ਘਰ ''ਚ ਚਾਹੁੰਦੇ ਹੋ ਖੁਸ਼ਹਾਲੀ ਤੇ ਪੈਸੇ ''ਚ ਬਰਕਤ, ਤਾਂ ਘਰ ਦੇ ਮੁੱਖ ਦਰਵਾਜ਼ੇ ''ਤੇ ਜ਼ਰੂਰ ਰੱਖੋ ਇਹ ਸ਼ੁੱਭ ਚੀਜ਼ਾਂ

ਨਵੀਂ ਦਿੱਲੀ- ਹਮੇਸ਼ਾ ਲੋਕ ਇਸ ਗੱਲ ਤੋਂ ਪਰੇਸ਼ਾਨ ਰਹਿੰਦੇ ਹਨ ਕਿ ਉਨ੍ਹਾਂ ਦੇ ਹੱਥਾਂ 'ਚ ਪੈਸਾ ਨਹੀਂ ਟਿੱਕਦਾ। ਪੈਸਾ ਤਾਂ ਖ਼ੂਬ ਆਉਂਦਾ ਹੈ ਪਰ ਟਿੱਕਦਾ ਨਹੀਂ। ਕਿਸੇ ਨਾ ਕਿਸੇ ਕਾਰਨ ਕਰਕੇ ਤੁਰੰਤ ਖ਼ਰਚ ਹੋ ਜਾਂਦਾ ਹੈ, ਜਿਸ ਕਾਰਨ ਪਰਿਵਾਰ ਨੂੰ ਆਰਥਿਕ ਪਰੇਸ਼ਾਨੀਆਂ ਤੋਂ ਇਲਾਵਾ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹੇ 'ਚ ਜਦੋਂ ਕੋਸ਼ਿਸ਼ ਕਰਨ ਤੋਂ ਬਾਅਦ ਵੀ ਪੈਸੇ ਜ਼ਿਆਦਾ ਖ਼ਰਚ ਹੋਣ ਲੱਗਦੇ ਹਨ ਤਾਂ ਇਸ ਲਈ ਕਈ ਕਾਰਨ ਹੋ ਸਕਦੇ ਹਨ। ਇਨ੍ਹਾਂ 'ਚੋਂ ਇਕ ਵਾਸਤੂ ਦੋਸ਼ ਵੀ ਹੋ ਸਕਦਾ ਹੈ। ਵਾਸਤੂ ਦੇ ਕੁਝ ਉਪਾਵਾਂ ਨੂੰ ਕਰਕੇ ਤੁਸੀਂ ਆਪਣੇ ਘਰ 'ਚ ਖੁਸ਼ਹਾਲੀ ਅਤੇ ਪੈਸੇ ਨੂੰ ਲੈ ਕੇ ਕੁਝ ਸਮੱਸਿਆ ਦਾ ਹੱਲ ਕਰ ਸਕਦੇ ਹੋ। ਵਾਸਤੂ ਸ਼ਾਸਤਰ ਅਨੁਸਾਰ ਘਰ ਦਾ ਮੁੱਖ ਦਰਵਾਜ਼ਾ ਬਹੁਤ ਮੁੱਖ ਹੁੰਦਾ ਹੈ ਇਸ ਲਈ ਲੋਕ ਆਪਣੇ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਸ਼ੁੱਭ ਚੀਜ਼ਾਂ ਲਗਾਉਂਦੇ ਹਨ। ਕਿਹਾ ਜਾਂਦਾ ਹੈ ਕਿ ਇਨ੍ਹਾਂ ਚੀਜ਼ਾਂ ਨੂੰ ਲਗਾਉਣ ਨਾਲ ਸਕਾਰਾਤਮਕ ਊਰਜਾ ਦਾ ਪ੍ਰਭਾਵ ਵਧਦਾ ਹੈ ਅਤੇ ਫਿਜ਼ੂਲ ਖ਼ਰਚਾ ਵੀ ਘੱਟ ਹੁੰਦਾ ਹੈ। ਨਾਲ ਹੀ ਪਰਿਵਾਰ 'ਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਆਓ ਜਾਣਦੇ ਹਾਂ ਕਿ ਉਨ੍ਹਾਂ ਸ਼ੁੱਭ ਚੀਜ਼ਾਂ ਦੇ ਬਾਰੇ 'ਚ ... 

