Vastu Tips: ਘਰ ਦੀ ਇਸ ਦਿਸ਼ਾ ''ਚ ਭੁੱਲ ਕੇ ਵੀ ਨਾ ਬਣਵਾਓ ਪੌੜੀਆਂ, ਹੋਵੇਗਾ ਨੁਕਸਾਨ
6/21/2023 11:28:46 AM
ਨਵੀਂ ਦਿੱਲੀ- ਹਰ ਘਰ 'ਚ ਪੌੜੀਆਂ ਹੁੰਦੀਆਂ ਹਨ। ਘਰ ਬਣਾਉਂਦੇ ਸਮੇਂ ਕਈ ਲੋਕ ਵਾਸਤੂ ਅਨੁਸਾਰ ਘਰ ਬਣਵਾ ਲੈਂਦੇ ਹਨ। ਜੇਕਰ ਘਰ ਦੀ ਵਾਸਤੂ ਸਹੀ ਹੈ ਤਾਂ ਘਰ 'ਚ ਸਕਾਰਾਤਮਕ ਊਰਜਾ ਬਣੀ ਰਹਿੰਦੀ ਹੈ। ਪਰ ਦੂਜੇ ਪਾਸੇ ਜੇਕਰ ਘਰ 'ਚ ਕੋਈ ਵਾਸਤੂ ਨੁਕਸ ਹੈ ਤਾਂ ਵਿਅਕਤੀ ਨੂੰ ਜੀਵਨ 'ਚ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਘਰ ਦੀਆਂ ਪੌੜੀਆਂ ਨੂੰ ਲੈ ਕੇ ਕੁਝ ਵਾਸਤੂ ਨਿਯਮ ਵੀ ਦੱਸੇ ਗਏ ਹਨ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ...
ਪੌੜੀਆਂ ਦੇ ਹੇਠਾਂ ਨਾ ਰੱਖੋ ਕਬਾੜ
ਕਦੇ ਵੀ ਕਬਾੜ ਦਾ ਸਮਾਨ ਪੌੜੀਆਂ ਦੇ ਹੇਠਾਂ ਨਾ ਰੱਖੋ। ਇਸ ਨਾਲ ਤੁਹਾਡੇ ਘਰ 'ਚ ਵਾਸਤੂ ਨੁਕਸ ਹੋ ਸਕਦੇ ਹਨ। ਇਸ ਦੇ ਨਾਲ ਹੀ ਘਰ 'ਚ ਨਕਾਰਾਤਮਕ ਊਰਜਾ ਦਾ ਸੰਚਾਰ ਹੁੰਦਾ ਹੈ।
ਇਹ ਵੀ ਪੜ੍ਹੋ: ਏਅਰ ਇੰਡੀਆ ਦਾ ਰਿਕਾਰਡ ਤੋੜ ਸਕਦੀ ਹੈ ਇੰਡੀਗੋ, 500 ਜਹਾਜ਼ਾਂ ਦੇ ਆਰਡਰ ਨੂੰ ਮਿਲ ਸਕਦੀ ਹੈ ਮਨਜ਼ੂਰੀ
ਵਾਟਰ ਕੂਲਰ ਜਾਂ ਇਲੈਕਟ੍ਰਾਨਿਕ ਚੀਜ਼ਾਂ
ਵਾਸਤੂ ਅਨੁਸਾਰ ਵਾਟਰ ਕੂਲਰ ਜਾਂ ਇਲੈਕਟ੍ਰਾਨਿਕ ਚੀਜ਼ਾਂ ਨੂੰ ਕਦੇ ਵੀ ਪੌੜੀਆਂ ਦੇ ਹੇਠਾਂ ਨਹੀਂ ਰੱਖਣਾ ਚਾਹੀਦਾ। ਇਹ ਚੀਜ਼ਾਂ ਤੁਹਾਡੇ ਘਰ 'ਚ ਵਾਸਤੂ ਨੁਕਸ ਪੈਦਾ ਕਰ ਸਕਦੀਆਂ ਹਨ।
ਇਸ ਦਿਸ਼ਾ 'ਚ ਬਣਾਓ ਪੌੜੀਆਂ
