇ ਆਧਾਰਿਤ 'ਰਫਤਾਰ' ਮਹੱਤਵਕਾਂਖਾ, ਪਿਆਰ ਅਤੇ ਲਾਲਚ ਦੀ ਇਕ ਦਿਲਚਸਪ ਕਹਾਣੀ ਹੈ। ਆਦਿਤਿਆ ਨਿੰਬਲਕਾਰ ਦੇ ਨਿਰਦੇਸ਼ਨ ਵਿਚ ਬਣੀ ਇਸ ਫਿਲਮ ਨੂੰ 'ਕਾਂਪਾ ਫਿਲਮਜ਼' ਦੇ ਬੈਨਰ ਹੇਠ ਪੱਤਰਲੇਖਾ ਨੇ ਪ੍ਰੋਡਿਊਸ ਕੀਤਾ ਹੈ।

ਫਿਲਮ 'ਰਫਤਾਰ' ਵਿਚ ਰਾਜਕੁਮਾਰ ਰਾਓ ਅਤੇ ਕੀਰਤੀ ਸੁਰੇਸ਼ ਮੁੱਖ ਭੂਮਿਕਾਵਾਂ ਵਿਚ ਹਨ ਅਤੇ ਉਨ੍ਹਾਂ ਨਾਲ ਅਨੁਰਾਗ ਠਾਕੁਰ, ਰੋਹਨ ਵਰਮਾ, ਤਾਨਿਆ ਮਾਨਿਕਤਲਾ ਅਤੇ ਰਜਤ ਕਪੂਰ ਵਰਗੇ ਪ੍ਰਤਿਭਾਸ਼ਾਲੀ ਕਲਾਕਾਰ ਵੀ ਅਹਿਮ ਕਿਰਦਾਰਾਂ ਵਿਚ ਨਜ਼ਰ ਆਉਣਗੇ। ਐਮਾਜ਼ਾਨ ਐੱਮ.ਜੀ.ਐੱਮ. ਸਟੂਡੀਓਜ਼ ਨੇ ਅੱਜ ਐਲਾਨ ਕਰ ਦਿੱਤਾ ਹੈ ਕਿ ਉਨ੍ਹਾਂ ਦੀ ਫਿਲਮ 'ਰਫਤਾਰ' 24 ਜੁਲਾਈ 2026 ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਫਿਲਮ ਦੇ ਐਗਜ਼ੀਕਿਊਟਿਵ ਪ੍ਰੋਡਿਊਸਰ ਤਰੁਣ ਬਾਲੀ ਹਨ ਅਤੇ ਇਸ ਦੀ ਕਹਾਣੀ ਅਤੇ ਸਕ੍ਰੀਨਪਲੇ ਰੋਹਨ ਨਰੂਲਾ ਨੇ ਲਿਖਿਆ ਹੈ।