''ਮੈਂ ਹਮੇਸ਼ਾ ਚੁੱਪ ਰਹੀ, ਇਸ ਦਾ ਮਤਲਬ ਇਹ ਨਹੀਂ..!'', ਤਲਾਕ ਦੀਆਂ ਖ਼ਬਰਾਂ ''ਤੇ ਭੜਕੀ ਐਸ਼ਵਰਿਆ

ਮੁੰਬਈ– ਫੇਮਸ ਟੀਵੀ ਕਪਲ ਐਸ਼ਵਰਿਆ ਸ਼ਰਮਾ ਅਤੇ ਨੀਲ ਭੱਟ ਦੀ ਵਿਆਹੁਤਾ ਜ਼ਿੰਦਗੀ ਨੂੰ ਲੈ ਕੇ ਹਾਲ ਹੀ ਵਿੱਚ ਹੈਰਾਨ ਵਾਲੀਆਂ ਖ਼ਬਰਾਂ ਸਾਹਮਣੇ ਆਈਆਂ ਸਨ। ਕਿਹਾ ਜਾ ਰਿਹਾ ਸੀ ਕਿ ਸੀਰੀਅਲ 'ਗੁਮ ਹੈ ਕਿਸੀ ਕੇ ਪਿਆਰ ਮੇਂ' ਫੇਮ ਇਸ ਜੋੜੇ ਦੇ ਰਿਸ਼ਤੇ ਵਿੱਚ ਦਰਾੜ ਆ ਗਈ ਹੈ ਅਤੇ ਦੋਵੇਂ ਜਲਦੀ ਹੀ ਤਲਾਕ ਲੈਣ ਜਾ ਰਹੇ ਹਨ। ਹਾਲ ਹੀ ਵਿੱਚ, ਅਦਾਕਾਰਾ ਐਸ਼ਵਰਿਆ ਸ਼ਰਮਾ ਨੇ ਪਤੀ ਨੀਲ ਨਾਲ ਵੱਖ ਹੋਣ ਦੀਆਂ ਖ਼ਬਰਾਂ ਫੈਲਾਉਣ ਵਾਲੇ ਟ੍ਰੋਲਰਾਂ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਐਸ਼ਵਰਿਆ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕੀਤੀ, ਜਿਸ ਵਿੱਚ ਉਨ੍ਹਾਂ ਨੇ ਟ੍ਰੋਲਰਾਂ ਨੂੰ ਸਖ਼ਤ ਫਟਕਾਰ ਲਗਾਈ।

ਇਹ ਵੀ ਪੜ੍ਹੋ: ਕਾਨੂੰਨੀ ਪਚੜੇ 'ਚ ਫਸੇ ਫ਼ਿਲਮ ਨਿਰਦੇਸ਼ਕ ਵਿਕਰਮ ਭੱਟ, FIR ਹੋਈ ਦਰਜ ! ਜਾਣੋ ਕੀ ਹੈ ਪੂਰਾ ਮਾਮਲਾ

'ਬਿਨਾਂ ਗੱਲੋਂ ਟ੍ਰੋਲ ਹੋ ਰਹੀ ਹਾਂ'

