ਫਿਟਕਰੀ ਦਾ ਇਹ ਛੋਟਾ ਜਿਹਾ ਉਪਾਅ ਕਰ ਸਕਦੈ ਤੁਹਾਨੂੰ ਮਾਲੋਮਾਲ, ਬਸ ਕਰ ਲਓ ਇਹ ਕੰਮ

ਨਵੀਂ ਦਿੱਲੀ - ਵਾਸਤੂ ਸ਼ਾਸਤਰ ਅਨੁਸਾਰ ਘਰ 'ਚ ਸੁਖ-ਸ਼ਾਂਤੀ ਅਤੇ ਸਕਾਰਾਤਮਕ ਊਰਜਾ ਬਣਾਈ ਰੱਖਣ ਲਈ ਕਈ ਛੋਟੇ-ਛੋਟੇ ਉਪਾਅ ਦੱਸੇ ਗਏ ਹਨ, ਜਿਨ੍ਹਾਂ 'ਚੋਂ ਫਿਟਕਰੀ ਬਹੁਤ ਪ੍ਰਭਾਵਸ਼ਾਲੀ ਮੰਨੀ ਜਾਂਦੀ ਹੈ। ਅਕਸਰ ਲੋਕ ਫਿਟਕਰੀ ਦੀ ਵਰਤੋਂ ਸਿਰਫ ਪਾਣੀ ਸਾਫ਼ ਕਰਨ ਜਾਂ ਸ਼ੇਵਿੰਗ ਤੋਂ ਬਾਅਦ ਕਰਦੇ ਹਨ, ਪਰ ਇਹ ਸਾਧਾਰਨ ਦਿਖਣ ਵਾਲੀ ਚੀਜ਼ ਘਰ ਦੇ ਵਾਸਤੂ ਦੋਸ਼ਾਂ ਨੂੰ ਦੂਰ ਕਰਨ ਅਤੇ ਆਰਥਿਕ ਤੰਗੀ ਨੂੰ ਮਿਟਾਉਣ 'ਚ ਵੀ ਬਹੁਤ ਮਦਦਗਾਰ ਸਾਬਤ ਹੋ ਸਕਦੀ ਹੈ।

ਨਕਾਰਾਤਮਕਤਾ ਦੂਰ ਕਰਨ ਲਈ ਅਚੂਕ ਉਪਾਅ
ਘਰ ਦੀ ਨਕਾਰਾਤਮਕ ਊਰਜਾ ਨੂੰ ਖਤਮ ਕਰਨ ਲਈ ਫਿਟਕਰੀ ਦੇ ਕੁਝ ਟੁਕੜਿਆਂ ਨੂੰ ਇਕ ਕੱਚ ਦੇ ਕਟੋਰੇ 'ਚ ਭਰ ਕੇ ਘਰ ਦੇ ਅਜਿਹੇ ਸਥਾਨ 'ਤੇ ਰੱਖੋ ਜਿੱਥੇ ਹਵਾ ਦੀ ਆਵਾਜਾਈ ਘੱਟ ਹੋਵੇ। ਇਸ ਕਟੋਰੇ ਨੂੰ ਅਜਿਹੀ ਥਾਂ ਛੁਪਾ ਕੇ ਰੱਖੋ ਜਿੱਥੇ ਕਿਸੇ ਦੀ ਨਜ਼ਰ ਨਾ ਪਵੇ। ਹਰ ਮਹੀਨੇ ਇਨ੍ਹਾਂ ਟੁਕੜਿਆਂ ਨੂੰ ਬਦਲ ਕੇ ਨਵੇਂ ਟੁਕੜੇ ਰੱਖਦੇ ਰਹੋ, ਇਸ ਨਾਲ ਮਨ ਸ਼ਾਂਤ ਰਹਿੰਦਾ ਹੈ ਅਤੇ ਘਰ ਦੀ ਨਕਾਰਾਤਮਕਤਾ ਦੂਰ ਹੁੰਦੀ ਹੈ।

