ਰਾਮਾ-ਸ਼ਿਆਮਾ ਤੁਲਸੀ ''ਚ ਕੀ ਹੈ ਫਰਕ?  ਜਾਣੋ ਘਰ ''ਚ ਕਿਹੜਾ ਬੂਟਾ ਲਗਾਉਣਾ ਹੁੰਦਾ ਹੈ ਸ਼ੁੱਭ

ਨਵੀਂ ਦਿੱਲੀ - ਘਰ ਵਿੱਚ ਤੁਲਸੀ ਦਾ ਬੂਟਾ ਲਗਾਉਣ ਦੇ ਕਈ ਫਾਇਦੇ ਦੱਸੇ ਗਏ ਹਨ। ਇਸ ਨੂੰ ਹਿੰਦੂ ਧਰਮ ਵਿੱਚ ਵੀ ਬਹੁਤ ਪਵਿੱਤਰ ਮੰਨਿਆ ਜਾਂਦਾ ਹੈ। ਇਸ ਲਈ ਲੋਕ ਇਸਨੂੰ ਆਪਣੇ ਘਰਾਂ ਵਿੱਚ ਲਗਾ ਲੈਂਦੇ ਹਨ। ਪਰ ਸ਼ਾਇਦ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਤੁਲਸੀ ਦੀਆਂ ਦੋ ਕਿਸਮਾਂ ਹਨ, ਰਾਮਾ ਤੁਲਸੀ ਅਤੇ ਕ੍ਰਿਸ਼ਨ(ਸ਼ਾਮਾ) ਤੁਲਸੀ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਇਨ੍ਹਾਂ ਦੋਹਾਂ ਤੁਲਸੀ 'ਚ ਕੀ ਫਰਕ ਹੈ ਅਤੇ ਦੋਵਾਂ 'ਚ ਕੀ ਖਾਸੀਅਤ ਹੈ। ਇਸ ਤੋਂ ਇਲਾਵਾ ਅਸੀਂ ਤੁਹਾਨੂੰ ਇਹ ਵੀ ਦੱਸਾਂਗੇ ਕਿ ਤੁਲਸੀ ਦਾ ਬੂਟਾ ਕਿਸ ਦਿਸ਼ਾ 'ਚ ਲਗਾਉਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ :     ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਨੇ ਕੀਤੀ ਸਭ ਤੋਂ ਵੱਧ ਕਮਾਈ, ਟਾਟਾ ਦੀ ਇਸ ਕੰਪਨੀ ਨੂੰ ਹੋਇਆ ਘਾਟਾ

ਦੋਵਾਂ ਦੀ ਵਿਸ਼ੇਸ਼ਤਾ ਕੀ ਹੈ?

ਰਾਮ ਤੁਲਸੀ ਅਤੇ ਕ੍ਰਿਸ਼ਨ ਤੁਲਸੀ ਜਿਸ ਨੂੰ ਸ਼ਿਆਮ ਤੁਲਸੀ ਵੀ ਕਿਹਾ ਜਾਂਦਾ ਹੈ। ਇਹ ਦੋਵੇਂ ਤੁਲਸੀ ਦਿੱਖ ਵਿਚ ਵੱਖ-ਵੱਖ ਹਨ। ਰਾਮ ਤੁਲਸੀ ਦਾ ਰੰਗ ਹਰਾ ਹੈ ਅਤੇ ਕ੍ਰਿਸ਼ਨ ਤੁਲਸੀ ਦਾ ਰੰਗ ਬੈਂਗਣੀ ਹੈ। ਇਨ੍ਹਾਂ ਦੋਹਾਂ ਦੀ ਖੁਸ਼ਬੂ ਵੀ ਵੱਖ-ਵੱਖ ਹੈ। ਰਾਮ ਤੁਲਸੀ ਦੀ ਖੁਸ਼ਬੂ ਬਹੁਤ ਕਮਜ਼ੋਰ ਹੈ ਅਤੇ ਕ੍ਰਿਸ਼ਨ ਤੁਲਸੀ ਦੀ ਖੁਸ਼ਬੂ ਬਹੁਤ ਤੇਜ਼ ਹੈ।

ਕ੍ਰਿਸ਼ਨ ਤੁਲਸੀ ਦਾ ਸੁਭਾਅ ਵੀ ਗਰਮ ਹੈ ਅਤੇ ਰਾਮ ਤੁਲਸੀ ਦਾ ਸੁਭਾਅ ਠੰਡਾ ਹੈ। ਸਵਾਦ ਦੇ ਹਿਸਾਬ ਨਾਲ ਕ੍ਰਿਸ਼ਨ ਤੁਲਸੀ ਤਿੱਖੀ ਹੁੰਦੀ ਹੈ, ਇਸਦਾ ਸਵਾਦ ਲੌਂਗ-ਕਾਲੀ ਮਿਰਚ ਵਰਗਾ ਹੁੰਦਾ ਹੈ ਪਰ ਇਸਨੂੰ ਖਾਣ ਨਾਲ ਮੂੰਹ ਵਿੱਚ ਠੰਡਕ ਦਾ ਅਹਿਸਾਸ ਹੁੰਦਾ ਹੈ। ਇਸ ਤਰ੍ਹਾਂ ਤੁਸੀਂ ਠੰਡ ਦੇ ਮੌਸਮ 'ਚ ਕ੍ਰਿਸ਼ਨ ਤੁਲਸੀ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਦਾ ਸੁਭਾਅ ਵੀ ਗਰਮ ਹੁੰਦਾ ਹੈ ਅਤੇ ਇਸ ਨੂੰ ਕਾੜ੍ਹੇ ਵਿਚ ਮਿਲਾ ਕੇ ਵੀ ਸੇਵਨ ਕੀਤਾ ਜਾ ਸਕਦਾ ਹੈ। ਇਸ ਦੇ ਉਲਟ ਰਾਮ ਤੁਲਸੀ ਸੁਆਦ ਵਿਚ ਮਿੱਠੀ ਹੁੰਦੀ ਹੈ।