ਐਸ਼ਵਰਿਆ ਸ਼ਰਮਾ ਨੇ ਲਿਖਿਆ, ਲੋਕ ਮੇਰੀ ਜ਼ਿੰਦਗੀ 'ਤੇ ਆਪਣੀ ਰਾਏ ਬਣਾ ਰਹੇ ਹਨ। ਮੈਂ ਕੀ ਕੀਤਾ ਹੈ, ਕੌਣ ਹਾਂ ਮੈਂ? ਇਹ ਸਭ ਜਾਣੇ ਬਿਨਾਂ। ਕੁਝ ਲੋਕ ਇਹ ਵੀ ਕਹਿ ਰਹੇ ਹਨ ਕਿ 'ਇਹ ਸਭ ਕਰਮਾਂ ਹੈ'। ਐਸ਼ਵਰਿਆ ਨੇ ਕਿਹਾ ਕਿ ਅਜਿਹੀਆਂ ਗੱਲਾਂ 'ਤੇ ਭਰੋਸਾ ਕਰਨ ਤੋਂ ਪਹਿਲਾਂ, ਲੋਕਾਂ ਨੂੰ ਉਨ੍ਹਾਂ ਲੋਕਾਂ ਤੋਂ ਪੁੱਛਣਾ ਚਾਹੀਦਾ ਹੈ ਜਿਨ੍ਹਾਂ ਨੇ ਅਸਲ ਵਿੱਚ ਉਨ੍ਹਾਂ ਨਾਲ ਕੰਮ ਕੀਤਾ ਹੈ, ਜਿਵੇਂ ਕਿ ਉਨ੍ਹਾਂ ਦੇ ਸਹਿ-ਕਲਾਕਾਰਾਂ ਅਤੇ ਨਿਰਮਾਤਾਵਾਂ ਤੋਂ। ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਤੋਂ ਉਨ੍ਹਾਂ ਦੀ ਮੰਗਣੀ ਹੋਈ ਸੀ, ਉਹ ਲਗਾਤਾਰ ਬਿਨਾਂ ਗੱਲੋਂ ਟ੍ਰੋਲ ਹੋ ਰਹੀ ਹੈ ਅਤੇ ਇਹ ਚੀਜ਼ ਉਨ੍ਹਾਂ ਨੇ ਹੱਸ ਕੇ ਸਹਿਣ ਕੀਤੀ ਹੈ। ਉਨ੍ਹਾਂ ਨੂੰ ਅਣਜਾਣ ਲੋਕ ਸੁਨੇਹੇ ਭੇਜ ਰਹੇ ਹਨ ਅਤੇ ਯੂਟਿਊਬ ਦੇ ਲਿੰਕ ਭੇਜ ਰਹੇ ਹਨ, ਜਿਨ੍ਹਾਂ 'ਤੇ ਉਨ੍ਹਾਂ ਦੇ ਨਾਮ ਨਾਲ ਗਲਤ ਕਹਾਣੀਆਂ ਬਣਾਈਆਂ ਜਾ ਰਹੀਆਂ ਹਨ। ਐਸ਼ਵਰਿਆ ਨੇ ਕਿਹਾ ਕਿ ਅਜਿਹਾ ਲੱਗ ਰਿਹਾ ਹੈ ਜਿਵੇਂ ਉਨ੍ਹਾਂ ਨੇ ਕਿਸੇ ਨੂੰ ਪਰੇਸ਼ਾਨ ਕੀਤਾ ਹੋਵੇ ਜਾਂ ਕਿਸੇ ਨਾਲ ਗਲਤ ਵਿਵਹਾਰ ਕੀਤਾ ਹੋਵੇ, ਪਰ ਅਸਲ ਵਿੱਚ ਅਜਿਹਾ ਕੁਝ ਵੀ ਨਹੀਂ ਹੈ।

ਇਹ ਵੀ ਪੜ੍ਹੋ: ਵੱਡੀ ਖਬਰ; ਮਿਊਜ਼ਿਕ ਇੰਡਸਟਰੀ 'ਚ ਛਾਇਆ ਮਾਤਮ, 36 ਸਾਲ ਦੀ ਉਮਰ 'ਚ ਇਸ Singer ਨੇ ਛੱਡੀ ਦੁਨੀਆ

'ਲੋਕ ਝੂਠ ਫੈਲਾ ਰਹੇ ਹਨ'