ਆਰਥਿਕ ਲਾਭ ਅਤੇ ਬਰਕਤ ਲਈ
ਜੇਕਰ ਤੁਹਾਨੂੰ ਕਾਰੋਬਾਰ 'ਚ ਘਾਟਾ ਪੈ ਰਿਹਾ ਹੈ ਜਾਂ ਘਰ 'ਚ ਬਰਕਤ ਨਹੀਂ ਹੋ ਰਹੀ, ਤਾਂ ਲਾਲ ਕੱਪੜੇ 'ਚ ਫਿਟਕਰੀ ਬੰਨ੍ਹ ਕੇ ਆਪਣੇ ਕੰਮ ਵਾਲੀ ਥਾਂ ਜਾਂ ਤਿਜੋਰੀ ਦੇ ਕੋਲ ਰੱਖੋ। ਇਹ ਉਪਾਅ ਨਕਾਰਾਤਮਕ ਸ਼ਕਤੀਆਂ ਨੂੰ ਦੂਰ ਰੱਖਦਾ ਹੈ ਅਤੇ ਬੈਂਕ ਬੈਲੇਂਸ 'ਚ ਸੁਧਾਰ ਲਿਆਉਣ 'ਚ ਸਹਾਇਤਾ ਕਰਦਾ ਹੈ।

ਬਾਥਰੂਮ ਦੇ ਵਾਸਤੂ ਦੋਸ਼ ਹੋਣਗੇ ਦੂਰ
ਵਾਸਤੂ ਅਨੁਸਾਰ ਬਾਥਰੂਮ ਅਤੇ ਟਾਇਲਟ ਨਕਾਰਾਤਮਕ ਊਰਜਾ ਦੇ ਵੱਡੇ ਸਰੋਤ ਹੋ ਸਕਦੇ ਹਨ। ਇਸ ਨੂੰ ਸੰਤੁਲਿਤ ਕਰਨ ਲਈ ਇਕ ਕਟੋਰੇ 'ਚ ਫਿਟਕਰੀ ਭਰ ਕੇ ਬਾਥਰੂਮ ਦੇ ਕਿਸੇ ਕੋਨੇ 'ਚ ਰੱਖ ਦਿਓ। ਸਮੇਂ-ਸਮੇਂ 'ਤੇ ਇਸ ਨੂੰ ਬਦਲਦੇ ਰਹਿਣ ਨਾਲ ਵਾਸਤੂ ਦੋਸ਼ਾਂ ਦਾ ਅਸਰ ਘੱਟ ਹੁੰਦਾ ਹੈ।

ਬੁਰੇ ਸੁਪਨਿਆਂ ਤੋਂ ਮੁਕਤੀ
ਜੇਕਰ ਤੁਹਾਨੂੰ ਰਾਤ ਨੂੰ ਡਰਾਉਣੇ ਸੁਪਨੇ ਆਉਂਦੇ ਹਨ ਜਾਂ ਸੌਣ ਵੇਲੇ ਬੇਚੈਨੀ ਮਹਿਸੂਸ ਹੁੰਦੀ ਹੈ, ਤਾਂ ਆਪਣੇ ਸਿਰਹਾਣੇ ਦੇ ਹੇਠਾਂ ਫਿਟਕਰੀ ਦਾ ਇਕ ਛੋਟਾ ਟੁਕੜਾ ਰੱਖੋ। ਇਸ ਨਾਲ ਮਨ ਸ਼ਾਂਤ ਰਹਿੰਦਾ ਹੈ ਅਤੇ ਨਕਾਰਾਤਮਕ ਵਿਚਾਰਾਂ ਤੋਂ ਮੁਕਤੀ ਮਿਲਦੀ ਹੈ।

 ਨੋਟ :- ਇਹ ਜਾਣਕਾਰੀ ਆਮ ਧਾਰਮਿਕ ਮਾਨਤਾਵਾਂ 'ਤੇ ਆਧਾਰਿਤ ਹੈ, ਜਗਬਾਣੀ ਇਸ ਦੀ ਪੁਸ਼ਟੀ ਨਹੀਂ ਕਰਦਾ।