ਇਹ ਵੀ ਪੜ੍ਹੋ :    ਕਿਸਾਨ ਮੋਰਚੇ ਦਾ ਵੱਡਾ ਐਲਾਨ ; ਭਲਕੇ ਫੂਕੇ ਜਾਣਗੇ ਕੇਂਦਰ ਤੇ ਹਰਿਆਣਾ ਸਰਕਾਰ ਦੇ ਪੁਤਲੇ

ਘਰ ਵਿੱਚ ਕਿਹੜੀ ਤੁਲਸੀ ਲਗਾਉਣੀ ਹੈ?

ਜੇਕਰ ਅਸੀਂ ਗੱਲ ਕਰੀਏ ਕਿ ਘਰ ਵਿੱਚ ਕਿਹੜੀ ਤੁਲਸੀ ਸਹੀ ਹੈ ਤਾਂ ਜੇਕਰ ਤੁਸੀਂ ਦੋਨਾਂ ਵਿੱਚੋਂ ਇੱਕ ਤੁਲਸੀ ਨੂੰ ਚੁਣਨਾ ਚਾਹੁੰਦੇ ਹੋ ਤਾਂ ਤੁਸੀਂ ਘਰ ਵਿੱਚ ਕ੍ਰਿਸ਼ਨ ਤੁਲਸੀ ਲਗਾ ਸਕਦੇ ਹੋ। ਜੇਕਰ ਘਰ ਵਿੱਚ ਜਗ੍ਹਾ ਹੈ ਤਾਂ ਤੁਸੀਂ ਘਰ ਵਿੱਚ ਦੋਵੇਂ ਤੁਲਸੀ ਲਗਾ ਸਕਦੇ ਹੋ ਪਰ ਜੇਕਰ ਤੁਸੀਂ ਇੱਕ ਤੁਲਸੀ ਦੀ ਚੋਣ ਕਰਨਾ ਚਾਹੁੰਦੇ ਹੋ ਤਾਂ ਘਰ ਵਿੱਚ ਕ੍ਰਿਸ਼ਨ ਤੁਲਸੀ ਲਗਾਉਣਾ ਬਿਹਤਰ ਹੋਵੇਗਾ।

ਇਸ ਨੂੰ ਕਿਸ ਦਿਸ਼ਾ ਵਿੱਚ ਲਗਾਉਣਾ ਚਾਹੀਦਾ ਹੈ

ਵਾਸਤੂ ਸ਼ਾਸਤਰ ਅਨੁਸਾਰ ਤੁਲਸੀ ਦਾ ਬੂਟਾ ਉੱਤਰ-ਪੂਰਬ ਦਿਸ਼ਾ ਵਿੱਚ ਲਗਾਉਣਾ ਚਾਹੀਦਾ ਹੈ। ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਤੁਲਸੀ ਲਗਾਉਣ ਲਈ ਪੱਛਮ ਜਾਂ ਉੱਤਰ-ਪੂਰਬ ਦਿਸ਼ਾ ਵੀ ਠੀਕ ਹੈ। ਪਰ ਤੁਲਸੀ ਨੂੰ ਕਦੇ ਵੀ ਦੱਖਣ ਦਿਸ਼ਾ ਵਿੱਚ ਨਹੀਂ ਲਗਾਉਣਾ ਚਾਹੀਦਾ।

ਇਨ੍ਹਾਂ ਗੱਲਾਂ ਦਾ ਵੀ ਧਿਆਨ ਰੱਖੋ

ਜੇਕਰ ਤੁਲਸੀ ਦਾ ਬੂਟਾ ਸੁੱਕ ਜਾਵੇ ਤਾਂ ਇਸ ਨੂੰ ਸੁੱਟਿਆ ਨਹੀਂ ਜਾਣਾ ਚਾਹੀਦਾ ਸਗੋਂ ਇਸ ਨੂੰ ਪਾਣੀ ਵਿੱਚ ਪ੍ਰਵਾਹਿਤ ਕਰ ਦੇਣਾ ਚਾਹੀਦਾ ਹੈ।

ਇਸ ਪੌਦੇ ਨੂੰ ਲਗਾਉਣ ਦਾ ਸ਼ੁਭ ਦਿਨ ਕਾਰਤਿਕ ਮਹੀਨੇ ਦਾ ਵੀਰਵਾਰ ਮੰਨਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ :    ਜਲੰਧਰ ਪੁਲਸ ਦੀ ਵੱਡੀ ਕਾਰਵਾਈ, ਲੰਡਾ ਗੈਂਗ ਦੇ ਅੰਤਰਰਾਜੀ ਹਥਿਆਰਾਂ ਦੀ ਤਸਕਰੀ ਦੇ ਨੈੱਟਵਰਕ ਦਾ ਕੀਤਾ ਪਰਦਾਫਾਸ਼

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8