ਐਸ਼ਵਰਿਆ ਸ਼ਰਮਾ ਨੇ ਅਖੀਰ ਵਿੱਚ ਕਿਹਾ ਕਿ ਉਹ ਹਮੇਸ਼ਾ ਸ਼ਾਂਤ ਰਹੀ ਹੈ ਅਤੇ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਕੁਝ ਗਲਤ ਹੋਇਆ ਹੈ। ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ, “ਮੈਂ ਕਦੇ ਕਿਸੇ ਨੂੰ ਜ਼ਿੰਦਗੀ ਵਿੱਚ ਪਰੇਸ਼ਾਨ ਨਹੀਂ ਕੀਤਾ ਹੈ ਅਤੇ ਲੋਕ ਝੂਠ ਫੈਲਾ ਰਹੇ ਹਨ”। ਉਨ੍ਹਾਂ ਨੇ ਟ੍ਰੋਲਰਾਂ ਨੂੰ ਨਸੀਹਤ ਦਿੱਤੀ ਕਿ ਉਨ੍ਹਾਂ ਨੂੰ ਆਪਣੇ ਕਰਮਾਂ ਦਾ ਖਿਆਲ ਰੱਖਣਾ ਚਾਹੀਦਾ ਹੈ ਅਤੇ ਕਿਸੇ ਨੂੰ ਗਲਤ ਕਹਿਣ ਤੋਂ ਪਹਿਲਾਂ ਇੱਕ ਵਾਰ ਜ਼ਰੂਰ ਸੋਚ ਲੈਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ: ਅਦਾਕਾਰਾ ਨੂੰ ਤੰਗ-ਪਰੇਸ਼ਾਨ ਕਰਨ ਦੇ ਦੋਸ਼ 'ਚ ਕਾਰੋਬਾਰੀ ਗ੍ਰਿਫ਼ਤਾਰ; ਵਿਆਹ ਦਾ ਬਣਾ ਰਿਹਾ ਸੀ ਦਬਾਅ

ਨੀਲ ਅਤੇ ਐਸ਼ਵਰਿਆ ਦੀ ਲਵ ਸਟੋਰੀ

ਨੀਲ ਅਤੇ ਐਸ਼ਵਰਿਆ ਦੀ ਪਹਿਲੀ ਮੁਲਾਕਾਤ 'ਗੁਮ ਹੈ ਕਿਸੀ ਕੇ ਪਿਆਰ ਮੇਂ' ਸ਼ੋਅ ਦੌਰਾਨ ਹੋਈ ਸੀ। ਸ਼ੋਅ ਵਿੱਚ ਦਿਓਰ-ਭਾਬੀ ਦਾ ਰੋਲ ਨਿਭਾਉਣ ਵਾਲੇ ਇਸ ਜੋੜੇ ਨੇ ਦੋਸਤੀ ਪਿਆਰ ਵਿੱਚ ਬਦਲਣ 'ਤੇ ਇੱਕ ਸਾਲ ਬਾਅਦ ਹੀ ਵਿਆਹ ਕਰ ਲਿਆ ਸੀ। ਇਸ ਤੋਂ ਬਾਅਦ, ਦੋਵੇਂ 'ਸਮਰਾਟ ਜੋੜੀ' ਅਤੇ 'ਬਿੱਗ ਬੌਸ 17' ਵਿੱਚ ਵੀ ਨਜ਼ਰ ਆਏ। 'ਬਿੱਗ ਬੌਸ 17' ਵਿੱਚ ਐਸ਼ਵਰਿਆ ਨੂੰ ਕਈ ਵਾਰ ਨੀਲ 'ਤੇ ਗੁੱਸਾ ਕਰਦੇ ਅਤੇ ਭੜਕਦੇ ਦੇਖਿਆ ਗਿਆ ਸੀ, ਪਰ ਨੀਲ ਹਰ ਵਾਰ ਉਨ੍ਹਾਂ ਨੂੰ ਪਿਆਰ ਨਾਲ ਮਨਾ ਲੈਂਦੇ ਸਨ।

ਇਹ ਵੀ ਪੜ੍ਹੋ: ਬਹੁਤ ਦੁੱਖ ਦੀ ਗੱਲ: ਧਰਮਿੰਦਰ ਦੀ ਅਦਾਕਾਰਾ ਦੇ ਅੰਤਿਮ ਸੰਸਕਾਰ 'ਚ ਨਹੀਂ ਪੁੱਜਾ ਇਕ ਵੀ ਬਾਲੀਵੁੱਡ ਸਟਾਰ