Vastu Tips : ਮਾਂ ਲਕਸ਼ਮੀ ਆਵੇਗੀ ਤੁਹਾਡੇ ਘਰ, ਜੇਕਰ ਸਵੇਰੇ ਉੱਠ ਕੇ ਕਰੋਗੇ ਇਹ ਕੰਮ

ਨਵੀਂ ਦਿੱਲੀ - ਹਰ ਵਿਅਕਤੀ ਚਾਹੁੰਦਾ ਹੈ ਕਿ ਉਨ੍ਹਾਂ ਦੇ ਘਰ ਮਾਂ ਲਕਸ਼ਮੀ ਦੀ ਕਿਰਪਾ ਬਣੀ ਰਹੇ। ਵਾਸਤੂ ਸ਼ਾਸਤਰ ਵਿੱਚ ਬਹੁਤ ਸਾਰੇ ਅਜਿਹੇ ਉਪਾਅ ਦੱਸੇ ਗਏ ਹਨ, ਜਿਨ੍ਹਾਂ ਨੂੰ ਅਪਣਾ ਕੇ ਤੁਸੀਂ ਧਨ ਦੀ ਦੇਵੀ ਲਕਸ਼ਮੀ ਨੂੰ ਖੁਸ਼ ਕਰ ਸਕਦੇ ਹੋ। ਮਾਂ ਦੀ ਕਿਰਪਾ ਨਾਲ ਮਨੁੱਖ ਨੂੰ ਭੋਜਨ, ਪੈਸੇ ਅਤੇ ਕੱਪੜੇ ਮਿਲਦੇ ਹਨ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਸਵੇਰੇ ਉੱਠਣ ਤੋਂ ਬਾਅਦ ਤੁਹਾਨੂੰ ਕਿਹੜੇ ਕੰਮ ਕਰਨੇ ਚਾਹੀਦੇ ਹਨ, ਤਾਂ ਜੋ ਤੁਹਾਡੇ ਘਰ ਵਿੱਚ ਦੇਵੀ ਲਕਸ਼ਮੀ ਦਾ ਆਸ਼ੀਰਵਾਦ ਬਣਿਆ ਰਹੇ।

ਘਰ ਵਿਚ ਪਿਆਰ ਅਤੇ ਸ਼ਾਂਤੀ ਦਾ ਮਾਹੌਲ ਬਣਾਓ

ਸਭ ਤੋਂ ਪਹਿਲਾਂ ਤਾਂ ਘਰ ਵਿਚ ਪਿਆਰ ਅਤੇ ਸ਼ਾਂਤੀ ਦਾ ਮਾਹੌਲ ਬਣਾ ਕੇ ਰੱਖੋ ਕਿਉਂਕਿ ਕਲੇਸ਼ ਵਾਲੇ ਘਰ ਵਿਚ ਮਾਤਾ ਲਕਸ਼ਮੀ ਵਾਸ ਨਹੀਂ ਕਰਦੇ। ਇਸ ਦੇ ਕਾਰਨ ਧਨ ਦਾ ਨੁਕਸਾਨ ਹੁੰਦਾ ਹੈ ਕਿਉਂਕਿ ਝਗੜੇ ਦੀ ਨੈਗੇਟਿਵ ਐਨਰਜੀ ਆਰਥਿਕ ਸਥਿਤੀ ਉੱਤੇ ਬੁਰਾ ਅਸਰ ਪਾਉਂਦੀ ਹੈ। ਇਸ ਦੇ ਨਾਲ ਹੀ ਤਰੱਕੀ ਵਿਚ ਵੀ ਰੁਕਾਵਟ ਪੈਦਾ ਕਰਦੀ ਹੈ। ਇਸ ਕਰਕੇ ਖ਼ਾਸ ਕਰਕੇ ਸਵੇਰੇ ਉੱਠਦੇ ਹੀ ਸਕਾਰਾਤਮਕ ਵਾਤਾਵਰਣ ਬਣਾ ਕੇ ਰੱਖੋ। 

ਇਹ ਵੀ ਪੜ੍ਹੋ :  Vastu Tips : ਆਰਥਿਕ ਲਾਭ ਲਈ ਘਰ ਦੀ ਇਸ ਦਿਸ਼ਾ ਚ ਲਗਾਓ ਮਨੀ ਪਲਾਂਟ, ਨਹੀਂ ਹੋਵੇਗੀ ਪੈਸੇ ਦੀ ਕਮੀ

ਤੁਲਸੀ ਦੇ ਪੱਤਿਆਂ ਵਾਲਾ ਪਾਣੀ ਛਿੜਕੋ

ਘਰ ਦੀਆਂ ਔਰਤਾਂ ਜਾਂ ਬਜ਼ੁਰਗ ਮੈਂਬਰ ਨੂੰ ਸਵੇਰੇ ਜਲਦੀ ਉੱਠ ਕੇ ਨਹਾਉਣਾ ਚਾਹੀਦਾ ਹੈ ਅਤੇ ਤੁਲਸੀ ਨੂੰ ਤਾਂਬੇ ਦੇ ਭਾਂਡੇ ਨਾਲ ਜਲ ਚੜ੍ਹਾਉਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਤੁਲਸੀ ਦੇ ਪੱਤੇ ਨੂੰ ਕੁਝ ਪਾਣੀ ਵਿੱਚ ਪਾ ਕੇ ਪੂਜਾ ਕਰੋ ਅਤੇ ਫਿਰ ਇਸਨੂੰ ਪੂਰੇ ਘਰ ਦੇ ਕੋਨਿਆਂ ਅਤੇ ਮੁੱਖ ਦਰਵਾਜ਼ੇ ਤੇ ਛਿੜਕੋ। ਇਹ ਜਲ ਘਰ ਦੀ ਨਕਾਰਾਤਮਕ ਊਰਜਾ ਨੂੰ ਦੂਰ ਕਰੇਗਾ ਅਤੇ ਖੁਸ਼ਹਾਲੀ ਲਿਆਏਗਾ।

