Vastu Tips: ਪੂਰਬ ਅਤੇ ਦੱਖਣ ਦਿਸ਼ਾ ਵਿੱਚ ਭੁੱਲ ਕੇ ਵੀ ਨਾ ਕਰੋ ਨੀਲਾ ਰੰਗ
4/11/2022 4:23:18 PM
ਨਵੀਂ ਦਿੱਲੀ - ਵਾਸਤੂ ਸ਼ਾਸਤਰ ਵਿੱਚ ਰੰਗ ਬਹੁਤ ਮਹੱਤਵਪੂਰਨ ਸਥਾਨ ਰੱਖਦੇ ਹਨ। ਰੰਗਾਂ ਦਾ ਤੁਹਾਡੇ ਘਰ ਦੀ ਨਕਾਰਾਤਮਕਤਾ ਅਤੇ ਸਕਾਰਾਤਮਕਤਾ 'ਤੇ ਡੂੰਘਾ ਪ੍ਰਭਾਵ ਪੈਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਹੀ ਇੱਕ ਰੰਗ ਬਾਰੇ ਦੱਸਣ ਜਾ ਰਹੇ ਹਾਂ। ਨੀਲਾ ਰੰਗ ਤੁਹਾਡੇ ਘਰ ਨੂੰ ਠੰਡਾ ਮਹਿਸੂਸ ਕਰਵਾਉਂਦਾ ਹੈ। ਕਈ ਲੋਕ ਇਸ ਦੀ ਵਰਤੋਂ ਘਰ ਨੂੰ ਸਜਾਉਣ ਲਈ ਕਰਦੇ ਹਨ। ਤਾਂ ਆਓ ਜਾਣਦੇ ਹਾਂ ਇਸ ਰੰਗ ਨਾਲ ਸਬੰਧਤ ਕੁਝ ਵਾਸਤੂ ਟਿਪਸ।
ਇਹ ਵੀ ਪੜ੍ਹੋ : ਮਹਿਮਾ ‘ਰਾਮ ਨਾਮ’ ਰੂਪੀ ਅੰਮਿ੍ਰਤ ਦੀ
ਰਸੋਈ 'ਚ ਨੀਲੇ ਰੰਗ ਦੀ ਵਰਤੋਂ ਨਾ ਕਰੋ
ਰਸੋਈ ਵਿੱਚ ਨੀਲੇ ਰੰਗ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਨੀਲਾ ਰੰਗ ਜ਼ਹਿਰ ਨੂੰ ਵੀ ਦਰਸਾਉਂਦਾ ਹੈ। ਤੁਸੀਂ ਦੇਖਿਆ ਹੋਵੇਗਾ ਕਿ ਜਦੋਂ ਵੀ ਰਸੋਈ 'ਚ ਕੋਈ ਚੀਜ਼ ਖਰਾਬ ਹੁੰਦੀ ਹੈ ਤਾਂ ਉਸ ਦਾ ਰੰਗ ਨੀਲਾ ਹੋ ਜਾਂਦਾ ਹੈ। ਇਹ ਤੁਹਾਡੀ ਰਸੋਈ ਨੂੰ ਨਕਾਰਾਤਮਕ ਊਰਜਾ ਪ੍ਰਦਾਨ ਕਰ ਸਕਦਾ ਹੈ। ਇਸ ਲਈ ਰਸੋਈ 'ਚ ਇਸ ਰੰਗ ਤੋਂ ਪਰਹੇਜ਼ ਕਰਨਾ ਚਾਹੀਦਾ।
ਫਰਸ਼ ਦੀ ਕੰਧ ਅਤੇ ਟਾਇਲਸ
ਬਾਜ਼ਾਰ ਵਿੱਚ ਵੱਖ-ਵੱਖ ਤਰ੍ਹਾਂ ਦੀਆਂ ਟਾਈਲਾਂ ਉਪਲਬਧ ਹਨ। ਪਰ ਕਈ ਲੋਕ ਘਰ ਲਈ ਨੀਲੇ ਰੰਗ ਦੀਆਂ ਟਾਈਲਾਂ ਦੀ ਵਰਤੋਂ ਕਰਦੇ ਹਨ। ਵਾਸਤੂ ਅਨੁਸਾਰ ਜੇਕਰ ਤੁਹਾਡਾ ਘਰ ਉੱਤਰ ਵੱਲ ਹੈ ਤਾਂ ਹੀ ਤੁਸੀਂ ਫਰਸ਼ ਅਤੇ ਕੰਧ 'ਤੇ ਨੀਲੇ ਰੰਗ ਦੀਆਂ ਟਾਈਲਾਂ ਦੀ ਵਰਤੋਂ ਕਰ ਸਕਦੇ ਹੋ।
