Vastu Tips: ਹਲਦੀ ਨਾਲ ਜੁੜੇ ਇਹ ਟੋਟਕੇ ਬਦਲ ਦੇਣਗੇ ਕਿਸਮਤ, ਹਰ ਕੰਮ ''ਚ ਮਿਲੇਗੀ ਸਫ਼ਲਤਾ

ਨਵੀਂ ਦਿੱਲੀ- ਹਿੰਦੂ ਧਰਮ 'ਚ ਹਲਦੀ ਨੂੰ ਬਹੁਤ ਪਵਿੱਤਰ ਮੰਨਿਆ ਗਿਆ ਹੈ ਅਤੇ ਇਹੀ ਕਾਰਨ ਹੈ ਕਿ ਹਲਦੀ ਤੋਂ ਬਿਨਾਂ ਕੋਈ ਵੀ ਪੂਜਾ ਪੂਰੀ ਨਹੀਂ ਹੁੰਦੀ। ਹਲਦੀ ਦੀ ਵਿਸ਼ੇਸ਼ਤਾ ਸਿਰਫ਼ ਮਸਾਲਿਆਂ ਤੱਕ ਹੀ ਸੀਮਤ ਨਹੀਂ ਹੈ। ਆਯੁਰਵੇਦ 'ਚ ਹਲਦੀ ਨੂੰ ਇੱਕ ਦਵਾਈ ਮੰਨਿਆ ਜਾਂਦਾ ਹੈ। ਵਾਸਤੂ ਸ਼ਾਸਤਰ 'ਚ ਹਲਦੀ ਦੀ ਵਰਤੋਂ ਕਈ ਤਰੀਕਿਆਂ ਨਾਲ ਕੀਤੀ ਜਾਂਦੀ ਹੈ। ਹਲਦੀ ਭਗਵਾਨ ਵਿਸ਼ਨੂੰ ਨੂੰ ਬਹੁਤ ਪਿਆਰੀ ਹੈ, ਇਸ ਲਈ ਵੀਰਵਾਰ ਨੂੰ ਹਲਦੀ ਦੇ ਕੁਝ ਨੁਸਖ਼ੇ ਜ਼ਿਆਦਾ ਕਾਰਗਰ ਮੰਨੇ ਜਾਂਦੇ ਹਨ। ਹਲਦੀ ਦੇ ਨੁਸਖ਼ੇ ਨਾ ਸਿਰਫ਼ ਕਿਸਮਤ ਨੂੰ ਖੋਲ੍ਹਣ ਦਾ ਕੰਮ ਕਰਦੇ ਹਨ, ਸਗੋਂ ਨਜ਼ਰ ਦੋਸ਼ ਨੂੰ ਵੀ ਦੂਰ ਕਰਦੇ ਹਨ। ਕੁੰਡਲੀ 'ਚ ਗੁਰੂ ਦੀ ਸਥਿਤੀ ਨੂੰ ਮਜ਼ਬੂਤ ​​ਕਰਨ ਲਈ ਹਲਦੀ ਨੂੰ ਵੀ ਬਹੁਤ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਹਲਦੀ ਨਾਲ ਜੁੜੇ ਇਨ੍ਹਾਂ ਟੋਟਕਿਆਂ ਦੇ ਬਾਰੇ।
ਹਲਦੀ ਨਾਲ ਸਬੰਧਤ ਪੱਕੇ ਉਪਾਅ
-ਜੇਕਰ ਤੁਹਾਨੂੰ ਕਾਫ਼ੀ ਮਿਹਨਤ ਦੇ ਬਾਅਦ ਵੀ ਸਫ਼ਲਤਾ ਨਹੀਂ ਮਿਲ ਰਹੀ ਹੈ ਤਾਂ ਬੁੱਧਵਾਰ ਜਾਂ ਵੀਰਵਾਰ ਨੂੰ ਭਗਵਾਨ ਗਣੇਸ਼ ਨੂੰ ਹਲਦੀ ਦੀ ਮਾਲਾ ਚੜ੍ਹਾਓ। ਅਜਿਹਾ ਕਰਨ ਨਾਲ ਕੰਮ 'ਚ ਆਉਣ ਵਾਲੀਆਂ ਸਾਰੀਆਂ ਰੁਕਾਵਟਾਂ ਦੂਰ ਹੋ ਜਾਂਦੀਆਂ ਹਨ। ਹਲਦੀ ਦੀ ਇੱਕ ਗੰਢ ਲਾਲ ਕੱਪੜੇ 'ਚ ਬੰਨ੍ਹ ਕੇ ਤਿਜੋਰੀ 'ਚ ਰੱਖੋ ਅਤੇ ਹਰ ਰੋਜ਼ ਇਸ ਦੀ ਪੂਜਾ ਕਰੋ। ਅਜਿਹਾ ਕਰਨ ਨਾਲ ਮਾਂ ਲਕਸ਼ਮੀ ਖੁਸ਼ ਹੁੰਦੀ ਹੈ।