ਸ਼ੁੱਭ ਲਾਭ
ਵਾਸਤੂ ਅਨੁਸਾਰ ਨਕਾਰਾਤਮਕ ਊਰਜਾ ਤੋਂ ਬਚਣ ਲਈ ਘਰ ਦੇ ਮੁੱਖ ਦਰਵਾਜ਼ੇ ਦੇ ਦੋਵਾਂ ਪਾਸੇ ਸ਼ੁੱਭ ਲਾਭ ਲਿਖਣਾ ਚਾਹੀਦਾ ਹੈ। ਇਹ ਬਹੁਤ ਹੀ ਸ਼ੁੱਭ ਮੰਨਿਆ ਜਾਂਦਾ ਹੈ।
ਮੰਗਲ ਕਲਸ਼
ਕਲਸ਼ ਦਾ ਸੰਬੰਧ ਖੁਸ਼ਹਾਲੀ ਨਾਲ ਹੈ। ਇਹ ਸ਼ੁੱਕਰ ਅਤੇ ਚੰਦਰਮਾ ਦਾ ਪ੍ਰਤੀਕ ਹੈ। ਕਲਸ਼ ਦੀ ਸਥਾਪਨਾ ਮੁੱਖ ਤੌਰ ਤੇ ਦੋ ਥਾਵਾਂ 'ਤੇ ਕੀਤੀ ਜਾ ਸਕਦੀ ਹੈ ਪਹਿਲਾ ਮੁੱਖ ਗੇਟ ਅਤੇ ਦੂਜਾ ਪੂਜਾ ਦਾ ਸਥਾਨ। ਮੁੱਖ ਦਰਵਾਜ਼ੇ 'ਤੇ ਰੱਖੇ ਕਲਸ਼ ਦਾ ਚਿਹਰਾ ਚੌੜਾ ਅਤੇ ਖੁੱਲ੍ਹਾ ਹੋਣਾ ਚਾਹੀਦਾ ਹੈ। ਇਸ ਨੂੰ ਪਾਣੀ ਨਾਲ ਭਰਿਆ ਜਾਣਾ ਚਾਹੀਦਾ ਹੈ ਜੇ ਸੰਭਵ ਹੋਵੇ ਤਾਂ ਇਸ ਵਿੱਚ ਕੁਝ ਫੁੱਲਾਂ ਦੀਆਂ ਪੱਤੀਆਂ ਰੱਖੀਆਂ ਜਾਣੀਆਂ ਚਾਹੀਦੀਆਂ ਹਨ। ਮੁੱਖ ਦਰਵਾਜ਼ੇ 'ਤੇ ਪਾਣੀ ਨਾਲ ਭਰੇ ਭਾਂਡੇ ਰੱਖਣ ਨਾਲ ਘਰ ਵਿੱਚ ਖੁਸ਼ਹਾਲੀ ਆਉਂਦੀ ਹੈ। ਕੋਈ ਨਕਾਰਾਤਮਕ ਊਰਜਾ ਘਰ ਵਿੱਚ ਦਾਖਲ ਨਹੀਂ ਹੁੰਦੀ।
ਵੰਦਨਵਰ 
ਕਿਸੇ ਵੀ ਸ਼ੁਭ ਕਾਰਜ ਜਾਂ ਤਿਉਹਾਰ ਤੋਂ ਪਹਿਲਾਂ, ਬੰਦਨਵਾਰ ਨੂੰ ਮੁੱਖ ਗੇਟ 'ਤੇ ਲਗਾਇਆ ਜਾਂਦਾ ਹੈ। ਅੰਬ ਦੇ ਪੱਤਿਆਂ ਦਾ ਵੰਦਨਵਰ ਸਭ ਤੋਂ ਉੱਤਮ ਮੰਨਿਆ ਜਾਂਦਾ ਹੈ। ਮੰਗਲਵਾਰ ਨੂੰ ਇਸਨੂੰ ਲਾਗਾਉਂਣਾ ਸਭ ਤੋਂ ਵਧੀਆ ਹੁੰਦਾ ਹੈ।
ਅੰਬ ਦੇ ਪੱਤੇ
ਅੰਬ ਦੇ ਪੱਤਿਆਂ ਵਿੱਚ ਖੁਸ਼ੀਆਂ ਨੂੰ ਆਕਰਸ਼ਿਤ ਕਰਨ ਦੀ ਸਮਰੱਥਾ ਹੁੰਦੀ ਹੈ। ਇਸ ਦੇ ਪੱਤਿਆਂ ਦੀ ਵਿਸ਼ੇਸ਼ ਖੁਸ਼ਬੂ ਮਨ ਦੀ ਚਿੰਤਾ ਨੂੰ ਵੀ ਦੂਰ ਕਰਦੀ ਹੈ। ਇਸ ਨੂੰ ਬਾਹਰ ਵੱਲ ਲਗਾਉਣ ਨਾਲ ਘਰ ਵਿੱਚ ਪੈਸੇ ਦੀ ਕਮੀ ਹੋਵੇਗੀ ਅਤੇ ਗਰੀਬੀ ਵਧੇਗੀ। ਇਸ ਨੂੰ ਅੰਦਰ ਵੱਲ ਲਗਾਉਣ ਨਾਲ, ਰੁਕਾਵਟਾਂ ਖਤਮ ਹੋ ਜਾਣਗੀਆਂ ਅਤੇ ਹਰ ਕੰਮ ਵਿੱਚ ਸਫਲਤਾ ਪ੍ਰਾਪਤ ਹੋਵੇਗੀ।