ਵਾਸਤੂ ਸ਼ਾਸਤਰ 'ਚ ਦਿਸ਼ਾ ਦਾ ਵੀ ਬਹੁਤ ਮਹੱਤਵ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਦੱਖਣ-ਪੱਛਮ ਦਿਸ਼ਾ 'ਚ ਪੌੜੀਆਂ ਚੜ੍ਹਨਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਵਿਅਕਤੀ ਦੇ ਜੀਵਨ 'ਚ ਧਨ-ਦੌਲਤ ਅਤੇ ਵਿਕਾਸ ਹੁੰਦਾ ਹੈ। ਇਸ ਦਿਸ਼ਾ 'ਚ ਪੌੜੀਆਂ ਚੜ੍ਹਨ ਨਾਲ ਵੀ ਵਿਅਕਤੀ ਦੇ ਜੀਵਨ 'ਚ ਤਰੱਕੀ ਹੁੰਦੀ ਹੈ।
ਵਿਚਕਾਰਲਾ ਹਿੱਸਾ
ਘਰ ਦੇ ਵਿਚਕਾਰਲੇ ਹਿੱਸੇ 'ਚ ਕਦੇ ਵੀ ਪੌੜੀਆਂ ਨਹੀਂ ਬਣਾਉਣੀਆਂ ਚਾਹੀਦੀਆਂ। ਵਿਚਕਾਰਲੇ ਹਿੱਸੇ 'ਚ ਬ੍ਰਹਮਾ ਦਾ ਨਿਵਾਸ ਸਥਾਨ ਹੁੰਦਾ ਹੈ।
ਇਹ ਵੀ ਪੜ੍ਹੋ: GST ਪ੍ਰੀਸ਼ਦ ਦੀ ਬੈਠਕ ’ਚ ਹੋ ਸਕਦੈ ਰਿਟਰਨ ’ਚ ਵਾਧੂ ਤਸਦੀਕ ਦੇ ਪ੍ਰਸਤਾਵ ’ਤੇ ਵਿਚਾਰ
ਉੱਤਰ-ਪੂਰਬ ਦਿਸ਼ਾ
ਉੱਤਰ-ਪੂਰਬ ਵੱਲ ਵੀ ਭੁੱਲ ਕੇ ਪੌੜੀਆਂ ਨਹੀਂ ਬਣਾਉਣੀਆਂ ਚਾਹੀਦੀਆਂ। ਇਸ ਕਾਰਨ ਕੋਨੇ 'ਚ ਪੌੜੀਆਂ ਬਣਾਉਣ ਨਾਲ ਤੁਹਾਨੂੰ ਕਰਜ਼ੇ ਅਤੇ ਪੈਸੇ ਨਾਲ ਜੁੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਪੌੜੀਆਂ ਦੇ ਹੇਠਾਂ ਪਖਾਨੇ ਨਾ ਬਣਾਓ
ਪਖਾਨੇ, ਰਸੋਈ ਅਤੇ ਸਟੋਰ ਪੌੜੀਆਂ ਦੇ ਹੇਠਾਂ ਭੁੱਲ ਕੇ ਵੀ ਨਹੀਂ ਬਣਾਉਣੇ ਚਾਹੀਦੇ। ਇਸ ਨਾਲ ਤੁਹਾਡੇ ਘਰ 'ਚ ਵਾਸਤੂ ਨੁਕਸ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਮਿਕਸਰ, ਆਟਾ ਚੱਕੀ ਵਰਗੀਆਂ ਚੀਜ਼ਾਂ ਵੀ ਪੌੜੀਆਂ ਦੇ ਹੇਠਾਂ ਨਹੀਂ ਰੱਖਣੀਆਂ ਚਾਹੀਦੀਆਂ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
