ਦਿੱਲੀ ਲਈ ਸਪਾਈਸ ਜੈੱਟ ਦੀ ਫਲਾਈਟ ਨੇ 1 ਘੰਟਾ ਦੀ ਦੇਰੀ ਨਾਲ ਭਰੀ ਉਡਾਣ

1/21/2021 10:48:01 AM

ਜਲੰਧਰ (ਸਲਵਾਨ)– ਜਲੰਧਰ ਦੇ ਆਦਮਪੁਰ ਏਅਰਪੋਰਟ ਤੋਂ ਰਾਜਧਾਨੀ ਦਿੱਲੀ ਲਈ ਦੋਆਬਾ ਖੇਤਰ ਦੀ ਇਕਲੌਤੀ ਸਪਾਈਸ ਜੈੱਟ ਦੀ ਫਲਾਈਟ ਨੇ 1 ਘੰਟਾ 35 ਮਿੰਟ ਦੇਰੀ ਨਾਲ ਉਡਾਣ ਭਰੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਗਵਾਲੀਅਰ ਵਿਚ ਧੁੰਦ ਕਾਰਣ ਫਲਾਈਟ ਲੇਟ ਹੁੰਦੀ ਹੈ ਕਿਉਂਕਿ ਸਪਾਈਸ ਜੈੱਟ ਦੀ ਫਲਾਈਟ ਗਵਾਲੀਅਰ ਤੋਂ ਦਿੱਲੀ ਹੋ ਕੇ ਆਦਮਪੁਰ ਆਉਂਦੀ ਹੈ। ਸਪਾਈਸ ਜੈੱਟ ਦੀ ਫਲਾਈਟ ਰਾਜਧਾਨੀ ਦਿੱਲੀ ਤੋਂ ਜਲੰਧਰ ਦੇ ਆਦਮਪੁਰ ਏਅਰਪੋਰਟ ਲਈ 1 ਘੰਟਾ 35 ਮਿੰਟ ਦੇਰੀ ਨਾਲ ਚੱਲੀ। 

ਆਮ ਤੌਰ ’ਤੇ ਸਪਾਈਸ ਜੈੱਟ ਦੀ ਫਲਾਈਟ ਦਾ ਰਾਜਧਾਨੀ ਦਿੱਲੀ ਤੋਂ ਆਦਮਪੁਰ ਏਅਰਪੋਰਟ ਚੱਲਣ ਦਾ ਸਮਾਂ ਦੁਪਹਿਰ 3 ਵੱਜ ਕੇ 40 ਮਿੰਟ ’ਤੇ ਹੈ ਅਤੇ ਆਦਮਪੁਰ ਏਅਰਪੋਰਟ ’ਤੇ ਦੁਪਹਿਰ 4 ਵੱਜ ਕੇ 45 ਮਿੰਟ ’ਤੇ ਪਹੁੰਚਦੀ ਹੈ, ਉਥੇ ਹੀ ਬੁੱਧਵਾਰ ਨੂੰ ਦਿੱਲੀ ਤੋਂ ਆਦਮਪੁਰ ਏਅਰਪੋਰਟ ਸਪਾਈਸ ਜੈੱਟ ਦੀ ਫਲਾਈਟ ਨੇ ਸ਼ਾਮ 5 ਵੱਜ ਕੇ 17 ਮਿੰਟ ’ਤੇ ਉਡਾਣ ਭਰੀ ਅਤੇ ਉਹ ਸ਼ਾਮ 6 ਵੱਜ ਕੇ 9 ਮਿੰਟ ’ਤੇ ਆਦਮਪੁਰ ਏਅਰਪੋਰਟ ਪਹੁੰਚੀ।

ਉਥੇ ਹੀ ਆਦਮਪੁਰ ਏਅਰਪੋਰਟ ਤੋਂ ਦਿੱਲੀ ਏਅਰਪੋਰਟ ਲਈ ਇਹ ਫਲਾਈਟ 1 ਘੰਟਾ 35 ਮਿੰਟ ਦੇਰੀ ਨਾਲ ਸ਼ਾਮ 6 ਵੱਜ ਕੇ 42 ਮਿੰਟ ’ਤੇ ਚੱਲੀ ਅਤੇ ਉਹ ਸ਼ਾਮ 7 ਵੱਜ ਕੇ 31 ਮਿੰਟ ’ਤੇ ਦਿੱਲੀ ਪਹੁੰਚੀ। ਆਮ ਤੌਰ ’ਤੇ ਸਪਾਈਸ ਜੈੱਟ ਦੀ ਫਲਾਈਟ ਆਦਮਪੁਰ ਤੋਂ ਦਿੱਲੀ ਲਈ ਸ਼ਾਮ 5 ਵੱਜ ਕੇ 5 ਮਿੰਟ ’ਤੇ ਚੱਲਦੀ ਹੈ ਅਤੇ ਦਿੱਲੀ ਸ਼ਾਮ 6 ਵੱਜ ਕੇ 20 ਮਿੰਟ ’ਤੇ ਪਹੁੰਚਦੀ ਹੈ।


shivani attri

Content Editor shivani attri