ਵਾਸਤੂ ਮੁਤਾਬਕ ਘਰ ਦੇ ਮੰਦਰ ''ਚ ਭੁੱਲ ਕੇ ਵੀ ਨਹੀਂ ਰੱਖਣੀਆਂ ਚਾਹੀਦੀਆਂ ਇਹ ਚੀਜ਼ਾਂ

ਨਵੀਂ ਦਿੱਲੀ- ਸਨਾਤਨ ਪਰੰਪਰਾ 'ਚ ਭਗਵਾਨ ਦੀ ਪੂਜਾ ਦਾ ਬਹੁਤ ਮਹੱਤਵ ਹੈ। ਇਹੀ ਕਾਰਨ ਹੈ ਕਿ ਹਰ ਵਿਅਕਤੀ ਦੇ ਘਰ 'ਚ ਇੱਕ ਮੰਦਰ ਹੁੰਦਾ ਹੈ ਜਿਸ 'ਚ ਉਹ ਭਗਵਾਨ ਦੀ ਪੂਜਾ ਕਰਦਾ ਹੈ। ਪੂਜਾ ਲਈ ਉਹ ਇੱਕ ਵਿਸ਼ੇਸ਼ ਕੋਨਾ ਨਿਰਧਾਰਤ ਕਰਦਾ ਹੈ। ਅਧਿਆਤਮਿਕ ਦ੍ਰਿਸ਼ਟੀਕੋਣ ਨਾਲ ਘਰ 'ਚ ਮੰਦਰ ਜਾਂ ਪੂਜਾ ਸਥਾਨ ਸਕਾਰਾਤਮਕ ਊਰਜਾ ਦਾ ਕੇਂਦਰ ਹੁੰਦਾ ਹੈ। ਅਸੀਂ ਜਿੱਥੇ ਵੀ ਜਾਂਦੇ ਹਾਂ ਉਥੇ ਵੱਡੀ ਤੋਂ ਵੱਡੀ ਸਮੱਸਿਆ ਦਾ ਸਾਹਮਣਾ ਕਰਨ ਦੀ ਸ਼ਕਤੀ ਪ੍ਰਾਪਤ ਹੁੰਦੀ ਹੈ। ਸਾਨੂੰ ਹਮੇਸ਼ਾ ਵਾਸਤੂ ਨਿਯਮਾਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਅਧਿਆਤਮਿਕ ਸ਼ਕਤੀ ਅਤੇ ਸ਼ਾਂਤੀ ਦੇਣ ਵਾਲੇ ਇਸ ਪੂਜਾ ਸਥਾਨ ਨੂੰ ਬਣਾਉਣ ਨਾਲ ਘਰ ਦੇ ਅੰਦਰ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਬਣਿਆ ਰਹਿੰਦਾ ਹੈ। ਆਓ ਜਾਣਦੇ ਹਾਂ ਘਰ ਦੇ ਮੰਦਰ ਨਾਲ ਜੁੜੇ ਮਹੱਤਵਪੂਰਨ ਵਾਸਤੂ ਨਿਯਮ।