ਇਹ ਵੀ ਪੜ੍ਹੋ : Vastu Tips:ਗਲਤ ਦਿਸ਼ਾ ਵਿੱਚ ਰੱਖੀ ਤਿਜੌਰੀ ਖ਼ਤਮ ਕਰ ਦਿੰਦੀ ਹੈ ਘਰ ਦੀ ਬਰਕਤ

ਤੁਲਸੀ ਨੂੰ ਇਸ ਤਰ੍ਹਾਂ ਚੜ੍ਹਾਓ ਪਾਣੀ

ਤੁਲਸੀ ਨੂੰ ਜਲ ਚੜ੍ਹਾਉਣ ਵੇਲੇ, ਭਗਵਾਨ ਵਿਸ਼ਨੂੰ ਦੇ ਮੰਤਰ 'ਓਮ ਨਮੋ ਭਗਵਤੇ ਵਾਸੁਦੇਵਯ' ਦਾ ਜਾਪ ਕਰੋ। ਇਸ ਨਾਲ ਘਰ ਦੀ ਗਰੀਬੀ ਦੂਰ ਹੋਵੇਗੀ ਅਤੇ ਮਾਂ ਲਕਸ਼ਮੀ ਦੀ ਕਿਰਪਾ ਵੀ ਬਣੀ ਰਹੇਗੀ।

ਇੱਕ ਦੀਵਾ ਜਗਾਓ

ਹਰ ਰੋਜ਼ ਸਵੇਰੇ ਉੱਠੋ ਅਤੇ ਘਰ ਦੀ ਸਫਾਈ ਕਰੋ। ਇਸ ਤੋਂ ਬਾਅਦ ਪੂਜਾ ਕਰੋ ਫਿਰ ਦਰਵਾਜ਼ੇ ਦੇ ਕੋਲ ਸ਼ੁੱਧ ਘਿਓ ਦਾ ਦੀਵਾ ਜਗਾ ਕੇ ਰੱਖੋ। ਇਸ ਨਾਲ ਘਰ ਵਿੱਚ ਮਾਂ ਲਕਸ਼ਮੀ ਦਾ ਆਗਮਨ ਹੋਵੇਗਾ।

ਇਹ ਵੀ ਪੜ੍ਹੋ : ਸਵੇਰ ਦੇ ਸਮੇਂ ਪੈਰਾਂ ਸਮੇਤ ਸਰੀਰ ਦੇ ਇਨ੍ਹਾਂ ਹਿੱਸਿਆਂ 'ਤੇ ਖ਼ਾਰਸ਼ ਹੋਣਾ ਹੁੰਦਾ ਹੈ ਸ਼ੁਭ, ਜਾਣੋ ਇਸ ਦੇ ਅਰਥ

ਮਾਪਿਆਂ ਦੇ ਪੈਰ ਛੂਹੋ

ਜਦੋਂ ਤੁਸੀਂ ਸਵੇਰੇ ਉੱਠਦੇ ਹੋ, ਪਹਿਲਾਂ ਆਪਣੇ ਮਾਪਿਆਂ ਦੇ ਪੈਰਾਂ ਨੂੰ ਛੋਹਵੋ। ਇਸ ਨਾਲ ਘਰ ਵਿੱਚ ਸਕਾਰਾਤਮਕ ਮਾਹੌਲ ਦੇ ਨਾਲ ਤੁਹਾਡਾ ਆਤਮ ਵਿਸ਼ਵਾਸ ਵਧੇਗਾ।

ਸੂਰਜ ਦੀ ਪੂਜਾ ਕਰੋ

ਸਵੇਰੇ ਜਲਦੀ ਉੱਠੋ ਅਤੇ ਤਾਂਬੇ ਦੇ ਭਾਂਡੇ ਵਿੱਚ ਪਾਣੀ ਅਤੇ ਲਾਲ ਸਿੰਧੂਰ ਪਾ ਕੇ ਸੂਰਜ ਨੂੰ ਜਲ ਭੇਟ ਕਰੋ। ਅਜਿਹਾ ਕਰਨ ਨਾਲ ਘਰ ਵਿੱਚ ਸਕਾਰਾਤਮਕ ਊਰਜਾ, ਸ਼ਾਂਤੀ ਅਤੇ ਦੌਲਤ ਆਉਂਦੀ ਹੈ।

ਇਹ ਵੀ ਪੜ੍ਹੋ : Vastu Tips : ਆਰਥਿਕ ਮੰਦੀ ਅਤੇ ਗ੍ਰਹਿਆਂ ਦੇ ਅਸ਼ੁੱਭ ਪ੍ਰਭਾਵਾਂ ਨੂੰ ਦੂਰ ਕਰਨ ਲਈ ਕਰੋ ਇਹ ਉਪਾਅ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।