Vastu Shastra: ਨੋਟ ਗਿਣਦੇ ਸਮੇਂ ਨਾ ਕਰੋ ਇਹ ਗਲਤੀ, ਨਹੀਂ ਤਾਂ ਮਾਂ ਲਕਸ਼ਮੀ ਹੋ ਜਾਵੇਗੀ ਨਾਰਾਜ਼
2/11/2022 5:42:51 PM
ਨਵੀਂ ਦਿੱਲੀ - ਮਾਂ ਲਕਸ਼ਮੀ ਨੂੰ ਧਨ ਦੀ ਦੇਵੀ ਮੰਨਿਆ ਜਾਂਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਦੇ ਆਸ਼ੀਰਵਾਦ ਨਾਲ ਪਰਿਵਾਰ 'ਚ ਧਨ-ਦੌਲਤ, ਖੁਸ਼ਹਾਲੀ ਅਤੇ ਬਰਕਤ ਬਣੀ ਰਹਿੰਦੀ ਹੈ। ਦੂਜੇ ਪਾਸੇ ਜੇਕਰ ਦੇਵੀ ਲਕਸ਼ਮੀ ਨਾਰਾਜ਼ ਹੁੰਦੀ ਹੈ ਤਾਂ ਆਰਥਿਕ ਪਰੇਸ਼ਾਨੀ ਹੋ ਸਕਦੀ ਹੈ। ਵਾਸਤੂ ਅਨੁਸਾਰ ਜੀਵਨ ਵਿੱਚ ਕੁਝ ਗਲਤੀਆਂ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਨਹੀਂ ਤਾਂ ਤੁਹਾਨੂੰ ਦੇਵੀ ਮਾਂ ਦੀ ਨਾਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ...
ਨੋਟ ਗਿਣਦੇ ਸਮੇਂ ਥੁੱਕ ਲਗਾਉਣ ਤੋਂ ਬਚੋ
ਅਕਸਰ ਲੋਕ ਇੱਕੋ ਸਮੇਂ ਜ਼ਿਆਦਾ ਨੋਟ ਗਿਣਦੇ ਸਮੇਂ ਥੁੱਕ ਦੀ ਵਰਤੋਂ ਕਰਦੇ ਹਨ। ਪਰ ਅਜਿਹਾ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਵਾਸਤੂ ਅਨੁਸਾਰ ਧਨ ਨੂੰ ਦੇਵੀ ਲਕਸ਼ਮੀ ਦਾ ਨਿਵਾਸ ਮੰਨਿਆ ਜਾਂਦਾ ਹੈ। ਅਜਿਹੇ 'ਚ ਉਸ ਨੂੰ ਥੁੱਕ ਲਗਾ ਕੇ ਗਿਣਨ 'ਤੇ ਦੇਵੀ ਮਾਂ ਦੀ ਨਾਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਕਾਰਨ ਘਰ ਵਿੱਚ ਪੈਸੇ ਨਾਲ ਜੁੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : ਪਤੀ-ਪਤਨੀ ਦਰਮਿਆਨ ਰਹਿੰਦਾ ਹੈ ਕਲੇਸ਼ ਤਾਂ ਅਪਣਾਓ ਇਹ ਵਾਸਤੂ ਟਿਪਸ, ਵਧ ਜਾਵੇਗਾ ਕਈ ਗੁਣਾ ਪਿਆਰ
ਪੈਸੇ ਨੂੰ ਸਹੀ ਜਗ੍ਹਾ 'ਤੇ ਰੱਖੋ
ਅਕਸਰ ਕਈ ਲੋਕ ਰਾਤ ਨੂੰ ਆਪਣਾ ਪਰਸ ਅਤੇ ਬਟੂਆ ਸਿਰਹਾਣੇ , ਮੰਜੇ ਜਾਂ ਮੇਜ਼ ਦੇ ਕੋਲ ਰੱਖ ਕੇ ਸੌਂਦੇ ਹਨ। ਪਰ ਅਜਿਹਾ ਕਰਨ ਨਾਲ ਵੀ ਦੇਵੀ ਲਕਸ਼ਮੀ ਘਰ ਛੱਡ ਕੇ ਜਾ ਸਕਦੀ ਹੈ। ਇਸ ਲਈ ਸੌਣ ਤੋਂ ਪਹਿਲਾਂ ਆਪਣਾ ਪਰਸ ਅਤੇ ਬਟੂਆ ਕਿਸੇ ਅਲਮਾਰੀ ਜਾਂ ਕਿਸੇ ਸਾਫ਼-ਸੁਥਰੀ ਥਾਂ 'ਤੇ ਰੱਖੋ।