ਇਹ ਵੀ ਪੜ੍ਹੋ- ਬੇਮੌਸਮ ਬਾਰਿਸ਼ ਨਾਲ ਕਣਕ ਦੀ ਫਸਲ ਨੂੰ ਕੁਝ ਨੁਕਸਾਨ, ਸੂਬਿਆਂ ਤੋਂ ਰਿਪੋਰਟ ਮਿਲਣਾ ਬਾਕੀ : ਕੇਂਦਰ
-ਵਾਸਤੂ ਅਨੁਸਾਰ ਘਰ 'ਚ ਪੂਜਾ ਸਥਾਨ ਹਮੇਸ਼ਾ ਈਸ਼ਾਨ ਕੋਣ ਜਾਂ ਉੱਤਰ ਦਿਸ਼ਾ 'ਚ ਹੀ ਬਣਾਉਣਾ ਚਾਹੀਦਾ ਹੈ ਅਤੇ ਇਸ ਸਥਾਨ 'ਤੇ ਮੰਦਰ 'ਚ ਦੇਵੀ ਦਾ ਵੀ ਵਾਸ ਹੁੰਦਾ ਹੈ। ਦੇਵਤਾ ਨੂੰ ਇਸ ਤਰ੍ਹਾਂ ਰੱਖੋ ਕਿ ਪੂਜਾ ਕਰਦੇ ਸਮੇਂ ਤੁਹਾਡਾ ਮੂੰਹ ਹਮੇਸ਼ਾ ਪੂਰਬ ਵੱਲ ਹੋਵੇ।
-ਘਰ ਦੇ ਅੰਦਰ ਬਣਾਏ ਜਾਣ ਵਾਲੇ ਮੰਦਰ ਦੀ ਉਚਾਈ ਉਸ ਦੀ ਚੌੜਾਈ ਤੋਂ ਦੁੱਗਣੀ ਹੋਣੀ ਚਾਹੀਦੀ ਹੈ ਅਤੇ ਇਸ ਮੰਦਰ ਨੂੰ ਕੰਧ 'ਤੇ ਇੰਨੀ ਉਚਾਈ 'ਤੇ ਬਣਾਇਆ ਜਾਣਾ ਚਾਹੀਦਾ ਹੈ ਕਿ ਪੂਜਾ ਘਰ 'ਚ ਰੱਖੀਆਂ ਭਗਵਾਨ ਦੀਆਂ ਮੂਰਤੀਆਂ ਤੁਹਾਡੇ ਦਿਲ ਤੱਕ ਰਹਿਣ। ਘਰ ਦੇ ਮੰਦਰ 'ਚ ਕਦੇ ਵੀ ਵੱਡੀਆਂ ਮੂਰਤੀਆਂ ਨਹੀਂ ਰੱਖਣੀਆਂ ਚਾਹੀਦੀਆਂ। ਵਾਸਤੂ ਅਨੁਸਾਰ ਪੂਜਾ ਘਰ 'ਚ ਨੌਂ ਉਂਗਲਾਂ ਤੱਕ ਦੀ ਮੂਰਤੀ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ- ਗਰਮੀਆਂ 'ਚ ਜ਼ਰੂਰ ਕਰੋ 'ਤਰ' ਦੀ ਵਰਤੋਂ, ਸਰੀਰ 'ਚ ਪਾਣੀ ਦੀ ਘਾਟ ਸਣੇ ਹੋਣਗੇ ਹੋਰ ਵੀ ਲਾਭ
-ਪੂਜਾ ਘਰ 'ਚ ਕਦੇ ਵੀ ਟੁੱਟੀ ਹੋਈ ਮੂਰਤੀ ਨਹੀਂ ਰੱਖਣੀ ਚਾਹੀਦੀ। ਇਸੇ ਤਰ੍ਹਾਂ ਜੇਕਰ ਪੂਜਾ ਘਰ 'ਚ ਕੋਈ ਵੀ ਦੇਵੀ-ਦੇਵਤੇ ਦੀ ਫਟੀ ਹੋਈ ਜਾਂ ਰੰਗਹੀਨ ਤਸਵੀਰ ਨਹੀਂ ਰੱਖਣੀ ਚਾਹੀਦੀ। ਅਜਿਹੀ ਤਸਵੀਰ ਜਾਂ ਮੂਰਤੀ ਨੂੰ ਕਿਸੇ ਪਵਿੱਤਰ ਸਥਾਨ 'ਤੇ ਲਿਜਾ ਕੇ ਦਫ਼ਨਾਉਣਾ ਚਾਹੀਦਾ ਹੈ। ਮਰੇ ਹੋਏ ਵਿਅਕਤੀ ਦੀ ਤਸਵੀਰ ਨੂੰ ਕਦੇ ਵੀ ਪੂਜਾ ਘਰ 'ਚ ਨਹੀਂ ਰੱਖਣਾ ਚਾਹੀਦਾ ਹੈ।
-ਵਾਸਤੂ ਦੇ ਅਨੁਸਾਰ, ਪੂਜਾ ਰੂਮ ਕਦੇ ਵੀ ਸਟੋਰਰੂਮ, ਬੈੱਡਰੂਮ ਜਾਂ ਬੇਸਮੈਂਟ 'ਚ ਨਹੀਂ ਹੋਣਾ ਚਾਹੀਦਾ ਹੈ। ਪੂਜਾ ਘਰ ਹਮੇਸ਼ਾ ਖੁੱਲ੍ਹੀ ਥਾਂ 'ਤੇ ਹੀ ਬਣਾਉਣਾ ਚਾਹੀਦਾ ਹੈ।

ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।