-ਜੇਕਰ ਤੁਹਾਡਾ ਪੈਸਾ ਕਿਤੇ ਫਸਿਆ ਹੋਇਆ ਹੈ ਜਾਂ ਕਿਸੇ ਕੰਮ 'ਚ ਲੰਬੇ ਸਮੇਂ ਤੋਂ ਅਟਕ ਗਿਆ ਹੈ ਤਾਂ ਚੌਲਾਂ ਨੂੰ ਹਲਦੀ ਨਾਲ ਰੰਗੋ ਅਤੇ ਲਾਲ ਕੱਪੜੇ 'ਚ ਬੰਨ੍ਹ ਕੇ ਆਪਣੇ ਪਰਸ 'ਚ ਰੱਖੋ। ਅਜਿਹਾ ਕਰਨ ਨਾਲ ਫਸਿਆ ਹੋਇਆ ਪੈਸਾ ਜਲਦੀ ਵਾਪਸ ਆ ਜਾਂਦਾ ਹੈ।
-ਜੇਕਰ ਤੁਸੀਂ ਕਿਸੇ ਸ਼ੁਭ ਕੰਮ ਲਈ ਜਾ ਰਹੇ ਹੋ ਤਾਂ ਗਣੇਸ਼ ਨੂੰ ਹਲਦੀ ਦਾ ਟਿੱਕਾ ਲਗਾਓ ਅਤੇ ਫਿਰ ਮੱਥੇ 'ਤੇ ਹਲਦੀ ਦਾ ਤਿਲਕ ਲਗਾਓ ਅਤੇ ਘਰ ਤੋਂ ਬਾਹਰ ਨਿਕਲ ਜਾਓ। ਅਜਿਹਾ ਕਰਨ ਨਾਲ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ ਅਤੇ ਕੰਮ 'ਚ ਤਰੱਕੀ ਮਿਲਦੀ ਹੈ।
-ਜੇਕਰ ਤੁਸੀਂ ਬੁਰੇ ਸੁਫ਼ਨਿਆਂ ਤੋਂ ਪਰੇਸ਼ਾਨ ਹੋ ਤਾਂ ਹਲਦੀ ਦੀ ਇਕ ਗੰਢ 'ਤੇ ਮੌਲੀ ਬੰਨ੍ਹ ਕੇ ਉਸ ਨੂੰ ਆਪਣੇ ਸਿਰ੍ਹਾਣੇ ਰੱਖ ਕੇ ਸੌਂ ਜਾਓ। ਅਜਿਹਾ ਕਰਨ ਨਾਲ ਬੁਰੇ ਸੁਫ਼ਨੇ ਆਉਣੇ ਬੰਦ ਹੋ ਜਾਂਦੇ ਹਨ।
-ਦੇਵਗੁਰੂ ਬ੍ਰਹਸਪਤੀ ਅਤੇ ਭਗਵਾਨ ਵਿਸ਼ਨੂੰ ਨੂੰ ਖੁਸ਼ ਕਰਨ ਲਈ ਵੀਰਵਾਰ ਨੂੰ ਛੋਲਿਆਂ ਦੀ ਦਾਲ ਅਤੇ ਹਲਦੀ ਦਾ ਦਾਨ ਕਰੋ। ਭਗਵਾਨ ਵਿਸ਼ਨੂੰ ਅਤੇ ਮਾਂ ਲਕਸ਼ਮੀ ਦੀਆਂ ਮੂਰਤੀਆਂ ਦੇ ਸਾਹਮਣੇ ਰੋਜ਼ਾਨਾ ਇੱਕ ਚੁਟਕੀ ਹਲਦੀ ਚੜ੍ਹਾਉਣ ਨਾਲ ਮਨਚਾਹੇ ਜੀਵਨ ਸਾਥੀ ਦੀ ਪ੍ਰਾਪਤੀ ਹੁੰਦੀ ਹੈ। ਇਸ ਉਪਾਅ ਨਾਲ ਵਿਆਹ 'ਚ ਆਉਣ ਵਾਲੀ ਰੁਕਾਵਟ ਵੀ ਦੂਰ ਹੋ ਜਾਂਦੀ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।