ਇਸ ਤਰ੍ਹਾਂ ਪੈਸੇ ਨਾ ਰੱਖੋ
ਜੇਕਰ ਤੁਸੀਂ ਆਪਣੇ ਪਰਸ ਜਾਂ ਅਲਮਾਰੀ 'ਚ ਹਫੜਾ-ਦਫੜੀ ਨਾਲ ਪੈਸੇ ਰੱਖਦੇ ਹੋ ਤਾਂ ਆਪਣੀ ਇਸ ਆਦਤ ਨੂੰ ਬਦਲੋ। ਵਾਸਤੂ ਅਨੁਸਾਰ ਇਸ ਨਾਲ ਧਨ ਦਾ ਨੁਕਸਾਨ ਹੋਣ ਦਾ ਖ਼ਤਰਾ ਰਹਿੰਦਾ ਹੈ। ਇਸ ਲਈ ਇਸ ਨੂੰ ਹਮੇਸ਼ਾ ਸਹੀ ਤਰੀਕੇ ਨਾਲ ਰੱਖਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : Vastu Tips:ਬਿਸਤਰੇ ਦੇ ਹੇਠਾਂ ਰੱਖੀਆਂ ਇਹ ਚੀਜ਼ਾਂ ਲਿਆਉਂਦੀਆਂ ਹਨ ਵਿੱਤੀ ਸੰਕਟ, ਤੁਰੰਤ ਦੂਰ ਕਰਨਾ ਬਿਹਤਰ
ਕਿਸੇ ਨੂੰ ਪੈਸੇ ਸੁੱਟ ਕੇ ਨਾ ਦਿਓ
ਵਾਸਤੂ ਅਨੁਸਾਰ ਕਿਸੇ ਨੂੰ ਕਦੇ ਵੀ ਪੈਸਾ ਸੁੱਟ ਕੇ ਨਹੀਂ ਦੇਣੇ ਚਾਹੀਦੇ। ਅਜਿਹਾ ਕਰਨਾ ਦੇਵੀ ਲਕਸ਼ਮੀ ਦਾ ਅਪਮਾਨ ਮੰਨਿਆ ਜਾਂਦਾ ਹੈ। ਇਸ ਲਈ ਅਜਿਹਾ ਕਰਨ ਤੋਂ ਬਚਣਾ ਚਾਹੀਦਾ ਹੈ।
ਜੇਕਰ ਪੈਸੇ ਡਿੱਗ ਜਾਣ
ਜੇਕਰ ਗਲਤੀ ਨਾਲ ਪੈਸਾ ਜ਼ਮੀਨ 'ਤੇ ਡਿੱਗ ਜਾਵੇ ਤਾਂ ਤੁਰੰਤ ਉਸ ਨੂੰ ਚੁੱਕ ਕੇ ਮੱਥੇ 'ਤੇ ਲਗਾਓ। ਇਸ ਨਾਲ ਹੀ ਇਸ ਗਲਤੀ ਦੇ ਲਈ ਦੇਵੀ ਲਕਸ਼ਮੀ ਤੋਂ ਮਾਫੀ ਮੰਗੋ। ਮਾਨਤਾਵਾਂ ਅਨੁਸਾਰ ਧਨ ਦੀ ਦੇਵੀ ਲਕਸ਼ਮੀ ਦਾ ਵਾਸ ਧਨ ਵਿੱਚ ਹੁੰਦਾ ਹੈ। ਅਜਿਹੇ 'ਚ ਪੈਸੇ ਜ਼ਮੀਨ 'ਤੇ ਡਿੱਗਣ ਨਾਲ ਦੇਵੀ ਮਾਂ ਦੀ ਨਾਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਲਈ ਜੇਕਰ ਗਲਤੀ ਨਾਲ ਵੀ ਅਜਿਹਾ ਹੋ ਜਾਵੇ ਤਾਂ ਤੁਰੰਤ ਧਨ ਨੂੰ ਮੱਥੇ 'ਤੇ ਲਗਾ ਕੇ ਦੇਵੀ ਮਾਂ ਕੋਲੋਂ ਮੁਆਫ਼ੀ ਮੰਗੋ।
ਇਹ ਵੀ ਪੜ੍ਹੋ : Vastu Tips: ਬੰਦ ਕਿਸਮਤ ਦੇ ਤਾਲੇ ਖੋਲ੍ਹ ਸਕਦੀ ਹੈ ਖਿੜਕੀ, ਇਸ ਦਿਸ਼ਾ ਵਿੱਚ ਬਣਵਾਉਣਾ ਹੁੰਦੈ ਸ਼ੁਭ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