ਸਵਸਤਿਕਾ
ਸਵਸਤਿਕਾ ਚਾਰ ਬਾਹਾਂ ਨਾਲ ਬਣੀ ਇੱਕ ਵਿਸ਼ੇਸ਼ ਕਿਸਮ ਦੀ ਮੂਰਤੀ ਹੈ। ਆਮ ਤੌਰ 'ਤੇ ਇਸਦੀ ਵਰਤੋਂ ਕਿਸੇ ਸਥਾਨ ਦੀ ਊਰਜਾ ਨੂੰ ਵਧਾਉਣ ਜਾਂ ਘਟਾਉਣ ਜਾਂ ਸੰਤੁਲਿਤ ਕਰਨ ਲਈ ਕੀਤੀ ਜਾਂਦੀ ਹੈ। ਇਸ ਦੀ ਗਲਤ ਵਰਤੋਂ ਤੁਹਾਨੂੰ ਮੁਸੀਬਤ ਵਿੱਚ ਪਾ ਸਕਦੀ ਹੈ ਅਤੇ ਸਹੀ ਵਰਤੋਂ ਤੁਹਾਨੂੰ ਜੀਵਨ ਦੀਆਂ ਸਾਰੀਆਂ ਸਮੱਸਿਆਵਾਂ ਤੋਂ ਦੂਰ ਕਰ ਸਕਦੀ ਹੈ। ਲਾਲ ਅਤੇ ਨੀਲੇ ਸਵਸਤਿਕਾਂ ਨੂੰ ਖਾਸ ਤੌਰ ਤੇ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਘਰ ਦੇ ਮੁੱਖ ਦਰਵਾਜ਼ੇ ਦੇ ਦੋਵੇਂ ਪਾਸੇ ਲਾਲ ਸਵਾਸਤਿਕ ਲਗਾਉਣ ਨਾਲ ਘਰ ਦੇ ਵਾਸਤੂ ਅਤੇ ਦਿਸ਼ਾ ਦੋਸ਼ ਦੂਰ ਹੁੰਦੇ ਹਨ। ਮੁੱਖ ਦਰਵਾਜ਼ੇ ਦੇ ਉੱਪਰ ਕੇਂਦਰ ਵਿੱਚ ਨੀਲਾ ਸਵਾਸਤਿਕ ਰੱਖਣ ਨਾਲ ਘਰ ਦੇ ਲੋਕਾਂ ਦੀ ਸਿਹਤ ਚੰਗੀ ਰਹਿੰਦੀ ਹੈ।
ਮਾਂ ਲਕਸ਼ਮੀ ਦੇ ਪੈਰ
ਵਾਸਤੂ ਸ਼ਾਸਤਰ ਮੁਤਾਬਕ ਮਾਂ ਲਕਸ਼ਮੀ ਦੇ ਪੈਰਾਂ ਦੀ ਤਸਵੀਰ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਲਗਾਉਣ ਨਾਲ ਧਨ-ਦੌਲਤ ਅਤੇ ਖੁਸ਼ਹਾਲੀ ਆਉਂਦੀ ਹੈ। ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਦੇਵੀ ਲਕਸ਼ਮੀ ਦੇ ਪੈਰ ਜ਼ਰੂਰ ਲਗਾਓ। 
ਗਣੇਸ਼ ਜੀ ਦਾ ਮੁੱਖ
ਘਰ ਵਿੱਚ ਖੁਸ਼ੀਆਂ ਅਤੇ ਸ਼ੁਭਕਾਮਨਾਵਾਂ ਲਿਆਉਣ ਲਈ, ਲੋਕ ਮੁੱਖ ਦਰਵਾਜ਼ੇ ਉੱਤੇ ਗਣੇਸ਼ ਜੀ ਦੀ ਤਸਵੀਰ ਜਾਂ ਮੂਰਤੀ ਲਗਾਉਂਦੇ ਹਨ, ਪਰ ਨਿਯਮਾਂ ਅਤੇ ਜਾਣਕਾਰੀ ਦੇ ਬਿਨਾਂ, ਮੁਸ਼ਕਲਾਂ ਵਧ ਜਾਂਦੀਆਂ ਹਨ। ਗਣੇਸ਼ ਦੀ ਪਿੱਠ ਵੱਲ ਗਰੀਬੀ ਅਤੇ ਪੇਟ ਵੱਲ ਖੁਸ਼ਹਾਲੀ ਹੈ। ਇਸ ਲਈ, ਜਦੋਂ ਵੀ ਗਣੇਸ਼ ਜੀ ਨੂੰ ਮੁੱਖ ਦਰਵਾਜ਼ੇ 'ਤੇ ਲਗਾਓ ਤਾਂ ਉਨ੍ਹਾਂ ਨੂੰ ਅੰਦਰ ਵੱਲ ਲਗਾਓ।