ਧਾਕੜ ਕ੍ਰਿਕਟਰ ਨੂੰ ਡੇਟ ਕਰ ਰਹੀ ਇਹ Hot ਹਸੀਨਾ! ਜਲਦ ਲੈਣਗੇ ਫੇਰੇ

ਮੁੰਬਈ- 'ਬਿੱਗ ਬੌਸ 11' ਤੋਂ ਸੁਰਖੀਆਂ ਬਟੋਰਨ ਵਾਲੀ ਅਦਾਕਾਰਾ ਅਰਸ਼ੀ ਖਾਨ ਇੱਕ ਵਾਰ ਫਿਰ ਚਰਚਾ ਵਿੱਚ ਹੈ। ਇਸ ਵਾਰ ਉਨ੍ਹਾਂ ਦੇ ਕਰੀਅਰ ਕਾਰਨ ਨਹੀਂ, ਸਗੋਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ਛਿੜੀ ਹੈ। ਮੀਡੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਅਰਸ਼ੀ ਖਾਨ ਅਫਗਾਨਿਸਤਾਨ ਦੇ ਕ੍ਰਿਕਟਰ ਆਫਤਾਬ ਆਲਮ ਨੂੰ ਡੇਟ ਕਰ ਰਹੀ ਹੈ। ਸੂਤਰਾਂ ਦੇ ਹਵਾਲੇ ਤੋਂ ਖ਼ਬਰ ਹੈ ਕਿ ਅਰਸ਼ੀ ਅਤੇ ਆਫਤਾਬ ਆਲਮ ਕਾਫੀ ਸਮੇਂ ਤੋਂ ਰਿਲੇਸ਼ਨਸ਼ਿਪ ਵਿੱਚ ਹਨ ਅਤੇ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ।
ਜਲਦ ਵਿਆਹ ਦੀ ਤਿਆਰੀ
ਰਿਪੋਰਟ ਅਨੁਸਾਰ ਇਸ ਜੋੜੇ ਨੇ ਹੁਣ ਆਪਣੇ ਰਿਸ਼ਤੇ ਨੂੰ ਅਗਲੇ ਪੜਾਅ 'ਤੇ ਲੈ ਜਾਣ ਦਾ ਫੈਸਲਾ ਕਰ ਲਿਆ ਹੈ। ਯਾਨੀ ਕਿ ਅਰਸ਼ੀ ਖਾਨ ਅਤੇ ਆਫਤਾਬ ਆਲਮ ਵਿਆਹ ਦੀ ਯੋਜਨਾ ਬਣਾ ਰਹੇ ਹਨ। ਰਿਪੋਰਟਾਂ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਜੇਕਰ ਸਭ ਕੁਝ ਠੀਕ ਰਿਹਾ, ਤਾਂ ਇਹ ਜੋੜਾ ਫਰਵਰੀ 2026 ਵਿੱਚ ਵਿਆਹ ਕਰ ਸਕਦਾ ਹੈ।

ਫੈਨਜ਼ ਨੂੰ ਇੰਤਜ਼ਾਰ, ਅਰਸ਼ੀ ਦਾ ਪੁਰਾਣਾ ਬਿਆਨ
ਅਰਸ਼ੀ ਖਾਨ ਅਤੇ ਆਫਤਾਬ ਆਲਮ ਦੇ ਵਿਆਹ ਦੀਆਂ ਖ਼ਬਰਾਂ ਨੇ ਪ੍ਰਸ਼ੰਸਕਾਂ ਵਿੱਚ ਹਲਚਲ ਮਚਾ ਦਿੱਤੀ ਹੈ ਅਤੇ ਹਰ ਕੋਈ ਇਸ ਖ਼ਬਰ 'ਤੇ ਉਨ੍ਹਾਂ ਦੇ ਰਿਐਕਸ਼ਨ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਹਾਲਾਂਕਿ ਹੁਣ ਤੱਕ ਅਰਸ਼ੀ ਜਾਂ ਆਫਤਾਬ ਵੱਲੋਂ ਇਸ ਬਾਰੇ ਕੋਈ ਜਵਾਬ ਨਹੀਂ ਆਇਆ ਹੈ।
ਜ਼ਿਕਰਯੋਗ ਹੈ ਕਿ ਕੁਝ ਮਹੀਨੇ ਪਹਿਲਾਂ, ਅਰਸ਼ੀ ਖਾਨ ਨੇ ਆਪਣੀ ਵਿਆਹ ਦੀ ਯੋਜਨਾ ਬਾਰੇ ਗੱਲ ਕਰਦੇ ਹੋਏ ਕਿਹਾ ਸੀ ਕਿ ਉਹ ਜਲਦਬਾਜ਼ੀ ਵਿੱਚ ਵਿਆਹ ਨਹੀਂ ਕਰਨਾ ਚਾਹੁੰਦੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਇੱਕ ਸਟੇਬਲ ਰਿਸ਼ਤਾ ਚਾਹੁੰਦੀ ਹੈ, ਨਾ ਕਿ ਅਸਫਲ ਵਿਆਹ ਅਤੇ ਬਾਅਦ ਵਿੱਚ ਤਲਾਕ।