ਪੈਸੇ ਦੀ ਅਲਮਾਰੀ
ਜਿਸ ਅਲਮਾਰੀ 'ਚ ਤੁਸੀਂ ਪੈਸੇ ਰੱਖਦੇ ਹੋ, ਉਸ 'ਚ ਵੀ ਨੀਲੇ ਰੰਗ ਦੀ ਵਰਤੋਂ ਨਾ ਕਰੋ। ਨੀਲਾ ਰੰਗ ਤਰਲਤਾ ਨੂੰ ਦਰਸਾਉਂਦਾ ਹੈ। ਅਲਮਾਰੀ 'ਚ ਨੀਲੇ ਰੰਗ ਦੀ ਵਰਤੋਂ ਕਰਨ ਨਾਲ ਪੈਸਾ ਕਦੇ ਵੀ ਇਕ ਥਾਂ 'ਤੇ ਨਹੀਂ ਰਹਿੰਦਾ ਅਤੇ ਤੁਹਾਨੂੰ ਪੈਸੇ ਨਾਲ ਜੁੜੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਹ ਵੀ ਪੜ੍ਹੋ : ਘਰ ਦੀ ਇਸ ਦਿਸ਼ਾ 'ਚ ਨਹੀਂ ਹੋਣੀਆਂ ਚਾਹੀਦੀਆਂ ਇਹ ਚੀਜ਼ਾਂ, ਬਣ ਸਕਦੀਆਂ ਹਨ ਮੁਸੀਬਤਾਂ ਦਾ ਕਾਰਨ
ਦੱਖਣ ਦਿਸ਼ਾ ਵਿੱਚ ਵਰਤੋਂ ਨਾ ਕਰੋ
ਨੀਲੇ ਰੰਗ ਨੂੰ ਪਾਣੀ ਦਾ ਰੰਗ ਮੰਨਿਆ ਜਾਂਦਾ ਹੈ। ਵਾਸਤੂ ਅਨੁਸਾਰ ਇਸ ਦੀ ਵਰਤੋਂ ਕਦੇ ਵੀ ਦੱਖਣ ਦਿਸ਼ਾ ਵੱਲ ਨਹੀਂ ਕਰਨੀ ਚਾਹੀਦੀ। ਇਸ ਨਾਲ ਘਰ ਵਿੱਚ ਕਲੇਸ਼ ਦਾ ਮਾਹੌਲ ਬਣ ਜਾਂਦਾ ਹੈ। ਪਤੀ-ਪਤਨੀ ਦੇ ਸਬੰਧਾਂ ਵਿੱਚ ਵੀ ਕੁੜੱਤਣ ਪੈਦਾ ਹੁੰਦੀ ਹੈ। ਘਰ ਦੇ ਮੁਖੀ ਨੂੰ ਵੀ ਸਿਹਤ ਸੰਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਪੂਰਬ ਦਿਸ਼ਾ ਵਿੱਚ ਵਰਤੋਂ ਨਾ ਕਰੋ
ਵਾਸਤੂ ਵਿਚ ਪੂਰਬ ਦਿਸ਼ਾ ਨੂੰ ਸੂਰਜ ਦੀ ਦਿਸ਼ਾ ਮੰਨਿਆ ਜਾਂਦਾ ਹੈ। ਸੂਰਜ ਸੁਭਾਅ ਤੋਂ ਗਰਮ ਹੈ। ਇਸ ਲਈ ਇਸ ਦਿਸ਼ਾ 'ਚ ਕਦੇ ਵੀ ਨੀਲੇ ਰੰਗ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਪੂਰੀ ਦੀਵਾਰ ਨੂੰ ਕਦੇ ਵੀ ਪੂਰਬ ਦਿਸ਼ਾ ਵਿੱਚ ਨੀਲੇ ਰੰਗ ਵਿੱਚ ਪੇਂਟ ਨਾ ਕਰੋ।
ਇਹ ਵੀ ਪੜ੍ਹੋ : Home Sutra:ਪੀਲਾ ਰੰਗ ਲਿਆਵੇਗਾ ਖੁਸ਼ਹਾਲੀ, ਜਾਣੋ ਕਿਸ ਕੰਧ 'ਤੇ ਕਰਵਾਉਣਾ ਚਾਹੀਦਾ ਹੈ ਕਿਹੜਾ ਰੰਗ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
